వీడియో: అరుదైన శ్వేతనాగు ప్రత్యక్షం.. పడగవిప్పి ఆడుతూ..!

సీనియర్ హీరోయిన్ సౌందర్య నటించిన శ్వేతనాగు సినిమా చూసిన తర్వాత.. అసలు అలాంటి పాము ఉంటుందా అన్న సందేహం రావడం కామన్. అత్యంత అరుదుగా మాత్రమే ఇలాంటి పాములు కనిపించడం అందుకు కారణం. తాజాగా శ్వేతవర్ణంలో ఉన్న ఓ కోబ్రా కర్ణాటక శివమొగ్గలో ప్రత్యక్షమయ్యింది.

సాధారణంగా కోబ్రాలు గోధుమ, నలుపు రంగుల్లో ఉంటాయి. కానీ, ఈ పాము పూర్తిగా తెలుపు రంగులో ఉంది. కర్ణాటక శివమొగ్గలోని సహ్యాద్రి నారాయణ మల్టీ స్పెషాలిటీ ఆస్పత్రి వెనుక ఉన్న ఓ ఇంట్లో ప్రత్యక్షమైంది. కట్టెల కుప్పలో కనిపించిన ఈ అరుదైన శ్వేతనాగును అల్బినో కోబ్రాగా పిలుస్తారు. దీంతో సమాచారం అందుకున్న రెస్క్యూ టీం ఘటనా స్థలానికి చేరుకుని పామును పట్టుకుంది. అటవీశాఖ అనుమతితో ఈ సర్పాన్ని అడవిలో విడిచిపెడతామని రెస్క్యూ టీం చెప్పింది. చర్మ, రక్త సంబంధిత కారణాల వల్లే ఇలా పాములకు ఇలాంటి శ్వేతవర్ణం వస్తుందని నిపుణులు చెబుతున్నారు.

ఇది కూడా చదవండి: వీడియో: ఇది పబ్లిక్ ప్లేస్! వద్దంటూ యువకుడు వారిస్తున్నా వినకుండా.. యువతి ఏం చేసిందంటే!

ఇది కూడా చదవండి: వైరల్‌ వీడియో: ఇదేం గొడవ రా బాబు!.. ప్రియుడి కోసం యువతుల స్ట్రీట్‌ ఫైట్‌!