follow us:
భారత్- పాక్ మ్యాచ్ అంటే క్రికెట్ ప్రపంచం మొత్తం దృష్టి ఆ మ్యాచ్‌పైనే ఉంటుంది. టాస్‌ దగ్గరి నుంచి ఆఖరి ఫలితం తేలే వరకు ఉత్కంఠగా ఎదురుచూస్తుంటారు. రెండు దేశాల మధ్య తలెత్తిన అనిశ్చితి కారణంగా చాలా ద్వైపాక్షిక సిరీస్‌లు జరగట్లేదన్న విషయం తెలిసిందే. అయితే ఆసియా కప్‌ ద్వారా మరోసారి వీళ్ల పోరాటాన్ని తిలకించే అవకాశం కలిగింది. ఆ మ్యాచ్‌లో టీమిండియా 5 వికెట్ల తేడాతో ఘన విజయం నమోదు చేసింది.
దాయాదుల పోరుకు ఎంత క్రేజ్‌ ఉంటుందో నిన్నటి మ్యాచ్‌తో మరోసారి ప్రూవ్ అయ్యింది. ఆదివారం మ్యాచ్‌ను డిస్నీ ప్లస్‌ హాట్‌స్టార్‌లో 1.30 కోట్ల మంది లైవ్‌ లో వీక్షించారు. మరి భారత్- పాక్ మ్యాచ్ అంటే ఆమాత్రం ఉంటుంది. అయితే మళ్లీ వీళ్లు ఎప్పుడు తిరిగి తలపడతారు? అసలు ఆసియా కప్‌లో మరోసారి తలపడే అవకాశం ఉంటుందా? అనే అనుమానాలు క్రికెట్ అభిమానుల్లో మెదులుతున్నాయి.
అయితే భారత్- పాక్ జట్లు ఆసియా కప్‌లో ఇంకా రెండుసార్లు తలపడేందుకు అవకాశం ఉంది. ప్రస్తుతం గ్రూప్‌ మ్యాచ్‌లు జరుగుతున్నాయి. ప్రస్తుతం భారత్ గ్రూప్‌-ఏలో టేబుల్ టాప్‌ ప్లేస్‌లోఉంది. తర్వాత భారత్- పాక్ జట్లు హాంకాంగ్‌తో తలపడాల్సి ఉంది. ఇరు జట్లూ హాంకాంగ్‌ని ఓడిస్తే సూపర్‌ 4లో సెప్టెంబర్‌ 4న భారత్- పాక్ మ్యాచ్ జరిగే అవకాశం ఉంది.
WHAT. A. WIN!#TeamIndia clinch a thriller against Pakistan. Win by 5 wickets 👏👏
Scorecard – https://t.co/o3hJ6VNfwF #INDvPAK #AsiaCup2022 pic.twitter.com/p4pLDi3y09
— BCCI (@BCCI) August 28, 2022
తర్వాత గ్రూప్‌-ఏ, గ్రూప్‌-బి జట్ల మధ్య జరిగే మ్యాచ్‌లలో టీమిండియా- పాక్ జట్లు అద్భుతంగా రాణిస్తే.. సెప్టెంబర్‌ 11న జరగబోయే ఆసియా కప్‌ 2022 ఫైనల్‌ మ్యాచ్‌లోనూ దాయాదుల పోరును మరోసారి చూసే అవకాశం ఉంటుంది. అయితే సూపర్‌-4లో మ్యాచ్ వరకు అయితే దాదాపు అందరూ జరుగుతుందని ఆశాభావం వ్యక్తం చేస్తున్నారు. అయితే ఫైనల్‌ మ్యాచ్‌లోనూ భారత్-పాక్ జట్లే ఉండాలంటూ ఆకాంక్షిస్తున్నారు. ఆసియా కప్‌ 2022 విజేతగా ఎవరు నిలుస్తారు? మీ అభిప్రాయాలను కామెంట్స్ రూపంలో తెలియజేయండి.
If Pakistan plays wells
We can witness Ind vs Pak 3 times in this Asia Cup🏆
Sun 28th Aug – Group Stage🥉
Sun 4th Sep – Super 4🥈
Sun 11th Sep – Final🥇Ind is Certain to play Finals though.Get ready for the Massive entertainment 🔥🔥🔥#AsiaCup2022#INDvPAK #India pic.twitter.com/AVSs7duLT7
— Chivari ragalu (@SlowTsunami1) August 26, 2022
