follow us:
అందమైన రూపం, చెరగని చిరునవ్వు.. కట్టిపడేసే అందం.. సీరియల్‌ నటి కరుణ సొంతం. ఊహ తెలిసినప్పటి నుంచి యాక్ట్‌ చేస్తుంది. సీరియల్స్‌లో ఆమెను చూస్తే.. పక్కింటి అమ్మాయి అన్న ఫీలింగ్‌ కలుగుతుంది. ఇక కరుణ డ్రెస్సింగ్‌ స్టైల్‌కు చాలా మంది అభిమానులున్నారు. సీరియల్స్‌, ఫోటోషూట్స్‌లో ఆమె ధరించిన లాంటి.. కాస్ట్యూమ్స్‌ వేసుకోవాలని చాలా మంది ఆశపడతారు. ఇక టెలివిజన్‌ రంగంలో సంచలనాలు సృష్టించిన మొగలి రేకులు సీరియల్‌ ద్వారా.. కరుణకు చాలా మంచి పేరు వచ్చింది. ప్రస్తుతం పలు సీరియల్స్‌లో యాక్ట్‌ చేస్తూ ఫుల్‌ బిజీగా ఉంది. ఈ నేపథ్యంలో తాజాగా సుమన్‌టీవీకి ప్రత్యేక ఇంటర్వ్యూ ఇచ్చింది కరుణ. తన పర్సనల్‌ లైఫ్‌, ఇండస్ట్రీలోకి ఎంట్రీ.. వంటి విషయాల గురించి చెప్పుకొచ్చింది.
‘‘మా అమ్మది బాంబే.. నేను పుట్టింది, పెరిగింది అంతా హైదరాబాద్‌లోనే. నాకు ఊహ తెలిసినప్పటి నుంచి ఇండస్ట్రీలోనే ఉన్నాను. 30 సినిమాల్లో నటించాను. ప్రస్తుతం ఇండస్ట్రీలో ఉన్న స్టార్‌ హీరోలందరితో నేను యాక్ట్‌ చేశాను. నేను ఫస్ట్‌ టైం స్క్రీన్‌ మీద కనిపించింది ఆహా సినిమాతో. ఆ తర్వాత చాలా సినిమాల్లో నటించాను. చిరంజీవి గారితో శంకర్‌దాదా ఎంబీబీఎస్‌ సినిమాలో యాక్ట్‌ చేశాను. నా భర్త డైరెక్టర్‌. 2007లో తొలిసారి తను నాకు ప్రపోజ్‌ చేశాడు. ఐ లవ్యూ అని చెప్పలేదు.. పెళ్లి చేసుకుంటావా అని అడిగాడు. నేను ఆశ్చర్యపోయాను. ఎందకంటే తను చాలా సైలెంట్‌, నేను చాలా వైలెంట్‌. మా రిలేషన్‌ ఎలా సాగుతుంది అనుకున్నాను. కానీ.. 15 ఏళ్లుగా మా ప్రయాణం అద్భుతంగా ఉంది’’ అని చెప్పుకొచ్చింది.
‘‘నా భర్త తెలుగబ్బాయే.. మేం పారిపోయి వివాహం చేసుకున్నాం. మాకు ఒక బాబు.. ఆ తర్వాత మధ్యలో ఒకసారి మిస్‌ క్యారేజ్‌ అయ్యింది. ఆ సమయంలోనే నేను ఒక సీరియల్‌ నుంచి తప్పుకున్నాను. సినిమాల్లోకి రాకపోయుంటే.. డాక్టర్‌ని అయ్యుండేదాన్ని. ఇక జీవితంలో నాకు చాలామంది హ్యాండిచ్చారు. మోసం చేశారు. ఆ సమయంలో ఎంతో బాధపడ్డాను. కానీ నాకు నేనే ధైర్యం చెప్పుకుని.. జీవితంలో ముందుకు సాగుతున్నాను. ఎవ్వరిని గుడ్డిగా నమ్మవద్దని నిర్ణయించుకున్నాను. ఇక నా భర్త నన్ను చాలా ప్రేమిస్తాడు. ఎంతో బాగా చూసుకుంటాడు. ప్రస్తుతానికి నా జీవితం ఎంతో సంతోషంగా సాగుతుంది’’ అని తెలిపింది కరుణ. తాజాగా కరుణ 24ఎక్స్‌పోజ్డ్‌ వెబ్‌ సిరీస్‌లో నటించింది. ఓటీటీలో విడుదలైన ఈ సిరీస్‌కు మంచి ఆదరణ దక్కింది. ఇక పూర్తి ఇంటర్వ్యూ కోసం వీడియో చూడండి.
