పాక్‌-జింబాబ్వే మధ్య ‘ఫేక్‌ మిస్టర్‌ బీన్‌’ వివాదం! అసలు నిజాలు!

టీ20 వరల్డ్‌ కప్‌ 2022లో జింబాబ్వే పెను సంచలనం సృష్టించింది. టోర్నీ ఆరంభానికి ముందు టైటిల్‌ ఫేవరేట్స్‌లో ఒకటిగా ఉన్న పాకిస్థాన్‌ను ఒక్క పరుగు తేడాతో మట్టికరిపించి.. దాదాపు టోర్నీ నుంచి ఇంటి బాట పట్టించింది. జింబాబ్వే సాధించిన ఈ విజంయ ప్రస్తుతం ప్రపంచ క్రికెట్‌లో ప్రకంపనలు సృష్టిస్తోంది. అద్భుత విజయంతో జింబాబ్వే టీమ్‌ను క్రికెట్‌ లోకం ఆకాశానికెత్తేస్తుంటే.. పాకిస్థాన్‌ టీమ్‌ ఘోరమైన ఓటమి భారాన్ని మోస్తోంది. పాక్‌ టీమ్‌పై, కెప్టెన్‌ బాబర్‌ అజమ్‌పై విమర్శల వడగండ్ల వర్షం కురుస్తోంది. మ్యాచ్‌ ముగిసిన తర్వాత.. జింబాబ్వే తరఫున అద్భుత ప్రదర్శన చేసిన ఆల్‌రౌండర్‌ సికందర్‌ రజాపై ప్రశంసలు, పాక్‌ టీమ్‌పై విమర్శలతో పాటు మరో ప్రఖ్యాత పేరు ప్రముఖంగా వినిపిస్తోంది. అదే ‘మిస్టర్‌ బీన్‌’.. అంతర్జాతీయంగా గుర్తింపు ఉన్న ప్రముఖ కమెడియన్‌ మిస్టర్‌ బీన్‌కు జింబాబ్వే-పాకిస్థాన్‌కు ఏంటి సంబంధం? ఈ రెండు దేశాల మధ్య అతనెందుకు వచ్చాడు? అసలు ఈ ఫేక్‌ మిస్టర్‌ బీన్‌ కథేంటని క్రికెట్‌ అభిమానులు తెగహైరానా పడిపోతున్నారు. అసలు ఈ వీళ్ల మధ్య గొడవేంటి? బీన్‌ కథేంటి? ఇప్పుడు తెలుసుకుందాం..

ఆస్ట్రేలియా వేదికగా జరుగుతున్న టీ20 వరల్డ్ కప్‌ 2022లో సూపర్‌ 12లో భాగంగా గురువారం జింబాబ్వే-పాకిస్థాన్‌ మధ్య మ్యాచ్‌ జరిగింది. ఎవరూ ఊహించని విధంగా ఈ మ్యాచ్‌లో పాకిస్థాన్‌ ఒక్క పరుగు తేడాతో ఓటమి పాలైంది. పైగా కేవలం 130 పరుగులు స్కోర్‌ను జింబాబ్వేపై ఛేదించలేక చతికిలపడింది. ఈ సంచలన విజయంతో అంతా ఒక్కసారిగా అవాక్కైయ్యారు. కానీ.. ఓడింది పాకిస్థాన్‌ కావడంతో ఇండియన్‌ క్రికెట్‌ ఫ్యాన్స్‌ కూడా ఫుల్‌ ఖుషీ అయ్యారు. క్రికెట్‌ ప్రపంచంలో చిన్న జట్టుగా ఉన్న జింబాబ్వే.. పాక్‌ లాంటి బలమైన జట్టును ఓడించడం పెద్ద విషయమే. ఈ విజయంపై జింబాబ్వే అధ్యక్షుడు సైతం స్పందించారు. ఆటగాళ్లను అభినందించారు కూడా.. కానీ.. తన ట్వీట్‌లో ‘ఈ సారి అయినా రియల్‌ మిస్టర్‌ బీన్‌ పంపించండి’ అంటూ పేర్కొన్నారు.

