లండన్ బుక్ ఆఫ్ రికార్డ్స్‌లో తొలి నటుడిగా బాలయ్య, అభినందనలు తెలిపిన చంద్రబాబు, పవన్ కళ్యాణ్

టాలీవుడ్ స్టార్ హీరో బాలయ్య బాబుకు 50 ఏళ్లు పూర్తయ్యాయి. అవును..తెలుగు చలన చిత్ర పరిశ్రమలో అడుగెట్టి 50 ఏళ్లు పూర్తి చేసుకున్న సందర్భంగా ప్రత్యేక గౌరవం దక్కింది. లండన్ బుక్ ఆఫ్ వరల్డ్ రికార్డ్స్‌లో చోటు దక్కింది. పూర్తి వివరాలు ఇలా ఉన్నాయి.

నందమూరి వారసుడిగా , నట సింహంగా తెలుగు చలనచిత్ర పరిశ్రమలో అడుగెట్టిన బాలయ్య మొదటి సినిమా తాతమ్మ కల. 1974లో విడుదలైంది. ఆ తరువాత అదే ఏడాది రామ్ రహీమ్ రెండవ సినిమా, 1975లో మూడో సినిమా అన్నదమ్ముల అనుబంధం..అలా దూసుకుపోతూనే ఉన్నాడు బాలయ్య. బాలయ్య కెరీర్‌లో 1994లో వచ్చిన భైరవద్వీపం, 2001లో నరసింహ నాయుడు, 2010లో సింహ, 2014లో లెజెండ్ బెస్ట్ సినిమాలుగా నిలిచాయి. ఇలా నట జీవితంలో 50 ఏళ్లు పూర్తి చేసుకుని 150కు పైగా సినిమాల్లో నటించాడు. సినీ జీవితంలో 50 ఏళ్లు పూర్తి చేసుకున్న నటుడిగా లండన్ బుక్ ఆఫ్ వరల్డ్ రికార్డ్సులో చోటు దక్కింది.

లండన్ బుక్ ఆఫ్ వరల్డ్ రికార్డ్డు‌లో ఎక్కిన తొలి భారతీయ నటుడు

తెలుగు ఇండస్ట్రీలో వచ్చి 50 ఏళ్లు పూర్తి చేసుకోవడమే కాకుండా లండన్ బుక్ ఆఫ్ వరల్డ్ రికార్డ్స్‌లో చోటు దక్కించుకున్న తొలి భారతీయ నటుడిగా బాలయ్య మరో ఘనత సాధించాడు. వరల్డ్ బుక్ ఆఫ్ రికార్డ్స్ యూకే గోల్డ్ ఎడిషన్ అధికారికంగా గౌరవించింది. అభిమాన నటుడికి ఈ అరుదైన ఘనత దక్కడంతో ఫ్యాన్స్ పండగ చేసుకుంటున్నారు. సినిమా రంగంలో 50 ఏళ్లు పూర్తి చేసుకున్న తొలి తెలుగు నటుడు కూడా బాలయ్యే కావడం విశేషం.

బాలయ్యకు చంద్రబాబు, పవన్ కళ్యాణ్ ప్రత్యేక అభినందనలు

బాలయ్య సాధించిన ఈ ఘనతపై ఏపీ ముఖ్యమంత్రి చంద్రబాబు ప్రత్యేకంగా అభినందనలు తెలిపారు. సినిమా రంగంలో 50 ఏళ్లు పూర్తి చేసుకోవడమే కాకుండా లండన్ బుక్ ఆఫ్ రికార్డ్స్‌లో చోటు దక్కించుకోవడం చారిత్రాత్మకమని కీర్తించారు. సినిమాపై బాలకృష్ణకు ఉన్న చిత్తశుద్ధి, అంకితభావానికి ఇది నిదర్శనమన్నారు.

#50YearsOfNBK
Admired by people across generations and celebrated for his dedication and passion for cinema, Shri Nandamuri Balakrishna Garu’s journey as a lead hero for 50 years stands as a golden chapter in Indian film history. The recognition by the World Book of Records, UK… pic.twitter.com/aEcs57knSY

— N Chandrababu Naidu (@ncbn) August 24, 2025

వరల్డ్ బుక్ ఆఫ్ రికార్డ్స్‌లో స్థానం దక్కించుకోవడంపై బాలయ్యకు ఏపీ ఉప ముఖ్యమంత్రి పవన్ కళ్యాణ్ ప్రత్యేకంగా అభినందించారు. సోషల్ మీడియాలో పోస్ట్ చేశారు. నందమూరి తారక రామారావు వారసుడిగా, బాలనటుడిగా తెలుగు పరిశ్రమలో అడుగుపెట్టి జానపదం, కుటుంబ కథాచిత్రాలు, యాక్షన్ సినిమాలతో ప్రేక్షకులను మెప్పించిన బాలయ్య 50 ఏళ్ల ప్రయాణం పూర్తి చేసుకున్నారు. ఎమ్మెల్యే బాలయ్యకు మనస్పూర్తిగా అభినందనలు తెలియజేస్తున్నాను. ఇలాగే అటు నటనతో ప్రేక్షకుల్ని, ఇటు ప్రజాసేవతో ప్రజల్ని ఆకట్టుకోవాలని ఆకాంక్షిస్తున్నానంటూ పవన్ కళ్యాణ్ పోస్ట్ చేశారు.

 

బాలనటుడిగా తెలుగు చలన చిత్ర రంగంలోకి స్వర్గీయ నందమూరి తారక రామారావు గారి నట వారసుడిగా అడుగుపెట్టి జానపదాలు, కుటుంబ కథా చిత్రాలు, యాక్షన్ చిత్రాలతో ప్రేక్షకులను మెప్పిస్తూ, నట జీవితంలో 50 సంవత్సరాల సుదీర్ఘ ప్రయాణం పూర్తి చేసుకున్న తరుణంలో వరల్డ్ బుక్ ఆఫ్ రికార్డ్స్ ( లండన్) లో…

— Pawan Kalyan (@PawanKalyan) August 25, 2025