follow us:
ఇప్పుడు బిగ్ బాస్ సీజన్ 10 హౌస్ లో ఇప్పుడు మామూలు రచ్చ జరగట్లేదు. అసలు మ్యాటర్ లోకి వస్తే.. ఈ ఐదో వారం నామినేషన్ల పర్వం కాస్తా ‘యుద్ధభూమి’లా మారిపోయింది! ఒక్కరంటే ఒక్కరు తగ్గితే ఒట్టు. ఒకరి మీద ఒకరు వేసుకున్న కౌంటర్లు, పాత గొడవలన్నీ బయటకు తీసి చేసిన హంగామాతో హౌస్ అంతా హీటెక్కిపోయింది.
ఇక ఫైనల్ గా ఈ వారం ఎలిమినేషన్ గండంలో పడ్డ ఆ ఏడుగురు వీరులు ఎవరో తెలుసా? మన త్రిగుణ్, అమన్, రోహిత్, శాలిని, అపూర్వ, ఆటో రాంప్రసాద్, మరియు చరణ్! ఈ సారి నామినేషన్స్ లిస్ట్ చాలా గట్టిగానే ఉంది.” అయితే ఈ ఏడుగురిలో అందరి ఫోకస్ ఇద్దరి మీదే ఉంది. వాళ్లే మన చరణ్, శాలిని! వీళ్ళిద్దరికీ ఇప్పుడు అసలైన ‘డేంజర్ బెల్స్’ మోగుతున్నాయి. ఫస్ట్ మన చరణ్ సంగతికి వస్తే ఈయన గారికి మొదటి వారమే ఆడియన్స్ ఎలిమినేషన్ టేస్ట్ చూపించారు! కానీ ఏదో అదృష్టం బాగుండి మళ్లీ హౌస్ లోకి రీ-ఎంట్రీ ఇచ్చాడు. లోపలికి వచ్చాకైనా గేమ్ మారుస్తాడేమో అనుకుంటే.. ఉహూ, అస్సలు మారలేదు. హోస్ట్ నాగార్జున కూడా వీకెండ్ లో గట్టిగానే క్లాస్ పీకారు.. ‘నువ్వు వారానికి ఒకసారి వస్తావ్.. వెళ్తావ్.. గేమ్ ఎక్కడ?’ అంటూ సెటైర్లు వేశారు! కేవలం మాటలతోనే కాలక్షేపం చేస్తున్నాడు కానీ, చేతల్లో మాత్రం ఆట కనిపించట్లేదంటూ బయట జనాలు తెగ విమర్శిస్తున్నారు.
ఇక మరోవైపు మన శాలిని హౌస్ లో రోహిత్ తో కలిసి నడుపుతున్న ఆ ‘ఫేక్ లవ్ ట్రాక్’, గొడవల్లో అనవసరంగా కేకలు వేయడం ఆడియన్స్ కి అస్సలు నచ్చట్లేదు. ఆమె లవ్ డ్రామా వల్ల రోహిత్ గేమ్ కూడా పాడైపోతోందని రోహిత్ ఫ్యాన్స్ ఫుల్ ఫైర్ లో ఉన్నారు! గత వారమే ఎలిమినేషన్ అంచు వరకు వెళ్లి సృష్టితో గట్టిగా పోటీ పడి తృప్తిగా బతికిపోయింది. కానీ ఈ వారం గనుక తన స్ట్రాటజీ మార్చుకోకపోతే మాత్రం మూటముల్లె సర్దుకోవాల్సిందే!”
ఇక అసలైన అదిరిపోయే ట్విస్ట్ ఏంటంటే.. ఇండస్ట్రీ సర్కిల్స్ నుంచి అందుతున్న లీకుల ప్రకారం ఈ వారం ‘డబుల్ ఎలిమినేషన్’ ఉండే ఛాన్స్ గట్టిగా ఉందట!, ఎందుకంటే బయట వైల్డ్ కార్డ్ ఎంట్రీలు హౌస్ లోకి అడుగు పెట్టడానికి లగేజ్ సర్దుకుని మరీ రెడీగా ఉన్నారు! ఈ వీకెండ్ లోనే వాళ్ళు లోపలికి వచ్చేయబోతున్నారు. అందుకే హౌస్ లో ఖాళీలు పెంచడానికి ఒకేసారి ఇద్దరిని ఇంటికి పంపించే ప్లాన్ లో ఉన్నారట బిగ్ బాస్.
మరి ఈ అగ్నిపరీక్షలో రోహిత్, త్రిగుణ్, రాంప్రసాద్ లాంటి స్ట్రాంగ్ కంటెస్టెంట్స్ ఎలాగో సేఫ్ అయిపోతారు. కానీ డేంజర్ జోన్ లో ఉన్న చరణ్, శాలిని, అమన్ లలో ఆ ఇద్దరు ఎవరు? వైల్డ్ కార్డ్స్ వస్తే హౌస్ సమీకరణాలు ఎలా మారబోతున్నాయి? వీటన్నింటికీ ఆన్సర్స్ తెలియాలంటే వీకెండ్ ఎపిసోడ్ వరకు ఆగాల్సిందే. మీరేమనుకుంటున్నారు? ఈ వారం హౌస్ నుంచి ఎవరు బయటకు వెళ్తే బాగుంటుందో కింద కామెంట్స్ లో చెప్పేయండి.
