హ్యారీ బ్రూక్ విధ్వంసకర శతకం! ఇప్పుడు బాధపడి ఏం లాభం..?

ఇంగ్లాండ్ క్రికెట్ వరల్డ్ కప్ స్క్వాడ్ ని ఇటీవలే ప్రకటించిన సంగతి తెలిసిందే. 15 మందితో ఎంపిక చేసిన ప్రొవిజన్ స్క్వాడ్ లో యంగ్ స్టార్ హ్యారీ బ్రూక్ కి చోటు కల్పించకుండా సెలక్టర్లు పెద్ద షాకే ఇచ్చారు. బ్రూక్ కి స్థానం కల్పించకపోవడం పట్ల ఇంగ్లాండ్ మాజీలు కూడా సెలక్టర్లపై మంది పడ్డారు. ఏడాది కాలంగా ఫార్మాట్ ఏదైనా ఈ 24 ఏళ్ళ కుర్రాడు అదరగొట్టేస్తున్నాడు. అయితే ఏమైందో ఏమో గాని సెలక్టర్లు బ్రూక్ మీద నమ్మకం ఉంచలేదు. పైగా బెన్ స్టోక్స్ తన రిటైర్మెంట్ నిర్ణయాన్ని వెనక్కి తీసుకోవడంతో బ్రూక్ ఎంపిక మరింత కష్టమైపోయింది. దీంతో తొలి సారి వరల్డ్ కప్ జట్టులో చోటు దక్కుతుందని ఆశించిన బ్రూక్ కి నిరాశ తప్పలేదు. ఇదిలా ఉండగా ప్రస్తుతం బ్రూక్ విధ్వంసకర సెంచరీతో సత్తా చాటాడు.

ప్రస్తుతం ది హండ్రెడ్ లీగ్ జరుగుతున్న సంగతి తెలిసిందే. ఇందులో భాగంగా.. నార్తెర్న్ సూపర్ ఛార్జర్స్ వర్సెస్ వేల్స్ ఫైర్ జట్ల మధ్య మ్యాచ్ జరిగింది. ఈ మ్యాచ్ లో 8 వికెట్ల తేడాతో వేల్స్ ఫైర్ టీమ్ విజయం సాధించింది. తొలుత బ్యాటింగ్ చేసిన సూపర్ ఛార్జర్స్ టీమ్ 100 బంతుల్లో 7 వికెట్లు కోల్పోయి 158 పరుగులు చేసింది. జట్టులో విధ్వంసకర ఆటగాడు హ్యారి బ్రూక్ అజేయ సెంచరీతో చెలరేగాడు. ఫోర్లు, సిక్సర్లతో కేవలం 41 బంతుల్లోనే శతకం బాది ప్రత్యర్థి బౌలర్లకు చుక్కలు చూపించాడు. ఈ మ్యాచ్ లో 42 బంతులు ఎదుర్కొన్న బ్రూక్ 11 ఫోర్లు, 7 భారీ సిక్సర్లతో 105 పరుగులతో అజేయంగా నిలిచాడు. మిగతా బ్యాటర్లలో ఏ ఒక్కరూ కూడా రాణించలేదు.

బ్రూక్ ఆడిన ఈ ఇన్నింగ్స్ చూస్తుంటే ఇంగ్లాండ్ జట్టులో తనని ఎంపిక చేయకపోవడం సరైన నిర్ణయం కాదని నిరూపించాడు. ఇన్నింగ్స్ ఆసాంతం తన దూకుడిని కొనసాగిస్తూ జట్టు చేసిన 158 పరుగుల్లో ఒక్కడే 105 పరుగులు చేసి నాటౌట్ గా నిలిచాడు. బ్రూక్ భారీ శతకం చేసినప్పటికీ.. తన జట్టు ఓడిపోయింది. ప్రత్యర్థి జట్టు అయిన వేల్స్ కేవలం 2 వికెట్లు మాత్రమే కోల్పోయి మరో 10 బంతులు ఉండగానే విజయం సాధించింది. ఇక ఈ సెంచరీతో బ్రూక్ ఒక అరుదైన రికార్డ్ నెలకొల్పాడు. టెస్ట్ ల్లో, పాకిస్థాన్ లీగ్ లో, ఐపీఎల్ లో ఇప్పుడు హండ్రెడ్ లీగ్ లో సెంచరీ బాదిన ఆటగాడిగా చరిత్ర సృష్టించాడు. మరి బ్రూక్ ఆడిన ఇన్నింగ్స్ మీకేవిధంగా అనిపించిందో కామెంట్ల రూపంలో తెలపండి.

Harry Brook smashed a sublime 💯 for the Northern Superchargers against Welsh Fire in The Hundred 2023 🔥

However, it wasn’t enough as Welsh Fire chased down 159 with 8 wickets in hand.#CricketTwitter pic.twitter.com/XM9hyWQj2m

— Sportskeeda (@Sportskeeda) August 23, 2023