follow us:
అహింసను నమ్మిన ఆ మహాత్ముని బాటలో.. ప్రజల సంక్షేమమే పరమావధిగా తమిళనాడు రాజకీయాల్లో ఒక సరికొత్త శకం మొదలైంది! సాధారణ నటుడిగా లక్షలాది గుండెల్లో నిలిచిన విజయ్.. ఇప్పుడు తమిళనాడు ముఖ్యమంత్రిగా తనదైన ముద్ర వేస్తున్నారు.. అక్టోబర్ 2, గాంధీ జయంతి రోజున ఆయన తీసుకున్న ఒక సాహసోపేతమైన నిర్ణయంతో ప్రసంశలు అందుకుంటున్నారు. అధికారం ఎవరికైనా వస్తుంది.. కానీ ఆ అధికారంతో ప్రజల జీవితాల్లో వెలుగులు నింపే నాయకుడే అసలైన సేవకుడు… ముఖ్యమంత్రి అయినప్పటికీ, విజయ్ తన సింప్లిసిటీని ఎప్పుడూ వీడలేదు. ప్రొటోకాల్స్ పక్కన పెట్టి, సామాన్యుడిలా ప్రజల మధ్యకు వెళ్లడం ఆయన స్టైల్. కోయంబేడు బస్టాండ్‌లో ఆయన ప్రత్యక్షమైన తీరు అందరినీ ఆశ్చర్యపరిచింది. ఎలాంటి హంగులు లేవు, కేవలం ప్రజలకు సేవ చేయాలన్న తపన మాత్రమే ఆయన ముఖంలో కనిపిస్తోంది. అందుకే సీఎంగా బాధ్యతలు చేపట్టిన అతి తక్కువ కాలంలోనే జనం మెచ్చిన నేతగా సీఎం తనకంటూ ఓ ప్రత్యేక స్థానం సంపదించుకున్నాడు..
తమిళనాడు ప్రభుత్వం మహిళా సాధికారత కోసం ప్రవేశపెట్టిన అత్యంత గొప్ప పథకమే వెట్రి పయనం. ఈ పథకం ద్వారా రాష్ట్రంలోని మహిళలు, ట్రాన్స్‌జెండర్లు మరియు దివ్యాంగులు ప్రభుత్వ బస్సుల్లో ఎటువంటి ఛార్జీలు లేకుండా ఉచితంగా ప్రయాణించవచ్చు. ఈ తరుణంలోనే గాంధీజయంతి సందర్బంగా కోయంబేడు బస్టాండ్ లో మహాత్మగాంధీ చిత్రపటానికి నివాళులర్పించి.. అనంతరం మహిళకు ఉచిత బస్సు ప్రయాణం ప్రారంభించారు.. ఆ తర్వాత బస్సు ఎక్కిన సీఎం మహిళలతో స్వయంగా మాట్లాడారు. వారి కుటుంబ కష్టాలను తెలుసుకుంటూ.. ‘ఇకపై ప్రయాణ ఖర్చుల గురించి మీరెవరూ టెన్షన్ పడాల్సిన అవసరం లేదు, మీ అన్నగా నేనున్నానంటూ’ భరోసా ఇచ్చారు. తనే స్వయంగా టిక్కెట్లు ఇచ్చిన మహిళల కష్టాలను అడిగితెలుసుకున్నారు సీఎం విజయ్.
ఒక కుటుంబంలో మహిళ ఆర్థికంగా, ప్రయాణ పరంగా సులభంగా ఉంటే.. ఆ కుటుంబమే కాదు, ఆ సమాజమే అభివృద్ధి చెందుతుంది. రోజువారీ కూలీ పనులకు వెళ్లే మహిళలకు, ఉద్యోగాలకు వెళ్లే కాలేజీ అమ్మాయిలకు ఈ ఉచిత బస్సు ప్రయాణం ఒక పెద్ద ఊరట. రవాణా ఖర్చులు ఆదా కావడం ద్వారా ఆ డబ్బును తమ పిల్లల చదువులకు, ఇంటి అవసరాలకు ఉపయోగించుకోవచ్చు. ప్రజల కష్టాలను కళ్లారా చూసి, వాటికి తక్షణ పరిష్కారం చూపే నాయకుడే నిజమైన ప్రజా నాయకుడు అని విజయ్ మరోసారి నిరూపించారు.సినిమాల్లో హీరోగా విలన్లను ఎదుర్కొన్న విజయ్.. ఇప్పుడు నిజ జీవితంలో పేదరికం, కష్టాలు అనే విలన్లపై పోరాడుతూ ప్రజల నిజమైన హీరోగా నిలుస్తున్నారు. గాంధీ జయంతి రోజున ప్రారంభించిన ఈ ‘వెట్రి పయనం’ పథకం తమిళనాడు చరిత్రలో ఒక మైలురాయిగా నిలిచిపోతుంది.
