Mohammed Siraj: సిరాజ్‌ డ్రీమ్‌ డెలివరీ! విండీస్‌ ఫ్యాన్స్‌ రియాక్షన్స్‌ వైరల్‌

పోర్ట్‌ ఆఫ్‌ స్పెయిన్‌ వేదికగా వెస్టిండీస్‌తో జరిగిన చివరి వన్డే మ్యాచ్‌లో టీమిండియా అదరగొట్టింది. ఆల్‌రౌండ్‌ ప్రదర్శనతో మూడు వన్డేల సిరీస్‌లో వెస్టిండీస్‌ను వైట్‌ వాష్‌ చేసింది. తొలి రెండు మ్యాచ్‌ల్లో గట్టిపోటీ ఇచ్చిన వెస్టిండీస్‌ బ్యాటర్లు.. ఈ మ్యాచ్‌లో భారత్‌ బౌలర్ల ముందు చేతులెత్తేశారు. ముఖ్యంగా టీమిండియా పేసర్‌ మొహమ్మద్‌ సిరాజ్‌ తన తొలి ఓవర్‌లోనే వెస్టిండీస్‌ను చావుదెబ్బ కొట్టాడు.

257 పరుగుల లక్ష్యంతో బరిలోకి దిగిన వెస్టిండీస్‌ను కోలుకోకుండా.. కైల్‌ మైయర్స్‌, బ్రూక్స్‌లను ఒకే ఓవర్‌లో అవుట్‌ చేసి విండీస్‌ పతనాన్ని శాసించాడు. ముఖ్యంగా కైల్‌ మేయర్స్‌ను సిరాజ్‌ అవుట్‌ చేసిన విధానం విండీస్‌ అభిమానులను షాక్‌కు గురిచేసింది. అద్భుతమైన బంతితో మేయర్స్‌ను సిరాజ్‌ క్లీన్‌ బౌల్డ్‌ చేశాడు. దీంతో స్టేడియంలో మ్యాచ్‌ను వీక్షిస్తున్న ఒక లేడీ ఫ్యాన్స్‌ రెండుచేతులు చెంపలకు అంటి పెట్టుకుని.. ఏంటి ఇలా జరిగిందన్నట్లు ఫేస్‌ పెట్టిన ప్రస్తుతం ఆమె రియాక్షన్స్‌ సోషల్‌ మీడియాలో వైరల్‌గా మారాయి.

డ్రీమ్‌ డెలివరీతో కైల్‌ మేయర్స్‌ను క్లీన్‌బౌల్డ్‌ చేసిన సిరాజ్‌ సహచర ఆటగాళ్లతో కలిసి సంబురాలు జరుపుకున్నాడు. ఆ బంతికి కైల్‌ కూడా ఖంగుతిన్నాడు. ఇక మ్యాచ్‌ విషయానికి వస్తే.. టాస్‌ గెలిచి బ్యాటింగ్‌ ఎంచుకున్న టీమిండియాకు ఓపెనర్లు శుభ్‌మన్‌ గిల్‌, కెప్టెన్‌ శిఖర్‌ ధావన్‌ శుభారంభం అందించారు. తొలి వికెట్‌కు 113 పరుగుల భారీ భాగస్వామ్యం నమోదు చేశారు. 74 బంతుల్లో 7 ఫోర్లతో 58 పరుగులు చేసిన ధావన్‌ హైడెన్‌ వాల్ష్‌ బౌలింగ్‌లో పూరన్‌కు క్యాచ్‌ ఇచ్చి అవుట్‌ అయ్యాడు.

వన్‌డౌన్‌లో వచ్చిన శ్రేయస్‌ అయ్యర్‌తో కలిసి శుభ్‌మన్‌ గిల్‌ ఇన్నింగ్స్‌ అదే ఫ్లోలో ముందుకు నడిపించాడు. 34 బంతుల్లో 4 ఫోర్లు, ఒక సిక్స్‌తో 44 పరుగులు చేసిన అయ్యర్‌ హోసేన్‌ బౌలింగ్‌లో కీమోకు క్యాచ్‌ ఇచ్చి అవుట్‌ అయ్యాడు. దీంతో భారత్‌ 199 పరుగుల వద్ద రెండో వికెట్‌ కోల్పోయింది. ఇక ఈ సిరీస్‌లోని గత రెండు మ్యాచ్‌ల్లోనూ విఫలమైన సూర్యకుమార్‌ యాదవ్‌ ఈ మ్యాచ్లోనూ పరుగులు చేయలేకపోయాడు. కేవలం 8 పరుగులు చేసి హైడెన్‌ వాల్ష్‌ బౌలింగ్‌లో బ్రూక్స్‌ క్యాచ్‌ ఇచ్చి పెవిలియన్‌ చేరాడు.

అయ్యర్‌ వికెట్‌ పడిని కొద్ది సేపటికే 211 పరుగుల వద్ద టీమిండియా సూర్య వికెట్‌ను కోల్పోయింది. ఆ క్రీజ్‌లోకి వచ్చిన సంజూ శాంసన్‌ 6 పరుగులు చేసి నాటౌట్‌గా ఉన్నాడు. గిల్‌ 98 పరుగుల వద్ద ఉన్న సమయంలో వర్షం మ్యాచ్‌కు అంతరాయం కలిగించింది. అప్పటికి టీమిండియా 36 ఓవర్లలో 3 వికెట్లు కోల్పోయి 225 పరుగులు చేసింది. చాలా సేపటి తర్వాత వర్షం ఆగిపోవడంతో.. డక్‌వర్త్‌ లూయీస్‌ పద్ధతిలో అంపైర్లు 35 ఓవర్లకు మ్యాచ్‌ను కుదించి వెస్టిండీస్‌కు 257 పరుగుల లక్ష్యాన్ని నిర్దేశించారు.

లక్ష్యఛేదనకు దిగిన విండీస్‌ను మొహమ్మద్‌ సిరాజ్‌ తన తొలి ఓవర్‌లోనే  కైల్‌ మేయర్స్‌, బ్రూక్స్‌ను అవుట్‌ చేశాడు. ఆ తర్వాత వెస్టిండీస్‌ ఏ దశలోనూ లక్ష్యం దిశగా సాగలేదు. బ్రాండన్‌ కింగ్‌(42), కెప్టెన్‌ నికోలస్‌ పూరన్‌(42) పరుగులతో రాణించారు. మిగతా బ్యాటర్లు టీమిండియా బౌలర్ల ముందు చేతులెత్తేశారు. భారత బౌలర్లలో యుజ్వేంద్ర చహల్‌ 4 వికెట్లతో చెలరేగాడు. సిరాజ్‌ 2, శార్దుల్‌ ఠాకూర్‌ 2, అక్షర్‌ పటేల్‌, ప్రసిద్ధ్‌ కృష్ణ తలో వికెట్‌ పడగొట్టారు. మరి సిరాజ్‌ బౌలింగ్‌ చూసి వెస్టిండీస్‌ అభిమాని ఇచ్చిన రియాక్షన్‌పై మీ అభిప్రాయాలను కామెంట్ల రూపంలో తెలియజేయండి.

Mohammad Siraj double wicket first over – he has been too good in the last few games, brilliant bowling. pic.twitter.com/vLYRy4suMi

— Mufaddal Vohra (@mufaddal_vohra) July 27, 2022

A sensational start for @mdsirajofficial 🔥#WIvIND pic.twitter.com/JfbtuPhIkU

— CricTracker (@Cricketracker) July 27, 2022