follow us:
టీమిండియా స్టార్ ప్లేయర్‌, వైఎస్‌ కెప్టెన్‌ కేఎల్‌ రాహుల్‌ రానున్న టీ20 వరల్డ్‌ కప్‌లో ఆడే అవకాశాలు కనిపించడంలేదు. ప్రస్తుతం గాయంగా కారణంగా రాహుల్‌ జర్మనీలో శస్త్రచిక్సిత చేయించుకున్నాడు. బుధవారం కాలి గజ్జకు ఆపరేషన్‌ విజయవంతం అయిన రాహుల్‌ సోషల్‌ మీడియా వేదికగా తెలియజేశాడు. అలాగే అతను మరో మూడు నెలలు విశ్రాంతి తీసుకోవాలని వైద్యులు సూచినట్లు సమాచారం. దీంతో కేఎల్‌ రాహుల్‌ క్రికెట్‌కు దూరంగా ఉండాల్సిందే.
కానీ.. అక్టోబర్‌లో ఐసీసీ టీ20 వరల్డ్‌ కప్ జరగనుంది. అప్పటి వరకు కేఎల్‌ రాహుల్‌ పూర్తిస్థాయి కోలుకుంటాడా అనేది అనుమానమే. జూలై, ఆగస్టు, సెప్టెంబర్‌లలో పూర్తిగా రెస్ట్‌ తీసుకుని వెంటనే వరల్డ్‌ కప్ లాంటి మెగా టోర్నీలో ఆటడం పెద్ద సవాలే. విశ్రాంతి తీసుకున్న తర్వాత మళ్లీ పూర్తి స్థాయిలో ఫిట్ అయ్యేందుకు కూడా మరికొంత సమయం పడుతుంది. అలాగే బీసీసీఐ నిర్వహించే యోయో టెస్టు కూడా పాస్‌ కావాల్సి ఉంటుంది.
వీటన్నింటి నేపథ్యంలో కేఎల్‌ రాహుల్‌ టీ20 వరల్డ్‌కప్‌కు దూరమయ్యే అవకాశమే ఎక్కువగా ఉంది. కేఎల్‌ రాహుల్‌ లాంటి బ్యాట్స్‌మెన్‌ అందుబాటులో లేకపోవడం టీమిండియాకు కచ్చితంగా లోటనే చెప్పాలి. టీ20ల్లో కేఎల్‌ రాహుల్‌కు మంచి రికార్డు ఉంది. నిలకడగా రాణిస్తాడు. ఓపెనర్‌గా జట్టుకు మంచి ఆరంభాలను అందిస్తాడు. క్రీజ్‌లో ఒక్కసారి కుదురుకుంటే లాంగ్‌ ఇన్నింగ్స్‌లు ఆడతాడు. ఇలాంటి ప్లేయర్‌ వరల్డ్‌ కప్ లాంటి టోర్నీలో లేకపోవడం టీమిండియా విజయావకాశాలపై ప్రభావం చూపనుంది. మరి ఈ విషయంలో మీ అభిప్రాయాలను కామెంట్ల రూపంలో తెలియజేయండి.
Hello everyone. It’s been a tough couple of weeks but the surgery was successful. I’m healing and recovering well. My road to recovery has begun. Thank you for your messages and prayers. See you soon 🏏♥️ pic.twitter.com/eBjcQTV03z
— K L Rahul (@klrahul) June 29, 2022
