అన్నదాతలకు అదిరిపోయే గుడ్ న్యూస్ చెప్పిన ప్రభుత్వం

అన్నదాతలకు ప్రభుత్వం అదిరిపోయే గుడ్ న్యూస్. పండుగ సీజన్‌లో కేంద్ర, రాష్ట్ర ప్రభుత్వాలు రైతుల ఖాతాల్లోకి నిధులు జమ చేయడానికి ఏర్పాట్లు వేగవంతం చేశాయి. దసరా కానుకగా ఏపీలోని అర్హులైన రైతుల ఖాతాల్లోకి ఏకంగా రూ. 6 వేలు ఒకేసారి జమ కానున్నాయి. పీఎం కిసాన్ 24వ విడతతో పాటు, కూటమి ప్రభుత్వం ఇస్తున్న ‘అన్నదాత సుఖీభవ’ డబ్బులు కూడా యాడ్ అయి రాబోతున్నాయి.

ఏపీలో కూటమి ప్రభుత్వం అధికారంలోకి వచ్చిన తర్వాత నుంచి రైతులకు ఇచ్చిన ప్రతి మాటకు కట్టుబడి ఉంటోంది. ‘అన్నదాత సుఖీభవ’ పథకం కింద అర్హులైన రైతులకు ఏటా రూ. 20 వేలు అందిస్తున్న విషయం తెలిసిందే. కేంద్రం పీఎం కిసాన్ ద్వారా ఇచ్చే రూ. 6 వేలతో పాటుగా, రాష్ట్ర ప్రభుత్వం ఈ నిధులను కలిపి మంజూరు చేస్తోంది. ఇప్పుడు దసరా వేళ రైతుల అకౌంట్లోకి పీఎం కిసాన్ – అన్నదాత సుఖీభవ నిధులు జమ చేయడానికి రంగం సిద్ధమైంది. ఈ మేరకు పీఎం కిసాన్ 24వ విడత నిధుల విడుదలకు కేంద్రం అన్ని ఏర్పాట్లు చేస్తోంది. సాధారణంగా ఈ పథకం కింద ప్రతి నాలుగు నెలలకు ఒకసారి రూ. 2,000 చొప్పున నేరుగా రైతు బ్యాంకు ఖాతాకు బదిలీ అవుతుంటాయి. చివరి విడత అయిన 23వ విడత జూన్‌లో విడుదల కాగా.. ఇప్పుడు నెక్స్ట్ విడత కోసం రైతులు ఆసక్తిగా ఎదురుచూస్తున్నారు.”

నిజానికి ఈ నిధులను ఈ నెలలోనే, ముఖ్యంగా వినాయక చవితి టైమ్‌లో విడుదల చేయాలని తొలుత భావించారు. కానీ కేంద్రంలో జరిగిన లేటెస్ట్ డిస్కషన్స్ ప్రకారం.. ఈ నిధులను అక్టోబర్ తొలి వారంలో అంటే దసరా టైంకి విడుదల చేయాలని తుది నిర్ణయం తీసుకున్నట్లు తెలుస్తోంది. అటు కేంద్రం ఇచ్చే పీఎం కిసాన్ నిధుల జమ సమయంతో పాటుగానే.. ఏపీ ప్రభుత్వం కూడా ‘అన్నదాత సుఖీభవ’ నిధులను ఒకేసారి రైతుల ఖాతాల్లో జమ చేయనుంది. దీనివల్ల ఏపీలోని రైతన్నలకు అటు కేంద్రం నుంచి, ఇటు రాష్ట్ర ప్రభుత్వం నుంచి మొత్తం కలిపి ఏకకాలంలో రూ. 6,000 చొప్పున అకౌంట్లో పడే ఛాన్స్ ఉంది. గత ఏడాదిన్నర కాలంగా కేంద్ర నిధులతో పాటు రాష్ట్ర ప్రభుత్వం కూడా తోడవ్వడంతో అన్నదాతలకు పండుగ సమయంలో ఆర్థికంగా పెద్ద ఊరట లభించనుంది.”

అయితే ఇందులో గమనించాల్సిన ముఖ్యమైన విషయం ఏంటంటే.. మొదటి విడతలో రాష్ట్రవ్యాప్తంగా ఏకంగా 46.85 లక్షల రైతు కుటుంబాలకు ఈ ప్రయోజనం దక్కింది! ఇందుకోసం ప్రభుత్వం సుమారు రూ. 3,125.47 కోట్ల భారీ మొత్తాన్ని విడుదల చేసింది. ఇప్పుడు రెండో విడతలో కూడా అదే జోరు కొనసాగనుంది. అయితే అధికారుల నుంచి ఒక ఇంపార్టెంట్ వార్నింగ్ వస్తోంది. ఈ పథకంలో నిధులు పొందాలంటే రైతులందరూ తప్పనిసరిగా ఇ-కేవైసీ పూర్తి చేయాలని సూచిస్తున్నారు. ఒకవేళ ఏ రైతు అయినా ఇంకా తమ ఇ-కేవైసీని కంప్లీట్ చేయకపోతే, తదుపరి వచ్చే ఈ వాయిదా డబ్బులు ఆగిపోయే డేంజర్ ఉంది కాబట్టి రైతులందరూ ఆన్‌లైన్‌లో లేదా మీసేవ కేంద్రాల ద్వారా మీ పీఎం కిసాన్ వాయిదా స్టేటస్‌ను, e-KYCని వెంటనే చెక్ చేసుకోవడం బెటర్.” మరోపక్క పండుగ సమయంలో ప్రభుత్వాల నుంచి వచ్చే ఈ ఆర్థిక సాయం రైతన్నల మోముల్లో నూతనోత్సాహాన్ని నింపుతుంది అనడంలో ఎలాంటి సందేహం లేదు.