చూడ్డానికి భారీగా ఉన్న ఈ గుండె ఏ జంతువుదో తెలుసా?

మనుషుల గుండె వారి పిడికిలి సైజంత ఉంటుందని చిన్నప్పుడే తెలుసుకున్నాం. ఇక, జంతువుల విషయానికి వస్తే వాటి గుండె వాటి ఎత్తు, బరువును బట్టి ఉంటుంది. జంతు జాతిలో అత్యంత పెద్దదైనది బ్లూ వేల్‌. పెద్ద బ్లూ వేల్‌లు చాలా పెద్దగా ఉంటాయి. దాదాపు 200 టన్నుల బరువు ఉంటాయి. అంటే 33 ఏనుగులతో సమానమైన బరువన్నమాట. ఇక, అలాంటి బ్లూ వేల్‌ల గుండె ఎంత బరువు ఉంటుందో ప్రత్కేకంగా చెప్పనక్కర్లేదు. ఏ వంద కిలోలో ఉంటుందని ఇట్టే చెప్పేయవచ్చు. తాజాగా, ప్రముఖ వ్యాపారవేత్త, ఆర్‌పీజీ గ్రూపు అధినేత హర్ష్‌ వర్థన్‌ గోయెంక తన ట్విటర్‌ ఖాతాలో షేర్‌ చేసిన బ్లూ వేల్‌ గుండె ఫొటో సోషల్‌ మీడియాలో వైరల్‌గా మారింది. ఆయన తన పోస్టులో..

‘‘ ఇది భద్రంగా దాచి ఉంచిన బ్లూ వేల్‌ గుండె. దీని బరువు 181 కిలోలు. ఇది 1.2 మీటర్ల వెడల్పు, 1.5 మీటర్ల ఎత్తు ఉంది. ఈ గుండె కొట్టుకున్నపుడు దాని చప్పుడు 3.2 కిలోమీటర్లు వినిపిస్తుంది’’ అని అన్నారు. ఆ బ్లూవేల్‌ గుండె చూడటానికి అచ్చం మనిషి గుండెలాగే ఉంది. దూరం నుంచి చూస్తే ‘మనిషి గుండె ఏంటి? ఇంత పెద్దగా ఉంది’ అని అనిపిస్తుంది. బ్లూ వేల్‌ గుండెపై స్పందిస్తున్న నెటిజన్లు.. ‘‘ అంద పెద్ద గుండెనా.. ఓ మనిషి అందులో కూర్చోవచ్చు’’..‘‘ ఆ గుండె మీద పడినా చాలు మనిషి చనిపోతాడు’’.. ‘‘ దేవుడి సృష్టి అంటే ఇలానే ఉంటుంది’’ అంటూ కామెంట్లు చేస్తున్నారు. మరి, బ్లూవేల్‌ గుండెపై మీ అభిప్రాయాలను కామెంట్ల రూపంలో తెలియజేయండి.

This is the preserved heart of a blue whale which weighs 181 kg. It measures 1.2 meters wide and 1.5 meters tall and its heartbeat can be heard from more than 3.2 km away. 🐋 🫀 pic.twitter.com/hutbnfXlnq

— Harsh Goenka (@hvgoenka) March 13, 2023