follow us:
ఇటీవల తెరకెక్కిస్తున్న జానపద చిత్రాల్లో యుద్ద సన్నివేశాలు గ్రాఫిక్ మాయాజాలంతో అద్భుతంగా క్రియేట్ చేస్తున్నారు.. అలాంటి సన్నివేశాలు అప్పుడప్పుడు నిజ జీవితంలో కూడా జరుగుతుంటాయి.. పెద్ద ఎత్తున ఆందోళన కారులు, పోలీసులకు మద్య జరిగే గొడవ పెద్ద యుద్దాన్నే తలపిస్తుంది.
సాధారణంగా జానపద చిత్రాల్లో యుద్ద సన్నివేశాలు ఎంత ఉత్కంఠంగా ఉంటాయో ప్రత్యేకంగా చెప్పనక్కరలేదు. ఇటీవల తెరకెక్కిస్తున్న జానపద చిత్రాల్లో యుద్ద సన్నివేశాలు గ్రాఫిక్ మాయాజాలంతో అద్భుతంగా క్రియేట్ చేస్తున్నారు. కత్తులు, తుపాకులతో ఆందోళనకారులు బారీకేట్లు దాటుకొని రావడం.. వారిని నిలువరించేందుకు పోలీసులు రక్షణ కవచాలతో ముందుకు రావడం ఈ సీన్ నిజంగా యాక్షన్ మూవీనీ తలపించేలా ఉంది.. కానీ ఇది పంజాబ్ లోని అజ్నాలా పోలీస్ స్టేషన్ పరిధిలో జరిగిన నిజమైన సంఘటన. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతుంది. వివరాల్లోకి వెళితే..
పంజాబ్ కి చెందిన ‘వారిస్ పంజాబ్ దే’ చీఫ్ అమృత్ పాల్ సింగ్ కి అత్యంత సన్నిహితుడు అయిన లవ్‌ప్రీత్‌ తూఫాన్‌ ని ఈ రోజు పోలీసులు అరెస్ట్ చేశారు. తమ నేతను అక్రమంగా అరెస్ట్ చేశారని.. కోపోద్రిక్తులైన అతని అభిమానులు, సహచరులు కత్తులు, తుపాకీలతో హాహా కారాలు చేస్తూ.. అజ్నాలా పోలీస్ స్టేషన్ ను చుట్టుముట్టారు. ఈ సమయంలో తీవ్ర ఉద్రిక్తత చోటు చేసుకుంది. లవ్‌ప్రీత్‌ తూఫాన్‌ ని పోలీసులు అరెస్ట్ చేసి చిత్ర హింసలు పెడుతున్నారని.. వెంటనే విడుదల చేయకుంటే తీవ్ర పరిణామాలు ఎదుర్కొవాల్సి వస్తుందని అందోళనకారులు అంటున్నారు. వీరిని కట్టడి చేయడానికి బారీకేడ్లు ఉపయోగించినా ప్రయోజనం లేకుండా పోయింది.
రాజకీయ కుట్రతోనే లవ్‌ప్రీత్‌ తూఫాన్‌ పై పోలీసులు ఎఫ్ ఐఆర్ నమోదు చేశారని వారిస్ పంజాబ్ దే సంస్థ చీఫ్ అమృత్ పాల్ ఆరోపించారు. ఆయనను బేషరుతుగా విడుదల చేయాలని.. లేదంటే పరిణామాలు తీవ్రంగా ఉంటాయని హెచ్చరించారు. ఈ సందర్భంగా అమృత్ పాల్ సింగ్ మాట్లాడుతూ.. ‘మా సహనాన్ని పరీక్షించేందుకు ఇలా చేశారు.. అందుకే మా బలం ఏంటో చూపించాల్సి వచ్చింది’ అని అన్నారు. కాగా, వారిస్ పంజాబ్ దే సంస్థను దీప్ సిద్దూ అనే వ్యక్తి స్థాపించారు.. ఆయన మరణం తర్వాత ఆ సంస్థ చీఫ్ గా అమృత్ పాల్ సింగ్ కొనసాగుతున్నారు. ఆందోళనలు శృతి మించిపోయేలా ఉన్నాయని లవ్‌ప్రీత్‌ తూఫాన్‌ను విడుదల చేయాలనే ఉద్దేశ్యంలో అధికారులు ఉన్నట్లు వార్తలు వస్తున్నాయి.
#WATCH | Punjab: Supporters of ‘Waris Punjab De’ Chief Amritpal Singh break through police barricades with swords and guns outside Ajnala PS in Amritsar
They’ve gathered outside the PS in order to protest against the arrest of his (Amritpal Singh) close aide Lovepreet Toofan. pic.twitter.com/yhE8XkwYOO
— ANI (@ANI) February 23, 2023
