ఆహాలో మరోసారి మెరవనున్న బాలయ్య.. ఈ సారి షో దద్దరిల్లాల్సిందే

తెలుగు అగ్ర హీరోలంతా వెండి తెరపైనే కాదూ బుల్లి తెరపై కూడా మెరిసి ఔరా అనిపించారు. చిరంజీవి, జూ. ఎన్టీఆర్, నాని, రానా, నాగార్జున వంటి తారలు పలు టీవి షోలకు వ్యాఖ్యలుగా వ్యవహరించి, అందర్నీ అబ్బురపరిచారు. అలాగే ఓటీటీ ఫ్లాట్ ఫాం వచ్చాక కూడా బాలకృష్ణ, రానా, సమంత, మంచు లక్ష్మి వంటి నటులు హోస్టులగా చేసి మెప్పించారు. అయితే వీరందరిలో ఎక్కువ పేరు వచ్చింది మాత్రం బాలయ్యకే. ప్రముఖ తెలుగు ఓటీటీ ఫ్లాట్ ఫాం ఆహా.. తాను రూపొందించిన అన్‌స్టాపబుల్ షో హోస్టుగా బాలయ్యను కూర్చొబెట్టి, మంచి లాభాలను పొందింది. ఈ టాక్ షో ఎంతంటి ఘన విజయం సాధించిందీ అందరికీ తెలుసు.

బాలయ్య తన మార్క్ ప్రశ్నలతో వచ్చిన అతిధులను ఉక్కిరి బిక్కిరి చేశారు. ఫుల్ జోష్‌గా కూడా ఆ కార్యక్రమం సాగేది. రేటింగే కాదూ ఆహాకు సబ్ స్రైబర్క్ ను కూడా పెంచిందీ ఈ షోనే. ఈ షో రెండు సీజన్లు ముగిశాయి. ఈ రెండు సీజన్లలో టాలీవుడ్ హీరో, హీరోయిన్లు ప్రభాస్, మహేష్ బాబు, పవన్ కళ్యాణ్, రానా, నాని, అల్లు అర్జున్, రష్మిక, రాశికన్నా, రవితేజ, విజయ్ దేవరకొండ వంటి ఎంటర్‌టైన్‌మెంట్ చేశారు. కేవలం బాలయ్య బ్రాండ్ ఇమేజ్‌తోనే ఈ షో పెద్ద హిట్ అయ్యింది. ఇంకే విషయం చెప్పాలంటే.. ఈ షోతో బాలయ్య బాబుకి చాలా మంది ఫ్యాన్స్ కూడా అయ్యారు. అయిన మీద ఉన్న నెగిటివిటీ కూడా చాలా వరకు తగ్గింది. ఇప్పుడు ఈ షో ముగిసింది.

అయితే ఇప్పుడు మరోసారి బాలయ్య ఓటీటీలో సందడి చేయనున్నారు. అన్ స్టాపబుల్ సీజన్ 3 అనుకుంటే పప్పులో కాలేసినట్లే. బాలయ్యకు ఉన్న ఇమేజ్‌ను క్యాష్ చేసుకునేందుకు ఆహా పకడ్బందీ ప్లాన్ వేసింది. మరోసారి బాలయ్యను మరో షో ద్వారా తీసుకు రానుంది. ఆహాలో ప్రసారం కాబోతున్న మ్యూజిక్ కాంపిటీషన్ షో ‘ఇండియల్ ఐడల్’ సీజన్ 2 త్వరలో ప్రారంభం కాబోతుంది. ఇప్పటికే దీనికి సంబంధించిన ఆడిషన్స్ కూడా జరిగాయి. మొత్తం 12 మంది కంటెస్టెంట్లను సెలక్టు చేసింది. వీరి మధ్య పోటీ ఉండనుంది. థమన్, గీతామాధురి, కార్తీక్ ఈ ఆడిషన్స్ నిర్వహించారు. అయితే ఈ సీజన్ బాలయ్యతో ప్రారంభించేందుకు ఆహా స్కెచ్ వేసింది. ఈ 12 మందిని తెరకు పరిచయం చేసే బాధ్యతను బాలకృష్ణకు అప్పగించింది. ప్రస్తుతం దీనికి సంబంధించిన షూటింగ్ పూర్తి కాగా, దానికి సంబంధించిన వీడియోను ఆహా ట్విట్టర్ లో షేర్ చేసింది. ఇక బాలయ్య షోస్టు అయినా గెస్ట్ అయినా ఆ షో దద్దరిల్లాల్సిందే.

The Unstoppable #Balayya is back on aha!🔥😎
God of masses will grace the biggest musical gala of #TeluguIndianIdol2 and bless the young singers! World class Music, Unlimited fun and wholesome entertainment is guaranteed on March 17&18.#NandamuriBalakrishna.#GalaWithBala❤️ pic.twitter.com/kJR7zY7ar6

— ahavideoin (@ahavideoIN) March 12, 2023