follow us:
కేఎస్ భరత్ ఆస్ట్రేలియాతో నాలుగో టెస్టులో తన పవర్ ఫుల్ బ్యాటింగ్ చూపించాడు. గ్రీన్ బౌలింగ్ లో ఒకే ఓవర్ లో 6,6,4 కొట్టి కేక పుట్టించాడు. ప్రస్తుతం అందుకు సంబంధించిన ఓ వీడియో వైరల్ కూడా కావడం విశేషం.
తెలుగు కుర్రాడు భరత్ విశ్వరూపం చూపించాడు. ఆస్ట్రేలియా బౌలర్ కామెరూన్ గ్రీన్ కు చుక్కలు చూపించాడు. అహ్మదాబాద్ వేదికగా జరుగుతున్న నాలుగో టెస్టులో తొలుత బ్యాటింగ్ చేసిన ఆస్ట్రేలియా 480 పరుగుల భారీ స్కోరు చేసింది. అనంతరం బ్యాటింగ్ కు దిగిన భారత్.. కోహ్లీ, గిల్ సెంచరీలు చేయడంతో భారీ స్కోరు వైపు పరుగులు పెడుతోంది. అయితే ఈ మ్యాచులోని తొలి ఇన్నింగ్స్ లో కోహ్లీకి సపోర్ట్ ఇచ్చిన భరత్.. ఓ దశలో మాత్రం రెచ్చిపోయాడు. ఆస్ట్రేలియా బౌలర్ కామెరూన్ గ్రీన్ పై విశ్వరూపం ప్రదర్శించాడు. ప్రస్తుతం అందుకు సంబంధించిన ఓ వీడియోనే ఇప్పుడు వైరల్ గా మారింది.
ఇక వివరాల్లోకి వెళ్తే.. బోర్డర్ గావస్కర్ ట్రోఫీలో భాగంగా తొలి రెండు టెస్టులు గెలుచుకున్న టీమిండియా, మూడో మ్యాచులో ఓడిపోయింది. నాలుగో టెస్టులో డ్రా దిశగా మ్యాచుని తీసుకెళ్తోంది. అయితే ఈ మ్యాచ్ ఫలితం సంగతి పక్కనబెడితే.. కోహ్లీకి సపోర్ట్ ఇస్తూ నిలదొక్కుకున్న భరత్.. 44 పరుగుల వ్యక్తిగత స్కోరు వద్ద లయన్ బౌలింగ్ లో ఔటైపోయాడు. కానీ అంతకు కొన్ని నిమిషాల ముందు మాత్రం కామెరూన్ గ్రీన్ కు చుక్కలు చూపించాడు. వరసగా 6,6,4 కొట్టి షాకయ్యేలా చేశాడు. భరత్ చెలరేగడంతో ఆ ఓవర్ లో మొత్తం 21 పరుగులు వచ్చాయి.
సాధారణంగా టెస్టుల్లో నెమ్మదిగా ఆడుతుంటారు. కానీ గ్రీన్ ఓవర్ లో భరత్ బ్యాటింగ్ చూసి పలువురు క్రికెట్ అభిమానులు ఫిదా అయిపోయారు. ఇదే ఊపుతో హాఫ్ సెంచరీ చేసి ఉంటే మాత్రం భరత్ పేరు మార్మోగిపోయేదని మాట్లాడుకున్నారు. ఇదిలా ఉండగా పంత్ గాయపడటంతో టెస్టు జట్టులోకి వచ్చిన భరత్.. చిన్న చిన్న తప్పులు చేసినప్పటికీ తన మార్క్ చూపిస్తున్నాడు. ఒకవేళ పంత్ కోలుకుని వచ్చినా సరే టెస్టుల్లో భరత్ నే వికెట్ కీపర్ గా కొనసాగించొచ్చని తెలుస్తోంది. మరి వికెట్ కీపర్ కమ్ బ్యాటర్ గా భరత్ అదరగొడుతుండటంపై మీరేం అంటారు. కింద కామెంట్ చేయండి.
KS Bharat joins in with a fine contribution!
Pushing India’s score closer to Australia’s#INDvsAUS #BGT2023 pic.twitter.com/DMu8tbvRuA— OneCricket (@OneCricketApp) March 12, 2023
