మంచి మనసు చాటుకున్న సెహ్వాగ్.. రైలు ప్రమాద బాధితుల కోసం ఏకంగా..!

ఒడిశా రైలు ప్రమాద వార్త దేశప్రజల్ని షాక్​కు గురి చేసింది. ఈమధ్య కాలంలో ఇంత ఘోర ప్రమాదం ఎప్పుడూ జరగలేదు. బాలాసోర్ దగ్గర జరిగిన ఈ యాక్సిడెంట్​ మృతుల సంఖ్య 275కు చేరిందని ఒడిశా చీఫ్​ సెక్రటరీ ప్రదీప్ జెనా ధ్రువీకరించారు. ప్రమాద మృతదేహాలను గుర్తించే ప్రక్రియ ఇంకా కొనసాగుతోందని తెలిసింది. అసలు ఈ యాక్సిడెంట్ ఎలా జరిగింది, ఇంత ఘోర ప్రమాదం వెనుక ఏమైనా కుట్ర కోణం దాగి ఉందా అనే అనుమానాలు వ్యక్తం అవుతున్నాయి. ప్రమాదంపై రైల్వే శాఖ విచారణ కొనసాగిస్తోంది. ఈ ఘటనలో గూడ్సు రైలును ఢీకొట్టిన కోరమాండల్ ఎక్స్​ప్రెస్ ట్రైన్ లోకోమోటివ్ డ్రైవర్ తీవ్రగాయాలతో హాస్పిటల్​లో చికిత్స పొందుతున్నాడు. గూడ్సు రైలు గార్డు కూడా ప్రమాదం నుంచి బయటపడ్డాడు. ఆ టైమ్​లో అతడు క్యాబిన్​లో లేడని తెలుస్తోంది.

గ్రీన్ సిగ్నల్ వచ్చిన అనంతరమే రైలును ముందుకు నడిపామని కోరమాండల్ ఎక్స్​ప్రెస్ లోకోమోటివ్ డ్రైవర్ చెప్పినట్లు రైల్వే ఆపరేషన్స్ అండ్ బిజినెస్ డెవలప్​మెంట్ మెంబర్ జయ సిన్హా తెలిపారు. కాగా, ఈ ప్రమాద బాధితులకు సాయం చేసేందుకు టీమిండియా మాజీ క్రికెటర్ వీరేంద్ర సెహ్వాగ్ ముందుకొచ్చాడు. ఈ యాక్సిడెంట్​లో మృతి చెందిన వారి పిల్లలకు తాను ఉచిత విద్యను అందిస్తానని సెహ్వాగ్ తెలిపాడు. బాధితుల పిల్లలను సెహ్వాగ్ ఇంటర్నేషనల్ స్కూలులో ఉచితంగా చదివిస్తానని.. ఆ బాధ్యతలు తాను తీసుకుంటానని ఈ డాషింగ్ బ్యాట్స్​మన్ పేర్కొన్నారు. ఈ ప్రమాద బాధితుల్ని కాపాడేందుకు అహర్నిషలు కృషి చేస్తున్న రెస్క్యూ టీమ్స్, మెడికల్ టీమ్స్, వాలంటీర్లకు సెహ్వాగ్ కృతజ్ఞతలు తెలిపాడు. బాధితులకు అండగా నిలిచిన సెహ్వాగ్​ను సోషల్ మీడియాలో నెటిజన్స్ మెచ్చుకుంటున్నారు. బాధితుల పిల్లలకు ఉచిత విద్య అందించాలనే వీరూ నిర్ణయం చాలా గొప్పదని ప్రశంసిస్తున్నారు.

This image will haunt us for a long time.

In this hour of grief, the least I can do is to take care of education of children of those who lost their life in this tragic accident. I offer such children free education at Sehwag International School’s boarding facility 🙏🏼 pic.twitter.com/b9DAuWEoTy

— Virender Sehwag (@virendersehwag) June 4, 2023