కల్కి సీక్వెల్‌పై బిగ్ ట్విస్ట్, దీపికా పదుకోణ్ అవుట్...

పాన్ ఇండియా సినిమా కల్కి సీక్వెల్‌పై షాకింగ్ ట్విస్ట్. స్వయంగా చిత్ర నిర్మాణ సంస్థ ప్రకటించడంతో అభిమానులకు నిరాశ చెందుతున్నారు. ఈ సినిమాకు సంబంధించి పూర్తి వివరాలు ఇలా ఉన్నాయి.

ప్రభాస్-దీపికా పదుకోణ్ ప్రధాన పాత్రల్లో దర్శకుడు నాగ్ అశ్విన్ తెరకెక్కించిన కల్కి 2898 ఏడి సినిమా భారీ విజయం సాధించింది. అప్పటి నుంచి ఈ సినిమా సీక్వెల్ ఎప్పుడొస్తుందా అని ఫ్యాన్స్ ఎదురు చూస్తున్నారు. ఈ సినిమాలో దీపికా పదుకోణ్ పాత్ర అందర్నీ ఆకర్షించడంతో సహజంగానే రెండో భాగంలో ఉంటుందనే అంతా అనుకున్నారు. ఈ క్రమంలో చిత్ర నిర్మాణ సంస్థ వైజయంతి మూవీస్ షాక్ ఇచ్చింది. ఎక్స్‌లో వైజయంతి మూవీస్ చేసిన ట్వీట్ అభిమానులకు నిరాశ మిగుల్చుతోంది.

కల్కి 2898 ఏడీ సీక్వెల్‌లో దీపికా పదుకోణ్ ఉండదని వైజయంతి మూవీస్ స్పష్టం చేసింది. కల్కి వంటి సినిమాలు చేసేందుకు మరింత కమిట్‌మెంట్ అవసరమని..అందుకే ఇప్పుడు వేరే మార్గం ఎంచుకున్నామని సంస్థ ప్రకటించిన సంస్థ దీపికా పదుకోణ్ భవిష్యత్ ప్రాజెక్టులకు బెస్ట్ విషెస్ అందించింది. కల్కి మొదటి భాగంలో అద్భుతంగా నటించి మెప్పించిన దీపికా పదుకోణ్‌ను రెండో భాగం నుంచి తప్పించడంపై విమర్శలు వస్తున్నాయి. ఆమెలో కమిట్‌మెంట్ లేకపోవడమేంటనే ప్రశ్నలు వస్తున్నాయి. ప్రస్తుతం కల్కి సీక్వెల్ ప్రీ ప్రొడక్షన్ పనులు దాదాపుగా పూర్తయ్యాయి. ప్రభాస్ షెడ్యూల్ డేట్స్ లభిస్తే షూటింగ్ ప్రారంభం కావచ్చు.

This is to officially announce that @deepikapadukone will not be a part of the upcoming sequel of #Kalki2898AD.

After careful consideration, We have decided to part ways. Despite the long journey of making the first film, we were unable to find a partnership.

And a film like…

— Vyjayanthi Movies (@VyjayanthiFilms) September 18, 2025