నాన్నను కోల్పోయిన రెండు వారాలకే.. తండ్రైన ఉమేష్ యాదవ్!

టీమిండియా స్పీడ్​స్టర్ ఉమేశ్ యాదవ్ గురించి అందరికీ తెలిసిందే. 2010 నుంచి భారత జట్టుకు ఆడుతున్న ఉమేశ్.. టీమ్​లో ఇంకా సెటిల్ అవ్వలేదు. వన్డేలు, టీ20లు ఇలా అన్ని ఫార్మాట్లలోనూ ఆడినా.. దేంట్లోనూ పూర్తిగా ఇమడలేదు. ప్రస్తుతం టెస్టుల్లో జాతీయ జట్టుకు ఆడుతున్న ఉమేశ్.. బోర్డర్ – గవాస్కర్ ట్రోఫీలో సత్తా చాటాడు. మూడో టెస్టు తొలి ఇన్నింగ్స్​లో ఆస్ట్రేలియా జట్టును తక్కువ స్కోరుకు ఆలౌట్ చేయడంలో చక్కటి పాత్ర పోషించాడు. మూడు వికెట్లు తీసి కంగారూల పతనాన్ని శాసించాడు. ఇటీవల ఉమేశ్ తండ్రి మరణించిన విషయం విదితమే. ఆ బాధ, దుఃఖాన్ని గుండెల్లో దిగమింగి మరీ మూడో టెస్టులో రాణించాడు.

ఆసీస్​తో మూడు టెస్టులో ఉమేశ్ పెర్ఫార్మెన్స్​పై అందరూ ప్రశంసలు కురిపిస్తున్నారు. అతడి పట్టుదల చూసి శభాష్ అంటూ మెచ్చుకుంటున్నారు. ఈ మ్యాచ్​లో భారత్ ఓడినప్పటికీ ఉమేశ్​ను మాత్రం అభిమానులు ప్రశంసిస్తున్నారు. ఇదిలాఉండగా.. ఉమేశ్ తండ్రయ్యాడు. బుధవారం (మార్చి 8వ తేదీ) పండంటి ఆడబిడ్డకు ఉమేశ్ భార్య తాన్యా జన్మనిచ్చింది. ఈ విషయాన్ని ట్విట్టర్​ వేదికగా ఈ పేసర్ వెల్లడించాడు. మహిళల దినోత్సవం నాడే ఉమేష్ దంపతులకు ఆడపిల్ల పుట్టడం విశేషం. తండ్రి మరణంతో బాధలో ఉన్న ఈ స్పీడ్​స్టర్​కు ఇది పెద్ద గుడ్​న్యూస్ అతడి ఫ్యాన్స్ అంటున్నారు.

Blessed with baby girl ❤️ pic.twitter.com/nnVDqJjDGs

— Umesh Yaadav (@y_umesh) March 8, 2023