నమ్మిన వ్యక్తి చేతిలో నిండా మునిగిన ఉమేష్ యాదవ్.. రూ. 44 లక్షలు స్వాహా!

టీమిండియా స్పీడ్ గన్ ఉమేశ్ యాదవ్‌ను అతని స్నేహితుడు నిండా ముంచేశాడు. స్నేహితుడే కదా అని పిలిచి ఉద్యోగం ఇస్తే.. అతడు మాత్రం ఆస్తి కొనుగోలు పేరుతో ఇతగాడికి టోపీ పెట్టాడు. భూమి ఇప్పిస్తానని రూ. 44 లక్షలు కాజేసి.. అనంతరం మెల్లగా జారుకున్నాడు. దీంతో ఉమేశ్ యాదవ్ పోలీసులను ఆశ్రయించగా, కేసు నమోదు చేసుకున్న కొరాడి పోలీసులు నిందితుడి పట్టుకునే పనిలో పడ్డారు.

జరిగిందిదే..

నాగ్‌పుర్‌ కు చెందిన శైలేశ్‌ థాక్రే అను వ్యక్తి, ఉమేశ్ యాదవ్‌ ఇద్దరూ ఒకరికొకరు పరిచయం. శైలేశ్‌ ఏ ఉద్యోగం చేసేవాడు కాదు. ఉద్యోగం లేకపోవడం.. పైగా కష్టాలన్నీ తనతో పంచుకోవడంతో ఉమేశ్ యాదవ్ మనసు కరిగిపోయింది. ఈ క్రమంలో తోటి స్నేహితుడిని కష్టాల నుంచి భయటపడేయాలన్న ఉద్దేశ్యంతో 2014 జులైలో అతడిని తన మేనేజర్‌గా నియమించుకున్నాడు. మొదట్లో ఎంతో నమ్మకంగా ఉన్న అతడు.. ఉమేష్ యాదవ్ ఆర్థిక, ఆస్తి వ్యవహారాలు, బ్యాంకు ఖాతా, ఆదాయపు పన్ను ఇలా అన్నీ పనులు దగ్గరుండి మరీ చూసుకునేవాడు.

ఈ నమ్మకంతో ఉమేశ్ యాదవ్ ఒకరోజు తాను నాగ్‌పుర్‌లో భూమి కొనుగోలు చేయాలనుకుంటున్నానని, ఎక్కడైనా ఉంటే చూడమని అతనికి చెప్పాడు. అందుకు సరేనన్న శైలేష్.. కొరాడి పక్కనున్న ఎంఎస్‌ఈబీ కాలనీలో ఓ ప్లాట్ చూపించి.. రూ.44లక్షలకే దాన్ని ఇప్పిస్తానని మాయమాటలు చెప్పాడు. ముందు నుంచి మంచిగా నడుచుకోవడంతో అతడిని నమ్మిన ఉమేశ్ యాదవ్, అతడి ఖాతాకు రూ. 44 లక్షలు బదిలీ చేశాడు. ఆ డబ్బుతో ఆస్తిని కొనుగోలు చేసన శైలేష్ దానిని ఉమేశ్‌ పేరుపై రిజిస్టర్ చేయకుండా తన పేరుమీద రిజిస్టర్‌ చేయించుకున్నాడు.

😳😳😳#CricketTwitter #UmeshYadav pic.twitter.com/A7kTpvBEHO

— Cricket Winner (@cricketwinner_) January 21, 2023

పైగా ఉమేష్ యాదవ్ వ్యహారాలను పట్టించుకోవడం మానేశాడు. కొన్నాళ్లకు అసలు విషయం తెలిసుకున్న ఉమేష్ యాదవ్ తన డబ్బును తనకు తిరిగి ఇవ్వాలని కోరాడు. శైలేశ్ ఆ సొమ్మును తిరిగి ఇవ్వకపోగా, ఆస్తిని అతని పేరున రాయడానికి అంగీకరించలేదు. దీంతో ఉమేశ్ యాదవ్ పోలీసులకు ఫిర్యాదు చేయగా,. వివిధ సెక్షన్ల కింద కేసు నమోదు చేసుకున్న పోలీసులు నిందితుడి కోసం గాలిస్తున్నారు. ఈ ఘటనలో.. స్నేహితుడిని గుడ్డిగా నమ్మడమే ఉమేష్ యాదవ్ చేసినా తప్పా..? మీ అభిప్రాయాలను కామెంట్ల రూపంలో తెలియజేయండి.

Nagpur| A person named Shailesh Thackeray betrayed cricketer #UmeshYadav after taking Rs 44 lakhs to buy a property in Yadav’s name. Case registered u/s 406 & 420 of IPC. According to our info, Thackeray worked as Yadav’s manager earlier: Ashwini Patel, DCP Nagpur
(ANI) pic.twitter.com/jOhaGhE1cQ

— Argus News (@ArgusNews_in) January 21, 2023