follow us:
విద్యార్ధుల్లోని విద్యావికాసం గురించి తెలుసుకునేందుకు పాఠశాలలు పరీక్షలు నిర్వహిస్తుంటాయి. ఈ ఎగ్జామ్స్ లో అనేక రకాలైన ప్రశ్నలు అడిగి.. విద్యార్ధుల్లోని ప్రజ్ఞా నైపుణ్యాన్ని గుర్తింస్తుంటారు. అయితే ఇలా నిర్వహించే పరీక్షల్లో వచ్చే కొన్ని ప్రశ్నలు వివాదాలకు కారణమవుతుంటాయి. స్కూల్ యాజమాన్యం తప్పిదంతో కొన్నిసార్లు , రాష్ట్ర విద్యాబోర్డు తప్పులతో కొన్ని సార్లు ఇలాంటి వివాదాలు తరచూ వస్తుంటాయి. కశ్మీర్ ను ప్రత్యేక దేశంగా పేర్కొంటూ ఓ స్కూల్ యాజమాన్యం ప్రశ్నాపత్రంలో ఇవ్వడం వివాదస్పదంగా మారింది. తాజాగా జరిగిన ఈ ఘటన బీహార్ లో చోటుచేసుకుంది. వివరాల్లోకి వెళ్తే..
బీహార్ లోని ఓ ప్రైవేటు పాఠశాలలో ఏడో తరగతి పరీక్షలు జరుగుతున్నాయి. ఈక్రమంలో విద్యార్ధులకు అనేక ప్రశ్నలు ఆ క్వశ్చన్ పేపర్ లో ఇచ్చారు. అలానే ఆ ప్రశ్నాపత్రంలోని ఖాళీలు పూరించడం అనే విభాగంలో పలు ప్రశ్నలు ఇచ్చారు. అందులో వివిధ దేశాలు, అక్కడ నివసించే ప్రజలను ఏమంటారో అనేవి ప్రశ్నలుగా ఉన్నాయి. ఇందులో చైనా, నేపాల్, ఇంగ్లాండ్, ఇండియాలతో పాటు కశ్మీర్ ను కూడా ప్రత్యేక దేశంగా పేర్కొన్నారు. వీటితో పాటు కశ్మీర్ దేశస్తులను ఏమంటారని అనే ప్రశ్న అడగటంతో విద్యార్థులు అవాక్కయ్యారు. కశ్మీర్ ప్రత్యేక దేశం ఎప్పుడు అయ్యిందంటూ షాకయ్యారు. ఈ విషయం కాస్తా బయటకు పొక్కిడంతో బీజేపీ నాయకులు ఆందోళన చేశారు. నితీశ్ ప్రభుత్వంపై భాజపా నాయకులు నిప్పులు గుప్పించారు.
అయితే వీరి విమర్శలకు అధికార పార్టీ నేత సునీల్ సింగ్ స్పందించారు. కశ్మీర్ భారత దేశంలోని అంతర్భాగమనే విషయం అందరికీ తెలుసని, ప్రశ్నాపత్రం విషయంలో బీజేపీ చేస్తున్నది అనవసర రాద్ధాంతమని కొట్టిపారేశారు. అయితే అంశంపై స్కూల్ యాజమాన్యం స్పందించింది. ఆ క్వశ్చన్ పేపర్ రాష్ట్ర విద్యాబోర్డు నుంచే వచ్చిందని ఆ స్కూల్ హెడ్ మాస్టర్ తెలిపారు. ఇది కొందరి అ జాగ్రత్త వల్ల జరిగిన పొరపాటని వివరణ ఇచ్చారు. ఇందులో తమ స్కూల్ యాజమాన్యం తప్పిందం ఏ మాత్రం లేదని హెడ్ మాస్టర్ తెలిపారు. ప్రస్తుతం ఈ ప్రశ్న పత్రంకి సంబంధించిన ఫోటో సోషల్ మీడియాలో వైరల్ అవుతోంది.
Kishanganj, Bihar | Class 7 question paper terms Kashmir as separate country
Got this via Bihar Education Board. Ques had to ask what are people from Kashmir called? Mistakenly carried as what are people of country of Kashmir called? This was human error: Headteacher, SK Das pic.twitter.com/VVv1qAZ2sz
— ANI (@ANI) October 19, 2022
