follow us:
Inaya Sulthana: ఇనయ సుల్తానా అనే వర్ధమాన నటి.. ఆర్జీవీతో కలిసి చేసిన డ్యాన్స్ వీడియో ఒకటి ఆ మధ్య సోషల్ మీడియాలో బాగా వైరల్ అయ్యింది. ఈ వీడియోలో ఆర్జీవీ.. ఇనయ సుల్తానాను తన కౌగిట్లో బంధించి గులాబీ పువ్వుని నలిపినట్లు నలిపేశారు. దీంతో నెటిజన్లు ఈ వీడియోను ఘోరంగా ట్రోల్ చేశారు. దీనిపై స్పందించిన వర్మ.. “నేను మళ్ళీ క్లారిఫై చేస్తున్నా. వీడియోలో ఉన్న వాడు నేను కాదు. రెడ్ కలర్ డ్రస్ లో ఉన్న అమ్మాయి ఇనయ సుల్తానా కాదు. అమెరికా ప్రెసిడెంట్ జో బైడెన్ మీద ఒట్టు నన్ను నమ్మండి” అంటూ ట్వీట్ చేసిన విషయం తెలిసిందే.
I once again want to clarify that the guy in this video is not me and the Girl in Red is not @inaya_sultana and I swear this on American President JOE BIDEN pic.twitter.com/K8nNera7Rc
— Ram Gopal Varma (@RGVzoomin) August 22, 2021
ఇక ఈ డ్యాన్స్ వీడియో చూసి కుటుంబ సభ్యులు, బంధువులు తనను చూసే తీరుపై ఇనయ సుల్తానా.. తాజాగా సుమన్ టీవీకిచ్చిన ఇంటర్వ్యూలో వెల్లడించారు. ఈ సందర్భంగా ఆమె మాట్లాడుతూ.. “సినిమాల్లోకి రావాలన్న ఆసక్తితో ఇంట్లో వాళ్ళకి ఇష్టం లేకపోయినా ఇంట్లో నుండి బయటకు వచ్చేసాను. ఇంట్లో వాళ్ళ సహకారం లేకపోయినా ఒంటరిగా ఉంటూ హైదరాబాద్ లో సినీ ప్రయత్నాలు మొదలుపెట్టాను. కరోనా సమయంలో తన తండ్రి మరణించడంతో ఆర్ధికంగా ఇబ్బందులు గురయ్యాను. ఆర్ధిక ఇబ్బందులను అధిగమించడానికి ఉద్యోగం చేస్తానంటే ఇంట్లో ఒప్పుకోలేదు” అంటూ ఆమె వెల్లడించారు.
ఇక రామ్ గోపాల్ వర్మతో చేసిన వీడియోపై స్పందిస్తూ ఆమె భావోద్వేగానికి లోనయ్యారు. సినీ ప్రయత్నాలు చేస్తుండగా.. ఆర్జీవీతో పరిచయం ఏర్పడడంతో తన పుట్టినరోజున పార్టీకి పిలిచానని, అదే సమయంలో ఇద్దరం కలిసి డాన్స్ చేశామని చెప్పుకొచ్చారు. ఆ వీడియో తన బర్త్ డే పార్టీ అయిన నాలుగు రోజులకు బాగా వైరల్ అయ్యిందని, ఆ సమయంలో అమ్మ ఫోన్ చేసి బాగా ఏడ్చిందని చెప్పుకొచ్చారు. పరువు మొత్తం తీస్తున్నావ్ అంటూ కుటుంబ సభ్యులు తిట్టడం బాగా బాధ వేసిందంటూ ఆమె ఎమోషనల్ అయ్యారు. వర్మతో చేసిన డ్యాన్స్ వీడియో చూసి బంధువులు తనను ద్వేషించారని ఇనయ సుల్తానా చెప్పుకొచ్చారు. నా గురించి మాట్లాడటం మా ఇంట్లో వాళ్లకు ఇష్టం లేదు, అందుకే నేను వాళ్ళ గురించి కూడా ఎక్కడా చెప్పాలనుకోవడం లేదు అంటూ ఆమె ఘాటు వ్యాఖ్యలు చేశారు. ఇంకా ఇండస్ట్రీలో తనకు ఎదురైన అనుభవాలను, కష్టాలను ఆమె సుమన్ టీవీతో పంచుకున్నారు. వీడియో పూర్తిగా చూసిన తర్వాత ఇనయ సుల్తానా వ్యాఖ్యలపై మీ అభిప్రాయాన్ని కామెంట్ రూపంలో తెలియజేయండి.
ఇది కూడా చదవండి: Bollywood: భర్తపై ముద్దుల వర్షం కురిపించిన నటి.. ఫోటోలు వైరల్..
ఇది కూడా చదవండి: Pokiri: మరోసారి థియేటర్లోకి రానున్న పోకిరి మూవీ..!
