ఆకట్టుకున్న లేడీ సూపర్ స్టార్ నయనతార కనెక్ట్ మూవీ టీజర్..

చిత్ర పరిశ్రమలో నయనతార గురించి ప్రత్యేకంగా చెప్పనక్కర్లేదు. తనదైన నటనతో భారీగా ఫ్యాన్ ఫాలోయింగ్ సంపాదించుకుని లేడీ సూపర్ స్టార్ గా గుర్తింపు తెచ్చుకుంది. అనేక సూపర్ డూపర్ హిట్ చిత్రాల్లో నటించింది. సౌత్ ఇండస్ట్రీలో దాదాపు అందరు స్టార్ హీరోల సరసన నటించింది. కొంతకాలం క్రితం తమిళ దర్శకుడు విగ్నేష్ శివన్ ను వివాహం చేసుకుంది. అయితే పెళ్లి తరువాత నయన నటిస్తున్న కొత్త చిత్రం కనెక్ట్. ఇప్పటికే అనేక హర్రర్ సినిమాలో నటించిన నయన మరోసారి అదే జోనర్ లో నటిస్తోంది. నయనతార మొయిన్ లీడ్ లో నటిస్తున్న ఈ సినిమాకు సంబంధించిన టీజర్ తాజాగా విడుదలైంది. ఈ టీజర్ చూసి నయన అభిమానలు తెగ కృషి అవుతున్నారు. నయనతార ఖాతాలో మరో హిట్ సినిమా ఖాయమని పలువురు సినీ విమర్శకులు అభిప్రాయం వ్యక్తం చేస్తున్నారు. ప్రస్తుతం కనెక్ట్ మూవీ టీజర్ సోషల్ మీడియాలో వైరల్ అవుతోంది.

నయనతార ప్రధాన పాత్రలో అశ్విన్ శరవణ్ కనెక్ట్ మూవీని తెరకెక్కిస్తున్నారు. ఈ సినిమాను రౌడీ పిక్చర్స్‌ బ్యానర్‌పై నయన్ భర్త విగ్నేష్ నిర్మిస్తున్నాడు. ఇక ఈ సినిమాకు పృథ్వి చంద్రశేఖర్‌ సంగీతం అందిస్తున్నాడు. హారర్ నేపథ్యంలో తెరకెక్కుతున్న ఈ సినిమా టీజర్ తాజాగా రిలీజ్ అయింది. ఇప్పటికే గతంలో ఒకసారి ఈ సినిమాకు సంబంధించి వదిలిన టీజర్ ప్రేక్షకులను ఎంతగానో ఆకట్టుకుంది. తాజాగా మరో టీజర్ ను చిత్ర యూనిట్ రిలీజ్ చేసింది. 27 సెకన్ల నిండి ఉన్న ఈ టీజర్ ప్రేక్షకులను ఉల్కిపడేలా చేసింది. ఈ టీజర్ లో నయనతార తన గదిలో భయంభయంగా కనిపిస్తుండగా.. గుర్తు తెలియని వ్యక్తి డోర్‌ను కొడుతున్నాడు. బ్యాక్‌ డ్రాప్‌లో భయంతో కూడిన అరుపులు, కేకలు వినిపిస్తున్నాయి. ఇంకో రూమ్ తలుపు తెరవగా.. మంచంపై షాక్‌ లుక్‌లో ఉన్న పాప కనిపిస్తుంది.

ఈ మూవీలో ప్రధాన పాత్రల్లో అనుపమ్ ఖేర్, సత్యరాజ్, వినయ్ రాయ్, హనియ నఫిస లు నటిస్తున్నారు. ఈ సినిమా డిసెంబర్ 22న థియేటర్లలోకి రానుంది. తాజా టీజర్ ను యూవీ క్రియేషన్ సంస్థ తన ట్విట్టర్ ఖాత ద్వారా షేర్ చేసుకుంది. ఇంటర్వెల్ లేకుండా సినిమా ఉండబోతుంది. ‘మీరు మంచి హారర్ అనుభవాన్ని పొందుతారు’ అని గతంలో విగ్నేష్ శివన్ ట్వీట్ చేశాడు. హారర్ సినిమా కావడం, ఇంటర్వెల్ లేకుండా గంటన్నర సినిమా కావడంతో ప్రేక్షకులు, నయన్ ఫ్యాన్స్ కనెక్ట్ సినిమాపై ఆసక్తి చూపిస్తున్నారు.

.@UV_Creations is proud to present Lady Superstar #Nayanthara’s Breathtaking Horror-Thriller #Connect in Telugu.

Directed by @Ashwin_saravana , Produced by @Rowdy_Pictures @VigneshShivN

Chills down your spine from 22nd December ! 👻 🔥@AnupamPKher #Sathyaraj #VinayRai pic.twitter.com/OCj4zDSfjg

— UV Creations (@UV_Creations) December 5, 2022