కంటతడి పెట్టిస్తున్న తారకరత్న భార్య అలేఖ్య రెడ్డి పోస్ట్!

టాలీవుడ్ హీరో నందమూరి తారకరత్న ఇటీవల హాస్పిటల్ లో చికిత్స పొందుతూ కన్నుమూసిన సంగతి తెలిసిందే. 23 రోజులపాటు బెంగుళూరులోని నారాయణ హృదయాలయ ఆసుపత్రిలో చికిత్స పొందిన తారకరత్న.. ఫిబ్రవరి 18న చివరి శ్వాస విడిచారు. దీంతో అటు నందమూరి కుటుంబంలో.. ఇటు అభిమానులలో తీవ్ర విషాదం అలుముకుంది. తాజాగా తారకరత్న చిన్న కర్మ కార్యక్రమాన్ని కుటుంబ సభ్యులు నిర్వహించారు. తారకరత్న చిన్న కర్మ కార్యక్రమంలో నందమూరి ఫ్యామిలీ మెంబర్స్ అందరూ పాల్గొన్నారు. ముఖ్యంగా తారకరత్న భార్య అలేఖ్య రెడ్డి.. ఆయన లేడనే వార్తను ఇంకా జీర్ణించుకోలేక కన్నీరు మున్నీరవుతోంది.

ఇక ఫిబ్రవరి 18న తారకరత్న మరణించగా.. 22న ఆయన పుట్టినరోజు కావడం గమనార్హం. తారకరత్న లేని లోటు నందమూరి కుటుంబాన్ని తీరని శోకసంద్రంలో ముంచిందని చెప్పాలి. ప్రస్తుతం భర్తను కోల్పోయి బాధలో ఉన్న అలేఖ్యరెడ్డి పరిస్థితి గురించి చెప్పక్కర్లేదు. తారకరత్న, అలేఖ్య రెడ్డి పెద్దలను ఎదురించి ప్రేమ పెళ్లి చేసుకున్నారు. ఈ క్రమంలో తారకరత్నను గుర్తుచేసుకుంటూ అలేఖ్య రెడ్డి.. సోషల్ మీడియాలో ఎమోషనల్ పోస్ట్ పెట్టింది. ఆ పోస్టులో.. “హ్యాపీ హ్యాపీ బర్త్ డే టు బెస్ట్ ఫాదర్, బెస్ట్ హస్బెండ్ అండ్ వండర్ ఫుల్ హ్యూమన్.. సో బాడ్లి మిస్ యు నాన్న. ఐ లవ్ యు సో మచ్” అనే క్యాప్షన్ తో కూతురు నిష్క ఇలా ఎమోషనల్ అయ్యిందని అలేఖ్య రెడ్డి తెలిపారు.

ప్రస్తుతం అలేఖ్య రెడ్డి పెట్టిన పోస్ట్.. అందరి మనసులను కలచి వేస్తోంది. ఈ పోస్టులో తారకరత్నతో పాటు కూతురు నిష్క ఉంది. ప్రెజెంట్ ఈ పోస్ట్ సోషల్ మీడియాలో వైరల్ అవుతుండగా.. తారకరత్న లేడనే విషయాన్నీ అలేఖ్య రెడ్డి ఇంకా జీర్ణించుకోలేకపోతోందని పోస్ట్ చూస్తే అర్థమవుతుంది. కాగా.. తారకరత్న మరణంతో నందమూరి హీరోల సినిమా షూటింగ్స్ సైతం వాయిదా పడిన విషయం విదితమే. తారకరత్న మరణంతో అటు జూనియర్ ఎన్టీఆర్ – కొరటాల సినిమా లాంచ్, బాలకృష్ణ – అనిల్ రావిపూడి షూటింగ్ షెడ్యూల్స్ వాయిదా పడ్డాయి. తారకరత్నకి తమ్ముళ్లు జూనియర్ ఎన్టీఆర్, కళ్యాణ్ రామ్ లతో పాటు బాబాయ్ బాలకృష్ణ అంటే ఎంతో ప్రేమ. ఈ విషయాన్ని ఇదివరకే చాలా ఇంటర్వ్యూలలో చెప్పాడు.

 

View this post on Instagram

 

A post shared by Alekhya Tarak Ratna (@alekhyarede)