వీడియో: పిల్లలు నీటిలో పడితే.. కాపాడే టీ షర్టులు!

పిల్లలకు ఆడుకోవడం అంటే ఎంతో ఇష్టం. అందుకే తోటి స్నేహితులతో కలిసి  బయటకు వెళ్లి ఆడుకుంటుంటారు. అయితే ఇలా వెళ్లిన క్రమంలో పిల్లలు వివిధ ప్రమాదాలకు గురవుతుంటారు. ముఖ్యంగా నీటి గుంటలో, సంపులో పడి ప్రాణాలు కోల్పోతున్నారు. అయితే అలా నీటిలో పడిపోయిన పిల్లలను కాపాడేందుకు ఓ షర్టు రూపొంచారు.  తాజాగా ఆనంద్ మహీంద్రా కూడా సోషల్ మీడియాలో ఆ సరికొత్త ఆవిష్కరణకు సంబంధించిన వీడియోను షేర్ చేశారు. ఈ ఆవిష్కరణకు సంబంధించిన విషయాలు ఏమిటో తెలుసుకుందాం.

ప్రపంచం సాంకేతిక రంగంతో అభివృద్ధి చెందుతూ కొత్త కొత్త ఆవిష్కరణలు జరుగుతున్నాయి. ప్రజలకు సౌకర్యాల కోసం, ప్రజల భద్రత కోసం టెక్నాలజీ కొత్త రూపురేఖలను సంతరించుకుంటూనే ఉంది. ఇప్పటికే ఎన్నో ఆవిష్కరణలు వెలుగులోకి రాగా.. తాజాగా మరొకటి బయటకు వచ్చింది. అది కూడా ముఖ్యంగా చిన్నపిల్లల భద్రత కోసం రూపొందించడం జరిగింది. ఈ మధ్యాకాలంలో చిన్న పిల్లలు తరచూ ప్రమాదాలకు గురై ప్రాణాలు కోల్పోతున్నారు. అభం శుభం తెలియని ఎందరో చిన్నారులు నీటిలో పడి ప్రాణాలు కోల్పోయారు. అప్పుడప్పుడు ఇలాంటి వార్తలు వింటుంటే మనస్సుకు బాధ కలుగుతుంది. ఈ ప్రమాదాల నివారణకు తాజాగా ఓ ఆవిష్కరణ జరిగింది. ఓ యువ శాస్త్రవేత్త.. నీటిలో పడి చిన్నపిల్లలు మృత్యువాత చెందడం చూసి చలించి పోయాడు. ఈ ప్రమాదాలను నివారించేందుకు ఏదో ఒకటి చేయాలని  సదరు యువ శాస్త్రవేత ఆలోచింటాడు.

ఈ క్రమంలోనే ఓ సరికొత్త ఆకర్షణను రూపొందించాడు. రెండు ఏళ్ల నుంచి ఆరు ఏళ్ల వయసు ఉండే చిన్నపిల్లలను నీటి ప్రమాదాల నుండి కాపాడే ఓ టీ షర్ట్ ను రూపొందించాడు. ప్రమాదవశాత్తు ఈ టీషర్ట్ ను ధరించిన చిన్నపిల్లలు నీటిలో పడితే.. వెంటనే టీ షర్ట్ లో ఉండే బెలూన్ తెరుచుకుంటుంది. తద్వారా పిల్లలు నీటిలో మునిగిపోకుండా పైకి తేలియాడతారు. కాబట్టి ఈ టీ షర్ట్ ధరిస్తే నీటి ప్రమాదాల నుండి రక్షణ లభించడమే కాకుండా ప్రమాదంలో ఉండే వారిని కూడా రక్షించేందుకు అవకాశం ఉంటుంది. ఇక వరదల సమయంలో ఈ బెలూన్ టీ షర్ట్ ఎంతో ఉపయోగకరంగా ఉంటుందని యువ శాస్త్రవేత్త తెలిపారు. మరి.. ఈ నూతన ఆవిష్కరణపై మీ అభిప్రాయాలను  కామెంట్స్ రూపంలో తెలియజేయండి.

This may not get a Nobel prize but it ranks higher than those inventions for me. Because as the grandfather of two young kids, their wellbeing & safety is my highest priority. 👏🏽👏🏽👏🏽 (video credit: @Rainmaker1973 ) pic.twitter.com/ZaSyVMqZG9

— anand mahindra (@anandmahindra) May 25, 2023