తెలంగాణ కాంగ్రెస్‌ నేత దయాకర్‌ హీరోగా పాన్‌ ఇండియా సినిమా

రాజకీయాల్లో సూపర్‌ యాక్టివ్‌గా ఉంటూనే.. సినిమాలపై దృష్టి సారించారు కాంగ్రెస్‌ నేత అద్దంకి దయాకర్‌. ప్రస్తుతం టీపీసీసీ అధికార ప్రతినిధిగా ఉన్న దయాకర్‌ హీరోగా ఒక పాన్‌ ఇండియా సినిమా రూపొందనుంది. ఈ సినిమాను బొమ్మక్‌ మురళీ డైరెక్ట్‌ చేయబోతున్నారు. కాగా ఈ సినిమాను ఏకంగా నాలుగు భాషల్లో తెరకెక్కిస్తున్నారు.

బయోవార్‌, దేశ సమస్యలు, సామాజిక అంశాలపై సినిమా కథ ఉండనుందని సమాచారం. ఈ సినిమాకు మేరా భారత్‌, జై భారత్‌ అనే టైటిల్స్‌ను పరిశీలిస్తున్నట్లు దయాకర్‌ చెప్పారు. సినిమా బడ్జెట్‌ కూడా భారీగానే ఉండనున్నట్లు తెలుస్తుంది. మరి ఈ సినిమాలో హీరోయిన్‌గా టాలీవుడ్‌ స్టార్‌ హీరోయిన్‌ను సంప్రదించినట్లు సమాచారం. మరి దయాకర్‌ హీరోగా పాన్‌ ఇండియా సినిమా రూపొందడంపై మీ అభిప్రాయాలను కామెంట్ల రూపంలో తెలియజేయండి.