follow us:
వీకెండ్ వస్తే చాలు.. ఎందుకంటే హౌస్ లో వారం అంతా కంటెస్టెంట్లు చేసిన తప్పుల చిట్టా పట్టుకుని మన కింగ్ నాగార్జున గారు ఇచ్చే రేంజ్ ట్రీట్‌మెంట్ అలా ఉంటుంది మరి! మొన్నటి వీకెండ్ ఎపిసోడ్ లో ఐతే నాగ్ సార్ అసలు ఊరుకోలేదు బాస్, తప్పు చేసిన వాళ్ళని లెఫ్ట్ అండ్ రైట్ వాయించేశారు! ఇంట్లో హద్దులు దాటి ప్రవర్తించినందుకు, రూల్స్ బ్రేక్ చేసినందుకు గాను ఏకంగా ముగ్గురు కంటెస్టెంట్లకు ఎల్లో కార్డ్’లు చూపించి.. ‘ఇది లాస్ట్ వార్నింగ్.. గేమ్ సరిగ్గా ఆడకపోతే లగేజ్ సర్దుకుని బయటకు వెళ్ళిపోవడమే’ అంటూ గట్టిగా క్లాస్ పీకారు! ఇంతకీ ఆ ముగ్గురు ఎవరో తెలుసా? మన త్రిగుణ్, రోహిత్, మరియు అమన్ మసూద్!”
అసలు ఏం జరిగిందంటే.. మొన్న నామినేషన్ల టైమ్ లో రోహిత్ కి ఎక్కడ లేని అటిట్యూడ్ వచ్చేసింది. ‘నన్ను ఇక్కడ ఎవరూ పీకలేరు’ అంటూ బిగ్ బాస్ హౌస్ నే ఛాలెంజ్ చేసేలా ఓ రేంజ్ లో రెచ్చిపోయి కామెంట్స్ చేశాడు. ఇక వీకెండ్ రాగానే నాగ్ సార్ ఆ వీడియో ప్లే చేసి.. ‘ఎవరూ పీకలేరా రోహిత్? నిన్ను ఇక్కడి నుంచి పంపించడానికి నాకు ఒక్క నిమిషం చాలు’ అంటూ ఫుల్ ఫైర్ అయ్యారు!
దాంతో అంతవరకు గాల్లో తేలిన రోహిత్ కి ఒక్కసారిగా ఫ్యూజులు ఎగిరిపోయాయి. వెంటనే ముఖం చిన్నది చేసుకుని.. ‘అయ్యో.. నేను బిగ్ బాస్ ని అనలేదు సార్, ఆ టైమ్ లో చరణ్ తో అన్నాను’ అంటూ తెగ కవర్ చేసుకోవడానికి ట్రై చేశాడు! కానీ నాగ్ సార్ తగ్గలేదు, ఆ ‘అహంకారపు మాటలు’ పక్కన పెట్టి గేమ్ మీద ఫోకస్ పెట్టమని గట్టి వార్నింగ్ తో పాటు ఎల్లో కార్డ్ చేతిలో పెట్టారు!”
“ఇక మిగిలిన ఇద్దరు అమన్ మసూద్, త్రిగుణ్ ల విషయానికి వస్తే.. టాస్కుల పేరుతో వీళ్ళిద్దరూ చేసుకున్న గొడవలు, వాడుకున్న బూతులు మామూలుగా లేవు! ‘ఇది బిగ్ బాస్ హౌసా లేక స్ట్రీట్ ఫైటా?’ అంటూ నాగార్జున అమన్ ఫిజికల్ అగ్రెషన్ పై సీరియస్ అయ్యారు. గొడవల్లో అంతలా రెచ్చిపోయి ప్రవర్తించినందుకు అమన్ కి ఒక కార్డు ఇచ్చారు. మరోవైపు మన యాక్టర్ త్రిగుణ్ ఐతే బూతు పురాణం విప్పడమే కాకుండా.. అవతలి వ్యక్తిపై ఉమ్మివేయడం లాంటి దారుణమైన ప్రవర్తనతో హౌస్ లిమిట్స్ ని పూర్తిగా దాటేశాడు! దాంతో నాగ్ సార్ త్రిగుణ్ ని ‘రౌడీలా ప్రవర్తిస్తున్నావ్’ అని తిడుతూ.. తీవ్రంగా ఖండించారు. వీళ్ళిద్దరి చేతికి కూడా ఎల్లో కార్డ్స్ వచ్చేసాయి.
సో.. మ్యాటర్ ఏంటంటే, ఎల్లో కార్డ్స్ తీసుకున్న ఈ ముగ్గురు వీరులూ ఈ వారం ఒళ్ళు దగ్గర పెట్టుకుని, రూల్స్ పాటిస్తూ ఆడాల్సిందే. లేదంటే నెక్స్ట్ డైరెక్ట్ గా ‘రెడ్ కార్డ్’ ఇచ్చి గేట్ పాస్ ఇచ్చేస్తామని నాగ్ సార్ తేల్చి చెప్పారు! మరి ఈ వార్నింగ్ తర్వాత హౌస్ లో వీళ్ళ ఆట ఎలా ఉండబోతుందో చూడాలి. రోహిత్ చేసిన కవరింగ్ కరెక్టేనా? కింద కామెంట్స్ లో చెప్పేయండి!”
