మళ్లీ రెచ్చిపోతున్న బ్లేడ్ బ్యాచ్.. రూ.100 కోసం ఎంతకు తెగించారంటే?

బ్లేడ్ బ్యాచ్ ముఠా గురించి ప్రత్యేకంగా చెప్పాల్సిన పని లేదు. గంజాయి, మద్యం మత్తులో కురుకుపోయి ఈ గ్యాంగ్ ఎంతటి దారుణాలకైనా తెగిస్తుంది. డబ్బులు ఇవ్వకుంటే చివరికి ప్రాణాలు తీయడానికి కూడా వెనకాడరు. బెజవాడలో గతంలో ఇలాంటి ఘటనలు చాలానే చోటు చేసుకున్నాయి. ఇదిలా ఉంటే.. ఈ ఏడాది ప్రారంభంలో ధవళేశ్వరంలో బ్లేడ్ బ్యాచ్ అన్యాయంగా ఓ యువకుడి ప్రాణం తీసిన ఘటన అప్పట్లో తీవ్ర కలకలంగా మారిన విషయం తెలిసిందే. అయితే ఈ ఘటన మరువక ముందే తాజాగా బెజవాడలో బ్లేడ్ బ్యాచ్ మరోసారి రెచ్చిపోయింది.

విషయం ఏంటంటే? పార్వతిపురానికి చెందిన హరిప్రసాద్ అనే యువకుడు మాచవరంలో ఓ సెలూన్ షాప్ లో పని చేస్తూ హాస్టల్ నివాసం ఉంటున్నాడు. ఇక సోమవారం రాత్రి 10 గంటలకు సెలూన్ షాపు నుంచి తిరిగి హాస్టల్ కు వెళ్దామని రోడ్డెక్కాడు. ఇక సూర్యాపేటలోని ఓ బార్ వద్దకు రాగానే మాస్క్ ధరించి ఉన్న ఇద్దరు యువకులు హరి ప్రసాద్ ను అడ్డుకున్నారు. అర్జెంట్ గా రూ.100 ఇవ్వాలని అడిగారు. దీనికి హరిప్రసాద్ లేవని అడిగారు. కనీసం రూ.50 అయినా ఇవ్వాల్సిందేనని వెంటపడ్డారు. లేవని హరి ప్రసాద్ ఎంత మొత్తుకున్నా వినలేదు. ఇక వెంటనే వారి చేతిలో ఉన్న పదునైన ఆయుధాలతో హరి ప్రసాద్ ముఖంపై విచక్షణ రహితంగా దాడి చేసి అక్కడి నుంచి పరారయ్యారు.

కిందపడిపోయి ఉన్న హరిప్రసాద్ ను కొందరు వాహనదారులు గమనించి అతని కుటుంబ సభ్యులకు సమాచారం అందించారు. వెంటనే ఘటనా స్థలానికి చేరుకుని ఆ యవకుడిని విజయవాడ ప్రభుత్వ ఆస్పత్రికి తరలించారు. ప్రస్తుతం హరి ప్రసాద్ పరిస్థితి విషమంగానే ఉన్నట్లు వైద్యులు తెలిపారు. ఈ విషయం చివరికి పోలీసుల దృష్టికి వెళ్లడంతో కేసు నమోదు చేసుకుని దర్యాప్తు చేస్తున్నారు. గతంలో బ్లేడ్ బ్యాచ్ రెచ్చిపోవడంతో పోలీసులు వారిని గుర్తించి ఏకంగా 25 మందిని నగర బహిష్కరణ కూడా చేశారు. ఇక తాజాగా బ్లేడ్ బ్యాచ్ ముఠా రెచ్చిపోవడంతో స్థానిక ప్రజలు భయదోళలనలకు గురవుతున్నారు. బెజవాడలో మరోసారి రెచ్చిపోయిన బ్లేడ్ బ్యాచ్ ముఠా ఆగడాలపై మీ అభిప్రాయాలను కామెంట్ రూపంలో తెలియజేయండి.