follow us:
ఆసియా కప్ 2022 సమరానికి సమయం ఆసన్నమైంది. ఆగస్టు 27 నుంచి టోర్నీ ప్రారంభం కానుండగా, ఆ మరుసటి రోజే దాయాదుల పోరు భారత్, పాకిస్తాన్ మ్యాచ్ జరగనుంది. గతేడాది టీ20 వరల్డ్ కప్ టోర్నీ, పాక్ చేతుల్లో పరాజయం తర్వాత రెండు జట్ల మధ్య జరుగుతున్న తొలి మ్యాచ్ కావడంతో దీనికి భారీ హైప్ వచ్చేసింది. ఒకరికి ఈ మ్యాచ్ ప్రతీకారం తీర్చుకునేందుకు దొరికిన అవకాశం అయితే, మరొకరికి పరువు కాపాడుకునేందుకు మిగిలిన మార్గం. ఈ తరుణంలో 90ల్లో భారత్, పాకిస్తాన్ పోరు ఎలా ఉండేది? ఓడితే ఎలాంటి పరిస్థితులంటాయి అన్న విషయాలపై టీమిండియా మాజీ దిగ్గజం కపిల్ దేవ్ స్పందించారు.
ఆసియా కప్ టోర్నీ, ఇప్పటివరకు 14 ఎడిషన్లు పూర్తి చేసుకుంది. ఇందులో భారత జట్టు 13 సార్లే పాల్గొంది. మిగిలిన ఆ ఒక్క ఎడిషన్.. 1986 ఎడిషన్ లో టీమిండియా పాల్గొనలేదు. 1985లో శ్రీలంకతో జరిగిన సిరీస్‌ వివాదాస్పదంగా ముగిసింది. ఈ కారణంగా శ్రీలంక వేదికగా జరిగిన 1986 ఆసియా కప్ టోర్నీలో భారత జట్టు పాల్గొనలేదు. దీంతో.. శ్రీలంక, పాకిస్తాన్, బంగ్లాదేశ్ జట్లు మాత్రమే 1986 ఆసియా కప్ లో తలపడ్డాయి. అయితే, అంతకుముందు షార్జా క్రికెట్ అసోసియేషన్, ఐసీసీ ఆధ్వర్యంలో ఆస్ట్రల్-ఆసియా కప్ టోర్నీ జరిగింది. ఈ టోర్నీలో భారత జట్టు ఫైనల్ కు చేరి.. ఆఖరి బంతికి పాక్ చేతిలో పరాభవం పాలైంది. ఆరోజు ఏం జరిగింది? ఓటమికి కారణాలేంటి? అన్న విషయాలను మాజీ క్రికెట్ దిగ్గజం కపిల్ దేవ్ పూసగుచ్చినట్లు చెప్పుకొచ్చారు. ఆలాగే.. తన జీవితంలో ఏదైనా నిద్రలేని రాత్రి ఉందా! అంటే.. అదే ఆరోజే అని చెప్పుకొచ్చారు.
1986లో ప్రారంభమైన తొలి ఎడిషన్‌లో ఆస్ట్రేలియా, ఇండియా, పాకిస్తాన్, న్యూజిలాండ్, శ్రీలంక జట్లు పాల్గొన్నాయి. తొలి రౌండ్‌లో న్యూజిలాండ్‌పై 3 వికెట్ల తేడాతో గెలిచిన భారత జట్టు, సెమీ ఫైనల్‌లో శ్రీలంకపై 3 వికెట్ల తేడాతో విజయం సాధించి ఫైనల్ చేరింది. మరోవైపు.. ఆస్ట్రేలియాపై 8 వికెట్ల తేడాతో విజయం అందుకున్న పాకిస్తాన్, సెమీ ఫైనల్‌లో న్యూజిలాండ్‌ని చిత్తుగా ఓడించి ఫైనల్ చేరింది. ఇక.. భారత్, పాకిస్తాన్ మధ్య ఫైనల్ మ్యాచ్. తొలుత బ్యాటింగ్ చేసిన భారత జట్టు నిర్ణీత 50 ఓవర్లలో 7 వికెట్లు కోల్పోయి 245 పరుగులు చేసింది. అనంతరం.. 246 పరుగుల లక్ష్యంతో బరిలో దిగిన పాక్ 49 ఓవర్లలో 235 పరుగులు చేసింది. పాకిస్తాన్ విజయానికి 6 బంతుల్లో 11 పరుగులు కావాలి. వసీం అక్రమ్, జావేద్ మియాందాద్ క్రీజులో ఉన్నారు. ఛేతన్ శర్మకు బాల్ అందించాడు కపిల్ దేవ్.
