యువరాజ్​ను తిట్టిపోస్తున్న బాలకృష్ణ ఫ్యాన్స్! పెద్ద పొరపాటే!

టాలీవుడ్ నటసింహం నందమూరి బాలకృష్ణకు ప్రేక్షకుల్లో ఉన్న క్రేజ్ వేరే లెవల్ అనే చెప్పాలి. ముఖ్యంగా మాస్​ ఆడియెన్స్​లో ఆయనకు భారీ స్థాయిలో ఫ్యాన్ ఫాలోయింగ్ ఉంది. అలాంటి బాలకృష్ణ పుట్టినరోజు నేడు. ఈ సందర్భంగా నందమూరి హీరోకు రాజకీయ, సినీ, క్రీడా ప్రముఖులతోపాటు అభిమానులు సోషల్ మీడియా ద్వారా శుభాకాంక్షలు తెలియజేస్తున్నారు. బాలయ్య పేరు మీద ఆయన ఫ్యాన్స్ ఇరు తెలుగు రాష్ట్రాల్లో సేవా కార్యక్రమాలను ఏర్పాటు చేస్తున్నారు. బాలకృష్ణకు తెలుగు రాష్ట్రాల ప్రముఖులే కాదు.. టీమిండియా మాజీ ఆల్​రౌండర్ యువరాజ్ సింగ్ కూడా ట్విట్టర్ ద్వారా విషెస్ తెలిపాడు. ‘నందమూరి బాలకృష్ణ​కు హృదయాపూర్వక జన్మదిన శుభాకాంక్షలు. ఇతర కార్యక్రమాలతో పాటు మీ క్యాన్సర్ ఆస్పత్రి, రీసెర్చ్ సెంటర్ ద్వారా సమాజంలో సానుకూల ప్రభావం చూపాలనే మీ అంకితభావం అందరికీ స్ఫూర్తిదాయకం. మీకు రాబోయే రోజుల్లో మంచి జరగాలని కోరుకుంటున్నా. హ్యాపీ బర్త్ డే ఎన్​బీకే’ అని యువరాజ్ ట్వీట్ చేశారు.

2011 వన్డే వరల్డ్ కప్​ టైమ్​లో యువరాజ్ సింగ్ క్యాన్సర్ బారిన పడి కొంతకాలం క్రికెట్​కు దూరమయ్యాడు. ఆ తర్వాత తిరిగి కోలుకొని కెరీర్​ను కొనసాగించాడు. మరోవైపు బసవతారకం ఇండో-అమెరికన్ క్యాన్సర్ హాస్పిటల్ ద్వారా ఎంతోమంది క్యాన్సర్ రోగులకు చికిత్సలో బాలయ్య సాయం అందిస్తున్నారు. ఈ నేపథ్యంలో నందమూరి హీరోకు యువీ విషెస్ చెప్పారు. ఇంతవరకు అంతా బాగానే ఉంది. కానీ బాలకృష్ణకు శుభాకాంక్షలు చెబుతూ సోషల్ మీడియాలో పోస్ట్ పెట్టిన యువీ.. అందులో మార్ఫింగ్ చేసిన ఫొటో వాడారు. మార్ఫ్ చేసిన బాలయ్య ఫొటోను పోస్ట్ చేయడంతో యువరాజ్​ను నందమూరి ఫ్యాన్స్ తిట్టిపోస్తున్నారు. ఇంత పెద్ద పొరపాటు ఎలా చేస్తారని.. కనీసం పోస్ట్ చేసేటప్పుడు ఫొటోను ఒకసారి సరిచూసుకోవాలి కదా అని ఫైర్ అవుతున్నారు. దీనిపై యువీ ఎలా స్పందిస్తాడో చూడాలి.

Warmest birthday greetings #NandamuriBalakrishna sir. Your dedication to making a positive impact in society through your Cancer Hospital & Research Centre among many other initiatives is an inspiration for all. Have a great year ahead! #HappyBirthdayNBK @basavatarakam pic.twitter.com/DcWxAtYR0x

— Yuvraj Singh (@YUVSTRONG12) June 10, 2023