రామ్ చరణ్ కోసం చిన్నారి కన్నీరు.. చలించిపోయిన మెగాపవర్ స్టార్!

సెలబ్రిటీలు కనిపిస్తే సెల్ఫీ దిగాలనే ఆలోచనలో అందరిలోనూ కలుగుతుంది. సెలబ్రిటీలతో సెల్ఫీలను పెద్దవారంటే పెద్దగా పట్టించుకోవచ్చు. కానీ.. యూత్, పిల్లలు తెగ ఆరాటపడుతుంటారు. తాజాగా మెగా పవర్ స్టార్ రామ్ చరణ్ తో సెల్ఫీ కోసం ఓ చిన్నారి ఫ్యాన్ ఏకంగా కంటతడి పెట్టేసింది. దీంతో చిన్నారి కన్నీరు చూసిన చరణ్.. వెంటనే పాపతో సెల్ఫీ దిగి సంతోషపెట్టిన ఘటన ప్రస్తుతం సోషల్ మీడియాలో వైరల్ గా మారింది. గతేడాది రామ్ చరణ్ నటించిన ‘ఆర్ఆర్ఆర్’ మూవీ నుండి ‘నాటు నాటు’ సాంగ్ ఆస్కార్ కి నామినేట్ అయిన సంగతి తెలిసిందే. మార్చి 12న ఆస్కార్ అవార్డుల ప్రదానోత్సవం గ్రాండ్ గా జరగబోతోంది.

ఈ వేడుక కోసం 20 రోజుల ముందే అమెరికా చేరుకున్నాడు చరణ్. అప్పటినుండి వెనువెంటనే వరుసగా కార్యక్రమాలలో పాల్గొంటూ సందడి చేస్తున్నాడు. అందులో భాగంగా వరల్డ్ వైడ్ పాపులర్ అయిన ‘గుడ్ మార్నింగ్ అమెరికా'(GMA) లైవ్ ఇంటర్వ్యూలో పాల్గొన్నాడు. అయితే.. ఈ ప్రోగ్రాంకి చరణ్ వస్తున్నాడని తెలిసి.. ఫ్యాన్స్ భారీ స్థాయిలో స్టూడియో వద్దకు చేరుకున్నారు. ఇక ప్రోగ్రాం అనంతరం చరణ్ బయటికి రాగానే.. జనాలంతా సెల్ఫీలు, షేక్ హ్యాండ్స్ తో చుట్టుముట్టేశారు. జనాలను కంట్రోల్ చేయడానికి సెక్యూరిటీ సిబ్బంది కూడా తంటాలు పడగా.. చరణ్ కి అందరినీ కలిసేందుకు వీలు పడలేదు. ఈ నేపథ్యంలో చరణ్ ని కలిసి సెల్ఫీ దిగడానికి వచ్చిన ఓ చిన్నారి.. అక్కడే వెక్కి వెక్కి ఏడ్చేసింది.

అప్పటికే వెళ్లిపోదామని కారు దగ్గరికి వెళ్లిన చరణ్.. చిన్నారి ఏడుపు చూసి చలించిపోయాడు. ఆ వెంటనే ఏడుస్తున్న చిన్నారి వద్దకు వచ్చి.. షేక్ హ్యాండ్ ఇచ్చి సెల్ఫీ దిగాడు. దీంతో ఆ చిన్నారి ఆనందానికి అవధులు లేకుండా పోయాయి. ఇదంతా న్యూయార్క్ లోని టైమ్ స్క్వేర్ దగ్గర జరిగినట్లు సమాచారం. కాగా.. చరణ్ కి పిల్లలంటే చాలా ఇష్టం. త్వరలోనే చరణ్, ఉపాసన దంపతులు పేరెంట్స్ కాబోతున్నారు. ప్రస్తుతం చరణ్.. ఆ చిన్నారిని ఓదార్చి సెల్ఫీ దిగిన విజువల్స్ సోషల్ మీడియాలో వైరల్ గా మారాయి. ఇదిలా ఉండగా.. చరణ్.. ఆర్ఆర్ఆర్ తర్వాత శంకర్ దర్శకత్వంలో “RC15” మూవీ చేస్తున్నాడు. ప్రెజెంట్ శంకర్.. కమల్ హాసన్ తో ‘ఇండియన్ 2’ షూటింగ్ లో ఉన్నందున చరణ్ ఆస్కార్ వేడుకకోసం అమెరికా వెళ్లాడని సినీ వర్గాల టాక్.

Mega Power Selfie Moment With His Fans At New York,USA 💥⚡📸#ManOfMassesRamCharan #GlobalStarRamCharan pic.twitter.com/7ujFSRqD68

— Mega Family Fans (@MegaFamily_Fans) February 22, 2023