పహల్గాం టెర్రరిస్ట్ మూసా హతం.. బుద్గాంలో ఆర్మీ ఎన్‌కౌంటర్

జమ్మూకశ్మీర్‌లో భద్రతా దళాలు భారీ విజయాన్ని నమోదు చేశాయి. లష్కరే తోయిబా సంస్థకు చెందిన సీనియర్ కమాండర్ మూసా అలియాస్ ఆసిఫ్ ఫౌజీని బుద్గాం జిల్లాలో జరిగిన ఎన్‌కౌంటర్‌లో మట్టుబెట్టాయి. పహల్గాం ఉగ్రదాడి తర్వాత సోషల్ మీడియాలో వైరల్ అయిన ఒక ఫొటోలోని నలుగురు కీలక కమాండర్ల ముఠాలో మూసా చివరివాడు.
లష్కరే తోయిబా సంస్థకు చెందిన అత్యంత ప్రమాదకరమైన ఈ మూసాను బుద్గాం జిల్లాలో ఎన్‌కౌంటర్‌లో ఇండియన్ ఆర్మీ మట్టుబెట్టింది.తాజా ఎన్‌కౌంటర్‌తో ఆ నలుగురు ఉగ్రవాదుల ఏరివేత పూర్తయినట్లు కేంద్ర హోం మంత్రిత్వ శాఖ ఒక ప్రకటనలో వెల్లడించింది.

2025 పహల్గాం ఉగ్రదాడి తర్వాత సోషల్ మీడియాలో ఒక ఫొటో తీవ్రంగా వైరల్ అయింది. కంబాట్ దుస్తుల్లో ఉన్న నలుగురు టాప్ కమాండర్ల ముఠాలో ఈ మూసానే చివరివాడు. తాజా ఎన్‌కౌంటర్‌తో ఆ నలుగురు మోస్ట్ వాంటెడ్ ఉగ్రవాదుల ఏరివేత పూర్తిగా ముగిసిందని కేంద్ర హోం మంత్రిత్వ శాఖ అధికారికంగా ప్రకటించింది. బుద్గాం జిల్లాలోని గురువత్‌కలాన్ ప్రాంతంలో మూసా కదలికలపై భద్రతా దళాలకు పక్కా సమాచారం అందింది. టెక్నికల్, హ్యూమన్ ఇంటెలిజెన్స్ ఆధారంగా జమ్మూకశ్మీర్ పోలీసులు, సైన్యం సంయుక్తంగా ఈ ఆపరేషన్ చేపట్టాయి. నాలుగేళ్లుగా ముప్పేట దాడి చేస్తూ, ఒక్కొక్కరిగా ఈ ముఠాను భద్రతా దళాలు మట్టుబెట్టాయి.

మొదటి ఉగ్రవాదైన జునైద్ భట్‌, ఏడుగురి మృతికి కారణమైన గగన్‌గీర్ దాడిలో కీలక సూత్రధారి. ఇతడిని 2024 డిసెంబర్ 3న శ్రీనగర్‌లోని దాచిగామ్ అటవీ ప్రాంతంలో జరిగిన ఎన్‌కౌంటర్‌లో హతమార్చారు.రెండో టెర్రరిస్ట్ సులేమాన్‌ను 2025 జులై 28న భద్రతా దళాలు చేపట్టిన ‘ఆపరేషన్ మహాదేవ్’ ద్వారా మట్టుబెట్టాయి.
ఇక మూడో ఉగ్రవాది యాసిర్‌ను 2026 సెప్టెంబర్ 4న బుద్గాం జిల్లాలో నిర్వహించిన ఆపరేషన్ అష్దర్‌లో భద్రతా దళాలు అంతమొందించాయి.

ఇక చివరిగా మూసా అలియాస్ ఆసిఫ్ ఫౌజీ ఉగ్రవాదిని తాజాగా ఎన్‌కౌంటర్ చేశారు. లష్కరే తోయిబా సంస్థకు చెందిన ఈ సీనియర్ కమాండర్ కోసం నాలుగేళ్లుగా వేట కొనసాగింది. పక్కా ఇంటెలిజెన్స్ సమాచారంతో.. బుద్గాం జిల్లాలోని గురువత్‌కలాన్ ప్రాంతంలో జరిగిన ఎన్‌కౌంటర్‌లో మట్టబెట్టారు. మొత్తానికి పహల్గం ఉగ్రదాడిలో పాల్గొన్న ..నలుగురు ఉగ్రవాదులను లేపేసిపట్లు కేంద్రహోంశాఖ స్పష్టం చేసింది.