follow us:
విరాట్ కోహ్లీ.. క్రికెట్ ప్రపంచంలో పరుగులకు ఈ పేరు ఓ బ్రాండ్. అందుకే అతడికి రికార్డులు సలామ్ కొడతాయి.. గులామ్ అవుతాయి. అయితే చాలా మందికి విరాట్ ఓ దిగ్గజ బ్యాటర్ గానే పరిచయం. కానీ అతడిలో మరో కోణం ఉంది.. అదే బౌలింగ్ కోణం.. విరాట్ బౌలింగ్ వేయడం ఇన్ని సంవత్సరాల క్రికెట్ లో చాలా తక్కువ సార్లే చూశాం. అయితే విరాట్ కోహ్లీ బౌలింగ్ లో ఓ ఆసిస్ బ్యాటర్ అవుట్ అయ్యాడు. అప్పుడు విరాట్ ఇచ్చిన రియాక్షన్ వీడియో ఇప్పుడు నెట్టింట వైరల్ గా మారింది. దీంతో నెటిజన్స్ అందరు ఈ వీడియో గురించే చర్చించుకుంటున్నారు. అందుకే కోహ్లీని ఇంత మంది ప్రేమిస్తున్నారు.. అని సోషల్ మీడియా వేదికగా స్పందిస్తున్నారు. ఇక్కడ మరో విశేషం ఏంటంటే అప్పటికే ఆ ఆసిస్ బ్యాటర్ సెంచరీతో చెలరేగుతున్న తరుణంలోనే విరాట్ అతడిని పెవిలియన్ కు పంపాడు. ఈ వార్తకు సంబంధించి మరిన్ని వివరాల్లోకి వెళితే..
“వంద ఆవులు తిన్న రాబంధు.. ఓ వర్షానికి చనిపోయినట్లుగా” 100 పరుగులతో చెలరేగి ఆడుతున్న ఓ బ్యాట్స్ మెన్ సాధారణ బౌలర్ కు అవుటైతే! ఆ బౌలర్ ఆనందానికి అవధులు ఉండవు. మరి ఆ సాధారణ బౌలర్ ఎవరు అనుకుంటున్నారు. ఎవరో కాదు టీమిండియా రన్ మెషిన్ కింగ్ విరాట్ కోహ్లీనే. అవును గతంలో ఆస్ట్రేలియా ఇండియా పర్యటనకు వచ్చింది. అప్పుడు ఆ జట్టుతో టీమిండియా వార్మప్ మ్యాచ్ ఆడుతోంది. ఓ వైపు మిగతా బ్యాటర్లు పెవిలియన్ కు క్యూ కడుతున్నప్పటికీ హ్యారీ నెల్సన్ ఒక్కడే భారత్ బౌలర్లను దీటుగా ఎదుర్కొంటూ శతకం సాధించాడు. అతడి వికెట్ తీయడానికి టీమిండియా బౌలర్లను మార్చి.. మార్చి ప్రయోగాలు చేస్తోంది. అయినప్పటికీ ఫలితం లేదు. దాంతో కింగ్ కోహ్లీ బౌలింగ్ కు వచ్చాడు. అప్పటికే నెల్సన్ 100 పరుగులతో నాటౌట్ గా ఉన్నాడు.
ఇక కోహ్లీ తన మెుదటి బంతినే షార్ట్ పిచ్ బంతిగా విసిరాడు.. దాన్ని నెల్సన్ బలంగా బాదినప్పటికీ సరిగ్గా తగలకపోవడంతో బంతి నేరుగా ఫీల్డర్ చేతిలో పడింది. దాంతో ఒక్కసారిగా కోహ్లీ ఫేస్ లో నవ్వులు పూశాయి. విరాట్ నమ్మలేక పోయాడు అతడు నాకు అవుట్ అవ్వడం ఏంటని. పైగా బ్యాటర్ కూడా కోహ్లీని అభినందించాడు. టీమిండియా లోని హేమా హేమి బౌలర్లే అవుట్ చేయలేకపోయిన బ్యాట్స్ మెన్.. కోహ్లీకి అవుట్ అవ్వడంతో అతడే దాన్ని నమ్మలేక.. నవ్వుకున్నాడు. ఆ తర్వాత తన ఆనందాన్ని విరాట్ సహచరులతో కలిసి సెలబ్రేట్ చేసుకున్నాడు. ప్రస్తుతం ఈ వీడియో నెట్టింట వైరల్ గా మారింది. సంఘటనలు పాతవి అయినప్పటికీ మనం వాటిని నెమరువేసుకుంటే కొత్తవిగానే కనిపిస్తాయి.
