కిలాడీ భార్యాభర్తలు.. క్షణాల్లో రూ. 14 కోట్లు కొట్టేశారు.. CCTV దృశ్యాలతో..

దొంగతనం నేరం అని తెలిసినా.. దొరికి పోతామని తెలిసినా కూడా కొంతమంది తెలివిగా దొంగతనాలు చేయటానికి ప్రయత్నిస్తున్నారు. తమ అతి తెలివిని ఉపయోగించి దొంగతనం చేసి.. అడ్డంగా దొరికిపోతున్నారు. ఓ జంట 45 వైన్‌ బాటిళ్లను దొంగతనం చేసి జైలు పాలైంది. సీసీటీవీ కెమెరాల్లో రికార్డయిన దృశ్యాలతో చిక్కిపోయింది. వారు ఆ వైన్‌ బాటిళ్లను దొంగతనం చేయాల్సిన అవసరం ఏమొచ్చింది? ఆ వైన్‌ బాటిళ్ల విలువ ఎంత? తెలుసుకోవాలంటే మొత్తం స్టోరీ చదివేసేయండి. వివరాల్లోకి వెళితే.. మెక్సికోకు చెందిన 28 ఏళ్ల ప్రిసిలినా గువేరా అనే యువతి.. 49 ఏళ్ల కాన్‌స్టాన్‌టిన్‌ దిమిత్రు అనే వ్యక్తి రిలేషన్‌లో ఉన్నారు.

2021 అక్టోబర్‌ నెలలో వీరు ఫ్రాన్స్‌లోని ఓ హోటల్‌లో దిగారు. వైన్‌ బాటిళ్లకు ప్రసిద్ధి చెందిన ఆ హోటల్‌లో దొంగతనం చేయాలని వీరు నిశ్చయించుకున్నారు. పక్కా ప్లాన్‌ ప్రకారం.. వైన్‌ బాటిళ్లను దాచే స్థలం తాళం చెవుల్ని దొంగిలించారు. తర్వాత ఇద్దరూ కలిసి వైన్‌ బాటిళ్లు ఉండే స్థలానికి వెళ్లారు. మొత్తం 45 వైన్‌ బాటిళ్లను దొంగిలించారు. వీటి విలువు అక్షరాలా 14 కోట్ల రూపాయలు కావటం విశేషం. మరీ అంత విలువ.. వాటి స్పెషాలిటీ ఏంటని అనుకుంటున్నారా? ఆ వైన్‌ బాటిళ్లలో కొన్ని అతి పురాతమైనవి. 1806 ప్రాంతానికి చెందిన ఓ బాటిల్‌, 1883 ప్రాంతానికి చెందిన రెండు బాటిళ్లు..

 

మిగిలిన బాటిళ్లు 1990-2000 సంవత్సరానికి చెందినవి. వీటి ధర మార్కెట్లో చాలా ఎక్కువగా ఉంటుంది. అలాంటి వైన్‌ బాటిళ్లను వీరు దొంగిలించారు. వాటిని టవల్‌లో చుట్టి కారులో వేసుకుని వెళ్లిపోయారు. అయితే, వీరు దొంగతనం చేస్తున్న దృశ్యాలు సీసీ కెమెరాల్లో చిక్కాయి. పోలీసులు వీరిని అదుపులోకి తీసుకున్నారు. ఈ కేసుకు సంబంధించి స్పెయిన్‌ కోర్టు తాజాగా తుది తీర్పును వెల్లడించింది. వారికి శిక్షను ఖరారు చేసింది. మరి, 14 కోట్ల రూపాయల విలువైన వైన్‌ బాటిళ్లను దొంగిలించి, సీసీటీవీ కెమెరాల కారణంగా దొరికిపోయిన ఈ జంటపై మీ అభిప్రాయాలను కామెంట్ల రూపంలో తెలియజేయండి.

🚩Así cometieron el robo, y huyeron del lugar, los dos presuntos autores del robo de vino en el restaurante #Atrio de #Cáceres

Una de las botellas data del año 1806 y está valorada en 310.000 euros, siendo un ejemplar único en el mundo pic.twitter.com/L30oUXehVe

— Policía Nacional (@policia) July 20, 2022