డబ్బుల కోసం దిగజారే వీళ్లా రోల్ మోడల్స్? కపిల్, గవాస్కర్, వీరూపై గంభీర్ ఫైర్!

సినీ తారలు, క్రీడా ప్రముఖులు అడ్వర్టయిజ్​మెంట్లలో నటించడం మామూలే. కొన్ని సెకన్లు, నిమిషాల పాటు సాగే వాణిజ్య ప్రకటనల్లో కనిపించినందుకు గానూ వారికి రూ.కోట్లలో పారితోషికం ముట్టజెబుతుంటారని సమాచారం. అందుకే యాడ్స్​లో నటించేందుకు ప్రముఖులు ఉత్సాహం చూపిస్తుంటారు. క్రికెటర్స్ కూడా దీనికి మినహాయింపేమీ కాదు. అయితే కొన్ని యాడ్స్ వివాదాస్పదం అవుతుంటాయి. ముఖ్యంగా పాన్ మసాలా యాడ్స్​లో నటించినందుకు సెలబ్రిటీలు ట్రోలింగ్​కు గురవ్వడం చూస్తూనే ఉన్నాం. బాలీవుడ్ స్టార్ హీరో అక్షయ్ కుమార్ ఇలాంటి ఒక యాడ్​లో కనిపించినందుకు ఆ మధ్య ఆయనపై భారీగా విమర్శలు వచ్చాయి. ఇప్పుడు ఇలాంటి ఒక యాడ్​ విషయమై పలువురు క్రికెటర్లపై భారత మాజీ ఓపెనర్ గౌతం గంభీర్ సీరియస్ అయ్యాడు. ఒక పాన్ మసాలా యాడ్​లో నటించినందుకు గానూ వీరేంద్ర సెహ్వాగ్, కపిల్ దేవ్, సునీల్ గవాస్కర్​పై గౌతీ ఒక రేంజ్​లో ఫైర్ అయ్యాడు.

భారత క్రికెట్​లో దిగ్గజాలైన ఈ ముగ్గురు క్రికెటర్లు.. మన దేశ యువతకు ఏ విధంగా రోల్ మోడల్స్ అవుతారంటూ కడిగిపారేశాడు గౌతీ. తమ యాడ్​లో నటిస్తే రూ.20 కోట్లు ఇస్తామని ఒక పాన్ మసాలా కంపెనీ ఇచ్చిన ఆఫర్​ను సచిన్ టెండూల్కర్ రిజెక్ట్ చేశాడు అయితే కొన్ని రోజులకు ఇదే యాడ్​లో గవాస్కర్, కపిల్ దేవ్, సెహ్వాగ్​లు కనిపించారు. దీంతో గంభీర్ సీరియస్ అయ్యాడు. ఇది అసహ్యమని.. వీళ్లు చేసిన పని తనను చాలా నిరుత్సాహపరిచిందన్నాడు. ఈ యాడ్​ను కొన్ని కోట్ల మంది పిల్లలు చూస్తారని.. ఇలాంటి ప్రకటనల్లో నటించేందుకు డబ్బేనా కారణమని ప్రశ్నించాడు. మనీ కోసం ఎంత నీచానికైనా దిగజారుతారా అని క్వశ్చన్ చేశాడు గంభీర్. తండ్రికి ఇచ్చిన మాట కోసం పాన్ మసాలా యాడ్స్​లో నటించని సచిన్​ లాంటి వాళ్లే తనకు రోల్ మోడల్ అని గౌతీ పేర్కొన్నాడు.

“Disgusting and disappointing.. choose your role models carefully”

Gautam Gambhir slams former cricketers for supporting pan masala pic.twitter.com/O0FAPQalhP

— CricWatcher (@CricWatcher11) June 14, 2023