follow us:
చదువు జ్ఞానాన్ని నేర్పుతుంది అంటారు. కానీ.., కొంతమందికి చదువు అబ్బినా, జ్ఞానం అబ్బడం లేదు. అలాంటి కోవకే చెందుతాడు. సంగారెడ్డి జిల్లాకు చెందిన ఆకుబత్తిని రామ్‌నగేష్‌ అనే కుర్రాడు. ఇంతకీ ఇతను ఎవరు అనుకుంటున్నారా? టీ 20 వరల్డ్ కప్ లో పాకిస్థాన్ తో టీమిండియా మ్యాచ్ ఓడిపోగానే.. ట్విట్టర్ వేదికగా ఓ వ్యక్తి కోహ్లీ కూతురుపై అత్యాచార కామెంట్స్ చేశాడు కదా? అతనే ఈ ఆకుబత్తిని రామ్‌నగేష్‌.
సంగారెడ్డి జిల్లాకు చెందిన 23 ఏళ్ల రామ్‌నగేష్‌.. గాలికి తిరిగే అకాతాయి కాదు. చదువుల్లో టాపర్. బెంగళూరు చెందిన ఓ ఫుడ్‌ డెలివరీ యాప్‌లో సాఫ్ట్‌వేర్‌ ఇంజనీర్‌గా కూడా. నెలకి ఏకంగా 2 లక్షలకి పైగానే జీతం. ఇప్పుడు అవి కూడా తన టాలెంట్ కి తక్కువ అనుకుని త్వరలో అమెరికాకి వెళ్ళడానికి సిద్దమయ్యాడు. కానీ.., ఏమి లాభం? విచక్షణ లేని అతని బుద్ది అతనికి కష్ట కాలాన్ని తెచ్చి పెట్టింది.
అనుష్కశర్మతో పాటు తొమ్మిది నెలల కుమార్తె వామికానూ ఉద్దేశించి రామ్‌నగేష్‌ ట్విటర్‌లో చేసిన వ్యాఖ్యలు ఒక్కసారిగా దేశం అంతా వైరల్ అయ్యాయి. ఈ వ్యాఖ్యలను సాధారణ ప్రజలే కాదు, ఢిల్లీ ఉమెన్‌ కమిషన్‌ సైతం తీవ్రంగా పరిగణించింది. చిన్నారి విషయంలో కూడా ఇంత దారుణంగా ట్వీట్ చేసిన రామ్‌నగేష్‌ ని వెతుక్కుంటూ ముంబై పోలీసులు హైదరాబాద్ చేరుకున్నారు. సంగారెడ్డి జిల్లా కంది మండలం ఎద్దుమైలారంలోని ఓడీఎఫ్‌ క్వార్టర్స్‌లో రామ్‌నగేష్‌ పట్టుకున్నారు. అతడిపై ఐపీసీ సెక్షన్‌ 354(ఏ), 506, 67(బీ) కింద అభియోగాలు మోపారు.
రాంనగేశ్‌ కి ఫేక్ ట్విట్టర్ అకౌంట్స్ క్రియేట్ చేసి, అందులో నుండి ట్వీట్స్ చేయడం అలవాటు. వామికా విషయంలో చేసిన ట్వీట్ కూడా ఫేక్ అకౌంట్ నుండి క్రియేట్ చేసిందే. అది పాకిస్థాన్‌కు చెందిన ఖాతాగా నమ్మించేందుకు మార్పు చేర్పులు చేశాడు. ‘గప్పిస్తాన్ రేడియో’పేరుతో ఉన్న ట్విటర్‌ హేండిల్‌ ద్వారా కోహ్లిని బెదిరిస్తూ అక్టోబర్‌ 24న వివాదాస్పద ట్వీట్ చేశాడు. కానీ.., ముంబై పోలీసులు మాత్రం టెక్నాలజీ సహాయంతో.. రామ్‌నగేశ్‌ను అడ్రెస్ తెలుసుకుని మరీ వచ్చి అరెస్టు చేశారు.
ఈ విషయంలో రామ్‌నగేశ్‌ తల్లిదండ్రులు, స్నేహితులు కూడా స్పందించారు. నా కుమారుడు బాగా చదువుతాడు. మంచి టాలెంటెడ్. మంచి ఉద్యోగం చేస్తున్నాడు. ఏడాదికి రూ.24 లక్షల ప్యాకేజీతో జాబ్‌ చేశాడు. అమెరికా వెళ్లాలన్న ఉద్దేశంతో నెల క్రితమే ఉద్యోగం మానేశాడు. కానీ.., వాడికి క్రికెట్‌ అంటే పిచ్చి. నా బిడ్డ ఇలాంటి హేయమైన వ్యాఖ్యలు చేసినందుకు సిగ్గుపడుతున్నా. కానీ..,వాడు ఇలా ఎందుకు చేశాడో అర్థం కావడం లేదని అతని తండ్రి శ్రీనివాస్‌ దిగ్భ్రాంతి వ్యక్తం చేశారు. అయితే రామ్‌నగేశ్‌ ఇదంతా కావాలని చేయలేదని పొరపాటున జరిగిందని శ్రీనివాస్‌ స్నేహితుడు కృష్ణమూర్తి తెలిపారు.
‘భారత్‌ మ్యాచ్ ఓడిపోయిందన్న బాధలో రాంనగేశ్‌ ఈ మెసేజ్‌ టైప్‌ చేశాడు. కానీ.., పోస్ట్ చేయాలని అనుకోలేదు. అంతలో ఫోన్‌ అతడి చేతిలో నుంచి జారిపడి, ఆ ట్వీట్ పోస్ట్ అయిపోయిందని కృష్ణమూర్తి వివరించారు. ఏదేమైనా.. సమాజంలో ఇలాంటి వ్యాఖ్యలు చేయడం ఎంత మాత్రం సబబు కాదు. మనం ఎంత మంచి చదువు చదివాము అన్నది ముఖ్యం కాదు. ఎంత జ్ఞానం, ఎంత విచక్షణతో బతుకుతున్నాం అన్నదే ముఖ్యం. దీనికి.. ఈ రామ్‌నగేశ్‌ ఉదంతమే ఉదాహరణ. మరి.. ఈ విషయంలో మీ అభిప్రాయాలను కామెంట్స్ రూపంలో తెలియజేయండి.
Mumbai Police Cyber Cell arrests a man from Hyderabad for giving online rape threats to daughter of an Indian cricketer following team’s loss against Pakistan in T20 World Cup. The man, identified as one 23-year-old Ramnagesh Alibathini, is being brought to Mumbai: Mumbai Police
— ANI (@ANI) November 10, 2021
