MLA కి బురద స్నానం చేయించిన మహిళలు.. వీడియో

ప్రస్తుతం రుతుపవనాల రాకకు అల్పపీడనం తోడవడంతో దేశవ్యాప్తంగా భీభత్సమైన వర్షాలు కురుస్తున్నాయి. తెలుగు రాష్ట్రాలతో పాటు ఉత్తర భారతంలో కూడా కొన్ని చోట్ల  జోరుగా వర్షాలు పడుతున్నాయి. వాగులు, వంకలు పొంగిపొర్లుతున్నాయి. విచిత్రం ఏంటేంటే కొన్ని చోట్ల మాత్రం వర్షం చుక్క పడటంలేదు.. కరువుతో ప్రజలు నానా ఇబ్బందులు పడుతున్నారు. ఈ క్రమంలో తమ ఊర్లో వర్షాలు పడాలని ఎమ్మెల్యే బురద స్నానం చేయించడం సోషల్ మీడియాలో తెగ వైరల్ అవుతుంది. ఉత్తరప్రదేశ్‌లోని మహారాజ్ గంజ్ లో ఈ ఘటన చోటు చేసుకుంది. వివరాల్లోకి వెళితే..

ఉత్తర్ ప్రదేశ్ లోని మహరాజ్ గంజ్ లో కొంత కాలంగా నుంచి వర్షాలు పడక ప్రజలు నానా ఇబ్బందులు పడుతున్నారు. ఇక్కడ వర్షాలు పడకపోవడంతో పంటలపై దీని ప్రభావం పడుతుందన్న ఉద్దేశంతో మహిళలు తమ పాత సాంప్రదాయ పద్దతి పాటించారు. తమ ప్రాంతాల్లో వర్షాలు పడాలని.. వరుణ దేవుడుని సంతృప్తి పరచాలని ఉద్దేశంతో స్థానిక ఎమ్మేల్యే జై మంగల్ కనోజియా, నగర పాలక చైర్మన్ కృష్ణ గోపాల్ జైస్వాల్ కి అక్కడి మహిళలు బురుద స్నానం చేయించారు. ఇలా ప్రజా ప్రతినిధులకు బురుద స్నానం చేయిస్తే.. వర్షాలు పడుతాయని ఇక్కడవారి నమ్మకం.

ఈ సందర్భంగా ఓ మహిళ మాట్లాడుతూ.. గత కొన్ని రోజులుగా ఇక్కడ వర్షాలు పడటం లేదని.. మా పూర్వికులు ఆచారాలను అనుసరించి స్థానిక ప్రజా ప్రతినిధులకు బురుద స్నానం చేయించామని దీన్నే కల్ కలూటి అని పిలుస్తారని ఆమె తెలిపింది. ఇలా చేస్తే తమ ప్రాంతంలో కరువు రాకుండా ఉంటుందని.. వానలు పడి పంటలు బాగా పండుతాయని నమ్ముతామని ఆమె తెలిపింది. ఇది అనాదిగా వస్తున్న ఆచారం అని.. ఇందులో చిన్నా పెద్ద అందరూ పాల్గొంటారని తెలిపింది.

ఎమ్మేల్యే కనోజియా మాట్లాడుతూ.. ‘ఇక్కడ నేను ప్రజల కష్టాలు చూసి చలించిపోయానని..  తనకు ఇక్కడివాళ్లు బురుద స్నానం చేయించారని.. వరుణ దేవుడిని ప్రసన్నం చేసుకోవడానికి ఇలాంటి సాంప్రదాయాలు పాటిస్తారని అన్నారు. వారి ప్రార్థనలు విని ఆ వరుణ దేవుడు కరుణించి త్వరలో బాగా వర్షాలు పడతాయని కోరుకుంటున్నానని’ అన్నారు. ఈ సాంప్రదాయినికి సంబంధించిన వీడియో సోషల్ మీడియాలో తెగ వైరల్ అవుతుంది. ఈ విషయంపై మీ అభిప్రాయాలు కామెంట్స్ రూపంలో తెలియజేయండి.

ఇది చదవండి: Video: సోషల్ మీడియాలో మునిగిపోయిన కోతులు..

#WATCH | Women in Pipardeura area of Maharajganj in Uttar Pradesh throw mud at MLA believing this will bring a good spell of rainfall for the season pic.twitter.com/BMFLHDgYxb

— ANI UP/Uttarakhand (@ANINewsUP) July 13, 2022