పదో తరగతి అర్హతతో 9,212 ప్రభుత్వ ఉద్యోగాలు.. వెంటనే అప్లయ్​ చేసుకోండి!

నిరుద్యోగులకు శుభవార్త. సెంట్రల్ రిజర్వు పోలీసు ఫోర్స్​లో భారీగా ఉద్యోగాలకు నోటిఫికేషన్ రిలీజైంది. మొత్తం 9,212 కానిస్టేబుల్ (టెక్నికల్, ట్రేడ్స్​మ్యాన్) పోస్టులను భర్తీ చేయనున్నట్లు నోటిఫికేషన్​లో తెలిపారు. ఈ ఉద్యోగాల కోసం అర్హులైన అభ్యర్థులు మార్చి 27వ తేదీ నుంచి ఆన్‌లైన్‌లో అప్లయ్ చేసుకోవచ్చునని సీఆర్‌పీఎఫ్‌ డైరెక్టరేట్ జనరల్‌ కార్యాలయం ఒక ప్రకటనలో పేర్కొంది. ఎంపికైన అభ్యర్థులు దేశ వ్యాప్తంగా ఎక్కడైనా విధులు నిర్వర్తించాల్సి ఉంటుందని సీఆర్పీఎఫ్​ ఆ ప్రకటనలో స్పష్టం చేసింది. దరఖాస్తు చేసుకోవడానికి ఏప్రిల్ 25వ తేదీని చివరి తేదీగా నిర్ణయించారు. అర్హత, ఆసక్తి కలిగిన క్యాండిడేట్లు ఆ తేదీలోగా తమ దరఖాస్తులను సమర్పించాల్సి ఉంటుంది.

ముఖ్య వివరాలు:

•  మార్చి 27వ తేదీ నుంచి ఏప్రిల్‌ 25వ తేదీ వరకు దరఖాస్తులను స్వీకరిస్తారు.
•  ఎగ్జామ్ ఫీజును ఆన్‌లైన్‌లో చెల్లించాలి.
•  జూన్‌ 20వ తేదీ నుంచి 25వ తేదీ వరకు సీబీటీ పరీక్షకు అడ్మిట్‌కార్డులను రిలీజ్ చేస్తారు.
•  కంప్యూటర్‌ బేస్డ్‌ టెస్ట్‌, ఫిజికల్ స్టాండర్డ్‌ టెస్ట్, ఫిజికల్‌ ఎఫిషియెన్సీ టెస్ట్‌, ట్రేడ్‌ టెస్ట్‌, డాక్యుమెంట్‌ వెరిఫికేషన్‌, మెడికల్‌ టెస్ట్‌ ఆధారంగా అభ్యర్థులను సెలెక్ట్ చేస్తారు.
•  కంప్యూటర్‌ ఆధారిత పరీక్షను జులై 1వ తేదీ నుంచి 13 వరకు నిర్వహిస్తారు. ఈ ఆబ్జెక్టివ్‌ టైప్‌ పరీక్ష ఆంగ్లం లేదా హిందీలో ఉంటుంది.

రాష్ట్రాల వారీగా ఖాళీలు

•  ఆంధ్రప్రదేశ్​లో 428 పోస్టులు ఉన్నాయి.
•  తెలంగాణలో 307 పోస్టులు ఉన్నాయి.
•  ఈ ఉద్యోగాలకు వేతన స్కేలు: రూ.21,700 నుంచి రూ.69,100గా ఉంటుంది.
•  కానిస్టేబుల్‌ (డ్రైవర్‌) ఉద్యోగాలకు 21 నుంచి 27 ఏళ్లను వయో పరిమితిగా విధించారు.
• కానిస్టేబుల్‌ (ఎంఎంబీ/కోబ్లర్‌, కార్పెంటర్‌/టైలర్, బ్రాస్‌ బాండ్‌/పైప్‌ బాండ్‌/ గార్డెనర్‌/పెయింటర్‌/కుక్‌/వాటర్‌ కారియర్‌/వాషర్‌మ్యాన్‌/బార్బర్‌/సఫాయి కర్మచారి/మాసన్‌/పంబ్లర్‌/ఎలక్ట్రీషియన్‌ జాబ్స్​కు మాత్రం 18 నుంచి 23 ఏళ్ల లోపు వయసు ఉండాలి.
• ఎస్సీ, ఎస్టీలకు ఐదేళ్ల వయో సడలింపును ఇచ్చారు. ఓబీసీలు, ఎక్స్‌ సర్వీస్‌మెన్‌లకు మూడేళ్ల పాటు సడలింపును ఇచ్చారు. అప్లికేషన్​ ఫీజును జనరల్‌ (పురుష) అభ్యర్థులు అయితే రూ.100 చెల్లించాలి.
• ఎస్సీ, ఎస్టీ, మహిళా అభ్యర్థులకు ఎలాంటి పరీక్ష రుసుమూ లేదు.

తెలుగు రాష్ట్రాల్లో ఎగ్జామ్ సెంటర్స్

• ఆంధ్రప్రదేశ్​లో అమలాపురం, అనంతపురం, బొబ్బిలి, చీరాల, చిత్తూరు, ఏలూరు, గుత్తి, గుడ్లవల్లేరు, గుంటూరు, కడప, కాకినాడ, కర్నూలు, మదనపల్లె, మార్కాపూర్‌, నంద్యాలలో ఈ పరీక్షను నిర్వహించనున్నారు. అలాగే నెల్లూరు, ప్రొద్దుటూరు, పుట్టపర్తి, పుత్తూరు, రాజమహేంద్రవరం, శ్రీకాకుళం, తాడిపత్రి, తిరుపతి, తిరువూరు, విజయవాడ, విశాఖపట్నం, విజయనగరంలో కూడా పరీక్షా కేంద్రాలు ఉన్నాయి.
• తెలంగాణలో ఆదిలాబాద్‌, హైదరాబాద్‌, కరీంనగర్‌, ఖమ్మం, కోదాడ, కొత్తగూడెం, మహబూబ్‌నగర్‌, నల్గొండ, నర్సంపేట, నిజామాబాద్‌, సత్తుపల్లి, సూర్యాపేట, వరంగల్‌, వరంగల్‌ (అర్బన్‌)లో ఈ ఎగ్జామ్స్​ను నిర్వహిస్తారు.

పరీక్షా విధానం

పరీక్ష విధానాన్ని చూసుకుంటే.. 100 ప్రశ్నలకు 100 మార్కులు ఉంటాయి. 2 గంటల పాటు ఈ ఎగ్జామ్ ఉంటుుంది. జనరల్‌ ఇంటెలిజెన్స్‌/రీజనింగ్‌ నుంచి 25 ప్రశ్నలకు 25 మార్కులు ఉంటాయి. జనరల్‌ నాలెడ్జ్‌/ జనరల్‌ అవేర్‌నెస్‌ నుంచి 25 ప్రశ్నలకు 25 మార్కులు, ఎలిమెంటరీ మ్యాథమెటిక్స్‌లో 25 ప్రశ్నలకు 25 మార్కులు, ఇంగ్లీష్‌/హిందీకి కూడా 25 ప్రశ్నలకు 25 చొప్పున మార్కులు ఉంటాయి. మరి.. టెన్త్ అర్హతతో జాబ్స్ కోసం ఎదురు చూస్తున్నారా? అయితే వెంటనే ఈ ఉద్యోగాలకు దరఖాస్తు చేసుకోండి.