follow us:
ప్రపంచ దేశాలను వణికిస్తున్న కరోనా కొత్త రకం ఒమిక్రాన్‌ మన దేశంలోకి కూడా ప్రవేశించింది. సౌతాఫ్రికా నుంచి ఇద్దరికి ఈ వైరస్‌ నిర్ధారణ అయినట్లు కేంద్ర ఆరోగ్య శాఖ అధికారులు తెలిపారు. ఈ రెండు కేసులు కూడా బెంగుళూరులోనే నమోదు అయ్యాయి. కాగా ఇప్పటికే కరోనా ఫస్ట్‌, సెకండ్‌ వేవ్‌లతో వేల మరణాలను చూసిన భారత్‌.. ఇప్పుడు ఈ కొత్తరకం వైరస్‌తో ఎన్ని మరణాలను చూడాల్సి వస్తుందోనని ప్రజలు భయభ్రంతులకు గురవుతున్నారు.
కాగా అధికారులు మాత్రం కరోనా జాగ్రత్తలను కచ్చితంగా పాటించాలని కోరుతున్నారు. మాస్క్‌ ధరించకుంటే రూ.1000 జరిమానా విధిస్తామని హెచ్చరిస్తున్నారు. కాగా హైదరాబాద్‌లో కూడా ఒమిక్రాన్‌ వైరస్‌ పాజిటివ్‌ వచ్చినట్లు తెలంగాణ హెల్త్‌ డైరెక్టర్‌ తెలిపారు. కానీ కేంద్ర అధికారులు ఇంకా ఈ కేసును నిర్ధారించలేదు.