మ్యాచ్‌ గెలిచినందుకు ఆటగాళ్లను అభినందించారు, జట్టుకు శుభాకాంక్షలు తెలిపారు సరే.. మరీ ఈ రియల్‌ మిస్టర్‌ బీన్‌ పంపమనడం ఏంటి? పైగా పాక్‌-జింబాబ్వే మధ్య మ్యాచ్‌కు ముందు, తర్వాత రియల్‌ మిస్టర్‌ బీన్‌, ఫేక్‌ మిస్టర్‌ బీన్‌ పదాలు సోషల్‌ మీడియాలో ట్రెండ్‌ అయ్యాయి. వీటికి.. పాక్‌-జింబాబ్వేకి ఏంటి లింకంటే.. 2016లో జింబాబ్వేలోని హరారె ఇంటర్నేషనల్ కాన్ఫరెన్స్ సెంటర్‌లో ఒక కామెడీ షో నిర్వహించారు. ఈ షో కోసం రియల్‌ మిస్టర్‌ బీన్‌ అలియాస్‌ రొవాన్ అట్కిన్సన్‌ను పంపుతున్నట్లు పాకిస్థాన్‌ బిల్డప్‌ ఇచ్చింది. ఒక కారులో బీన్‌ జింబాబ్వేలో రోడ్‌ షో కూడా నిర్వహించాడు. అప్పటికే బీన్‌ ప్రపంచ ప్రఖ్యాత కమెడియన్‌గా ఉండటంతో.. జింబాబ్వే ప్రజలు అతనితో ఫొటో దిగేందుకు ఎగబడ్డారు. కానీ.. తర్వాత అసలు విషయం తెలిసి ఆశ్యర్యపోయారు.

అతను నిజమైన మిస్టర్‌ బీన్‌ కాదు.. అతని పోలికలతో ఉన్న పాకిస్తాన్ కమెడియన్ ఆసీఫ్ మహ్మద్. అసలైన మిస్టర్‌ బీన్‌లా బిల్డప్‌ ఇస్తూ.. జింబాబ్వే ప్రజలను మోసం చేయడంతో పాటు షోలో అతనే పెర్ఫార్మెన్స్ ఇచ్చాడు. అప్పట్లో ఈ విషయం వివాదాస్పదం కూడా అయింది. అప్పటి అవమానానికి ఇప్పుడు టీ20 వరల్డ్‌ కప్‌ సందర్భంగా పాక్‌ను ఓడించి జింబాబ్వే ప్రతీకారం తీర్చుకుందని.. జింబాబ్వే క్రికెట్‌ ఫ్యాన్స్‌తో పాటు ఏకంగా ఆ దేశ అధ్యక్షుడే భావించడంతో చర్చనీయాంశమైంది. కాగా.. జింబాబ్వే చేసిన ట్వీట్‌కు పాక్‌ ప్రధాని షెహబాజ్‌ షరీఫ్‌ కూడా రిప్లయ్‌ ఇవ్వడం విశేషం. మరోసారి రియల్‌ మిస్టర్‌ బీన్‌ను పంపాలని చెప్పిన జింబాబ్వే అధ్యక్షుడి ట్వీట్‌కు పాక్‌ ప్రధాని బదులిస్తూ.. ‘మా దగ్గర రియల్‌ మిస్టర్‌ బీన్‌ లేడు. కానీ.. మా వద్ద అసలైన క్రికెట్‌ స్ఫూర్తి ఉంది. అలాగే మా పాకిస్థానీలకు బౌన్స్‌ బ్యాక్‌ అయ్యే ఫన్నీ అలవాటు ఉంది. మిస్టర్‌ ప్రెసిడెంట్‌ శుభాకాంక్షలు, మీ జట్టు ఈ రోజు అద్భుతంగా ఆడింది’ అంటూ షరీఫ్‌ ట్వీట్‌ చేశారు.

Pic 1 – Pakistan After 20 overs of Zimbabwe batting

Pic 2- Pakistan after 20 overs of their batting. #PAKvsZIM pic.twitter.com/amXnUFprQy

— Virender Sehwag (@virendersehwag) October 27, 2022

What a win for Zimbabwe! Congratulations to the Chevrons.

Next time, send the real Mr Bean…#PakvsZim 🇿🇼

— President of Zimbabwe (@edmnangagwa) October 27, 2022

We may not have the real Mr Bean, but we have real cricketing spirit .. and we Pakistanis have a funny habit of bouncing back 🙂

Mr President: Congratulations. Your team played really well today. 👏 https://t.co/oKhzEvU972

— Shehbaz Sharif (@CMShehbaz) October 27, 2022