నటి ఖుష్బూపై ప్రముఖ రాజకీయనేత దారుణ వ్యాఖ్యలు!

ఈ మద్య రాజకీయాల్లో అధికార, ప్రతిపక్ష నేతలు మాటల యుద్దం కొనసాగిస్తున్నారు. కొన్నిసార్లు కుటుంబ సభ్యులపై సైతం అసభ్య పదజాలంతో విచురుకు పడుతున్నారు. సమాజంలో గౌరవమైన ప్రజా ప్రతినిధి పొజీషన్లో ఉంటూ చిల్లర మాటలు మాట్లాడటం కామన్ అయ్యింది. ఇటీవల రాజకీయాల్లో మహిళలకు పెద్ద పీట వేస్తున్నారు. కానీ కొంత మంది ఇది జీర్ణిచుకోలేక ప్రతిసారి మహిళలపై ఎదో ఒక సంచలన ఆరోపణలు.. వ్యాఖ్యలు చేయడం అది కాస్త సోషల్ మీడియాలో రచ్చకావడం జరుగుతూనే ఉంది. తాజాగా తమిళనాట అధికార పార్టీ నేత బీజేపీలో ఉన్న సినీ హీరోయిన్స్ ఐటమ్స్ అంటూ సంచలన వ్యాఖ్యలు చేయడం అక్కడి రాజకీయాల్లో దుమారం రేపుతుంది.

ప్రముఖ నటి, బీజేపీ మహిళా నేత ఖుష్బుపై డీఎంకే నేత సైదైయ్ సాదిక్ దారుణమైన వ్యాఖ్యలు చేయడంతో తీవ్ర విమర్శలు వెల్లువెత్తుతున్నాయి. నటి ఖుష్బుతో పాటు బీజేపీలో ఉన్న మరికొంత మంది హీరోయిన్లు ఐటమ్స్ అంటూ సైదైయ్ సాదిక్ అభ్యంతరకర వ్యాఖ్యలు చేశాడు. అందులో నటి ఖుష్బూ పెద్ద ఐటమ్ అని ఆమెపై సంచలన కామెంట్స్ చేశాడు. అంతేకాదు అమిత్ షాని ఉద్దేశించి మాట్లాడుతూ.. ఆయన తలపై వెంట్రకలు అయినా మొలుస్తాయో ఏమో కానీ.. తమిళ నాట కమలం వికసించదు అంటూ సైదైయ్ సాదిక్ తీవ్ర స్థాయిలో కామెంట్స్ చేయడంపై కమలనాథులకు భగ్గుమంటున్నారు.

దేశ వ్యాప్తంగా తమిళనాడు అధికార పార్టీ నేత సైదైయ్ సాదిక్  చేసి కామెంట్స్ పెను సంచలనాలు రేపాయి. దీంతో మహిళాలు లోకం పార్టీలకు అతీతంగా ఆయనపై విమర్శలు గుప్పిస్తున్నారు. అధికార పార్టీ నేత అయి ఉండి.. మహిళలపై ఇలాంటి నీచమైన వ్యాఖ్యాలు చేయడం ఏంటని ప్రశ్నిస్తున్నారు… ఇలాంటి వ్యాఖ్యలు చేసిన వ్యక్తి పుట్టి పెరిగిన వాతావరణ ఎంత దారుణంగా ఉందో అని..  ఇలాంటి వారు సీఎం స్టాలిన్ నేతృత్వంలో ఉండటం మరీ దారుణం అంటూ మహిళాలోకం ఆగ్రహం వ్యక్తం చేస్తున్నారు.

ఈ విషయం మహిళలను కించ పరిచే విధంగా ఉన్న ఈ వ్యాఖ్యలు సోషల్ మీడియాలో వైరల్ కావడంతో డీఎంకే నాయకురాలు, సీఎం స్టాలిన్ సోదరి కనిమొళి బహిరంగ క్షమాపణలు చెప్పారు. అంతేకాదు ఇలాంటి వారిపై సీఎం స్టాలిన్ చర్యలు తీసుకునేందుకు ఏమాత్రం వెనుకాడారని ఆమె అన్నారు. ఈ విషయంపై స్పందించిన డీఎంకే నేత సైదైయ్ సాదిక్ తాను ఎవరినీ ఉద్దేశించి అనలేదని క్షమాపణలు కోరాడు. ప్రస్తుతం  ఈ వ్యవహారం తమిళనాడు రాజకీయాల్లో పెద్ద దుమారమే సృష్టిస్తుంది.

I apologise as a woman and human being for what was said.This can never be tolerated irrespective of whoever did it,of the space it was said or party they adhere to.And I’m able to openly apologise for this because my leader @mkstalin and my party @arivalayam don’t condone this. https://t.co/FyVo4KvU9A

— Kanimozhi (கனிமொழி) (@KanimozhiDMK) October 27, 2022

• ఇది చదవండి: దీపావళి రోజు హీరోల్లా లెవల్ కొట్టారు! నెక్స్ట్ రోజు పోలీసులు సినిమా చూపించారు!