తొలి బంతికి వసీం అక్రమ్ రనౌట్ కాగా, రెండో బంతికి బౌండరీ బాదాడు మియాందాద్. ఇక, మూడో బంతికి సింగిల్. నాలుగో బంతికి జుల్దార్‌నైన్‌ క్లీన్ బౌల్డ్. దీంతో ఆఖరి 2 బంతుల్లో 5 పరుగులు కావాలి. ఐదో బంతికి తాసీఫ్ అహ్మద్ కొట్టిన షాట్‌ని అందుకున్న అజారుద్దీన్ రనౌట్ చేసే అవకాశాన్ని మిస్ చేశాడు. సింగిల్ వచ్చింది. ఆఖరి బంతికి 4 పరుగులు కావాలి.. స్ట్రైక్ లో మియాందాద్. నాలుగు నిమిషాల డిస్కషన్. ఫైనల్ గా యార్కర్ వేయాల్సిందిగా ఛేతన్ శర్మకు సూచనలు. అందరిలోనూ ఒకటే టెన్షన్. అలా యార్కర్ వేయబోయిన ఛేతన్ శర్మ లో ఫుల్ టాస్ వేస్తాడు. మియందాద్ దాన్ని కరెక్ట్‌గా మిడిల్ చేసి స్టాండ్స్ లోకి పంపుతాడు. పాకిస్తాన్ విజయం. “ఇప్పటికీ ఆ మ్యాచ్‌ని గుర్తు చేసుకుంటే నాకు ఏదోలా ఉంటుంది. ఆ ఒక్క బాల్ మా ఆత్మవిశ్వాసాన్ని ఘోరంగా దెబ్బ తీసింది. ఆ పరాభవం నుంచి కోలుకోవడానికి మాకు నాలుగేళ్లు పట్టింది..’ అని చెప్పుకొచ్చాడు భారత మాజీ కెప్టెన్ కపిల్ దేవ్.
‘Kapil still remembers crushing loss of 1986 , Miandad famous six on the last ball of the over . “Even if I remember that today, I can’t sleep’: Kapil Dev on 1986 loss to PAK https://t.co/eClqlkgyRX
via @@HTSportsNews— Anxious heart دل مضطر (@AamirRizwan2017) August 24, 2022
ఇక,1984 నుంచి ఇప్పటి వరకు ఆసియా కప్‌లో భారత్, పాకిస్థాన్‌లు 14 సార్లు తలపడ్డాయి. వీటిలో భారత్ 8 సార్లు గెలుపొందగా, పాకిస్థాన్ 5 మ్యాచ్‌ల్లో విజయం సాధించింది. 1997లో వర్షం కారణంగా ఒక మ్యాచ్ ఫలితం లేకుండా ముగిసింది. ఇప్పుడు మరోసారి భారత జట్టు టైటిల్ ఫేవరైట్ గా బరిలోకి దిగుతోంది. 6 జట్లు పాల్గొంటున్న ఈ టోర్నీలో న్నీ జట్లు బలంగానే కనిపిస్తున్నప్పటికీ, భారత్, పాకిస్తాన్.. ఈ రెండింటిలోనే కప్ సొంతం చేసుకునే అవకాశాలు 100 శాతం ఉన్నాయి. భారత్, పాకిస్తాన్.. పోరులో ఎవరు గెలుస్తారో.. మీ అభిప్రాయాలను కామెంట్ల రూపంలో తెలియజేయండి.
