వన దేవతలకు ఎత్తు బంగారం ఇచ్చిన హీరో నాని

మేడారం సమ్మక్క-సారలమ్మలను ప్యారడైజ్ మూవీ దర్శించుకుంది. అంతేకాదు నేచురల్ స్టార్ నాని వన దేవతలకు ఎత్తు బంగారం ఇచ్చారు.
హీరో నాని, నటుడు సంపూర్ణేష్ బాబుతో పాటు చిత్ర బృంద సభ్యులు మేడారానికి చేరుకోగా, ఆలయ అధికారులూ అర్చకులు వారికి సంప్రదాయబద్ధంగా ఘన స్వాగతం పలికారు.అనంతరం నాని అమ్మవార్ల గద్దెల వద్ద ప్రత్యేక పూజలు నిర్వహించి మొక్కులు చెల్లించుకున్నారు. అర్చకులు నానికి, చిత్ర బృందానికి వేదాశీర్వచనం అందించి, తీర్థప్రసాదాలను బహూకరించారు.

హీరో నాని, డైరెక్టర్ శ్రీకాంత్ ఓదెల వనదేవతలకు ఎత్తు బంగారం ఇచ్చారు. అభిమాన నటుడు నాని తమ గ్రామానికి వచ్చాడని తెలుసుకున్న స్థానికులు, అభిమానులు పెద్ద ఎత్తున ఆలయ ప్రాంగణానికి తరలివచ్చారు.సెప్టెంబర్ 24న థియేటర్లలో విడుదలైన ‘ది ప్యారడైజ్’ సినిమా చుట్టూ ప్రస్తుతం సోషల్ మీడియాలో తీవ్ర చర్చ నడుస్తోంది. ముఖ్యంగా సినిమాలో చూపించిన శంకరన్న పాత్ర రూపకల్పన, మ్యానరిజమ్‌లు బీఆర్ఎస్ అధినేత కేసీఆర్ పోలికలతో ఉన్నాయంటూ పొలిటికల్ వర్గాల్లో తీవ్ర దుమారం రేగింది. అంతేకాదు మెజారిటీ జనాలు సినిమాపై పాజిటివ్ టాక్ ఇవ్వగా.. కొందరు కావాలని నెగెటివ్ టాక్ స్ప్రెడ్ చేశారు. అయినా ఈ సినిమా జనాల్లోకి విపరీతంగా వెళ్లింది.

టాక్‌తో సంబంధం లేకుండా ‘ది ప్యారడైజ్’ బాక్సాఫీస్ వద్ద భారీ కలెక్షన్లతో దూసుకెళ్తోంది. దసరా కాంబినేషన్ మళ్లీ రిపీట్ కావడంతో మొదటి రోజే ఓపెనింగ్స్ రికార్డు స్థాయిలో వచ్చాయి. ప్రపంచవ్యాప్తంగా మొదటి రోజే రూ. 80 కోట్లకు పైగా గ్రాస్ సాధించి, నాని కెరీర్‌లోనే బిగ్గెస్ట్ ఓపెనింగ్ సాధించిన చిత్రంగా నిలిచింది.
1980ల నాటి సికింద్రాబాద్ నేపథ్యంలో ఈ పీరియాడికల్ యాక్షన్ డ్రామాను తెరకెక్కించారు.