Rohit Sharma: టీమిండియా కెప్టెన్‌గా విరాట్‌ కోహ్లీ రికార్డును బద్దలుకొట్టిన రోహిత్‌ శర్మ

టీమిండియా మాజీ కెప్టెన్‌ విరాట్‌ కోహ్లీ పేరిట ఉన్న అరుదైన రికార్డును కెప్టెన్‌ రోహిత్‌ శర్మ బ్రేక్‌ చేశాడు. దీంతో టీమిండియా కెప్టెన్‌గా నంబర్‌ స్థానంలో నిలబడ్డాడు. మంగళవారం వెస్టిండీస్‌తో జరిగిన మ్యాచ్‌లో టీమిండియా విజయం సాధించిన విషయం తెలిసిందే. కాగా ఈ మ్యాచ్‌లో కేవలం 11 పరుగులు మాత్రమే చేసిన రోహిత్‌ శర్మ వీపు కండాలు పట్టేయడంతో రిటైర్డ్‌ హర్ట్‌గా వెనుదిరిగాడు. కానీ.. ఈ చిన్న ఇన్నింగ్స్‌తోనే ఒక పెద్ద రికార్డును బద్దలు కొట్టాడు.

టీ20ల్లో టీమిండియా తరపున అత్యధిక సిక్సులు కొట్టిన కెప్టెన్‌గా విరాట్‌ కోహ్లీ రికార్డును రోహిత్‌ అధిగమించాడు. మంగళవారం మ్యాచ్‌లో ఒక సిక్స్‌ ఒక ఫోర్‌ కొట్టి రిటైర్డ్‌ హర్ట్‌ అయిన రోహిత్‌.. టీ20ల్లో కెప్టెన్‌గా 60 సిక్సులు పూర్తి చేసుకున్నాడు. దీంతో 59 సిక్సులు కొట్టిన కోహ్లీని దాటేశాడు. కోహ్లీ కెప్టెన్‌గా టీ20ల్లో 59 సిక్సులు 50 ఇన్నింగ్స్‌ల్లో కొడితే రోహిత్‌ శర్మ 34 మ్యాచ్‌ల్లోనే ఈ రికార్డు సాధించాడు. అలాగే టీమిండియా మాజీ కెప్టెన్‌ ధోనికి టీ20ల్లో కెప్టెన్‌గా 34 సిక్సులు ఉన్నాయి.

ఇక మ్యాచ్‌ విషయానికి వస్తే.. తొలుత బ్యాటింగ్‌ చేసిన వెస్టిండీస్‌ నిర్ణీత 20 ఓవర్లలో 5 వికెట్ల నష్టానికి 164 పరుగులు చేసింది. ఓపెనర్‌ కైల్‌ మేయర్స్‌ 50 బంతుల్లో 8 ఫోర్లు, 4 సిక్స్‌లతో 73 రన్స్‌తో చెలరేగగా, బ్రాండన్‌ కింగ్‌ 20 బంతుల్లో 3 ఫోర్లతో 20 పరుగులు చేసి ఓపెనింగ్‌ వికెట్‌కు 57 పరుగులు జోడించి చక్కని ఆరంభాన్ని ఇచ్చారు. తర్వాత కెప్టెన్‌ పూరన్‌ 23 బంతుల్లో 2 ఫోర్లు, 1 సిక్స్‌తో 22 పరుగుల చేయగా.. మేయర్స్‌ తన ధాటిని కొనసాగించాడు. చివర్లో రోవ్‌మన్‌ పావెల్‌ 14 బంతుల్లో 2 ఫోర్లు, 1 సిక్స్‌తో 23, హెట్‌మైర్‌ 12 బంతుల్లో 2 సిక్సర్లతో 20 పరుగులతో మెరుపులు మెరిపించడంతో భారత్‌ ముందు విండీస్‌ పోరాడే లక్ష్యాన్ని ఉంచింది.

టీమిండియా బౌలర్లలో భువనేశ్వర్‌ 2, హార్దిక్‌ పాండ్యా, అర్షదీప్‌ చెరో వికెట్‌ తీశారు. 165 పరుగుల లక్ష్యాన్ని సరిగ్గా 19 ఓవర్లలో ఛేదించింది. 11 పరుగులు చేసిన రోహిత్‌ రిటైర్డ్‌ హర్ట్‌గా వెనుదిరిగాడు. శ్రేయస్‌ అయ్యర్‌ 24 పరుగులతో పర్వాలేనిపించాడు. పాండ్యా 4 పరుగులు చేసి మరో సారి విఫలం అయ్యాడు. సూర్యకుమార్‌ యాదవ్‌ 74 పరుగులతో చెలరేగగా పంత్‌(33నాటౌట్‌), దీపక్‌ హుడా(10 నాటౌట్‌) విజయ లాంఛానాన్ని పూర్తి చేశారు. ఇక నాలుగో టీ20 శనివారం(ఆగస్టు 6న) జరగనుంది. మరి ఈ మ్యాచ్‌తో రోహిత్‌ శర్మ కోహ్లీ రికార్డును అధిగమించడంపై మీ అభిప్రాయాలను కామెంట్ల రూపంలో తెలియజేయండి.

Most sixes as India captain in men’s T20Is:
Rohit Sharma – 60 sixes in 34 games
Virat Kohli – 59 sixes in 50 games

Hitman has smashed most sixes as India captain in men’s T20Is 🔥

Another milestone for captain Rohit 🔥#RohitSharma #India #WIvsIND #Cricket #T20Is pic.twitter.com/fntIhdMOkY

— Wisden India (@WisdenIndia) August 3, 2022

ఇది కూడా చదవండి: ఆగస్ట్ 28న ఇండియా VS పాకిస్థాన్ మ్యాచ్! కోహ్లీకి స్థానం ఉంటుందా?