షోయబ్ అక్తర్ కూతుర్ని చూశారా? అందంలో హీరోయిన్లకు ఏమాత్రం తీసిపోదు!

వరల్డ్ క్రికెట్​లో ఏ టీమ్ అయినా సరే, బౌలింగ్​లో ఎక్కువగా పేసర్లకు ప్రాధాన్యం ఇస్తుంది. మ్యాచ్​లను గెలిపించాలంటే జట్టులో నాణ్యమైన పేస్ బౌలర్లు ఉండాల్సిందే. మంచి వేగం, కచ్చితత్వం, నియంత్రణతో కూడిన బాల్స్​ను సంధించే పేసర్లను చూస్తే స్టార్ బ్యాటర్లు కూడా తడబడతారు. ఒకప్పుడు భీకరమైన పేస్ బౌలింగ్​ అటాక్ కలిగిన జట్లుగా వెస్టిండీస్, ఆస్ట్రేలియా లాంటి వాటిని చెప్పేవారు. 1980 నుంచి 1990వ దశకం వరకు పేస్​ బౌలింగ్​కు కరీబియన్ టీమ్ అడ్డాగా ఉండేది. అయితే ఇప్పుడు మాత్రం వెస్టిండీస్ జట్టు బౌలింగ్​లో మునుపటి పస కనిపించడం లేదు. ఆసియా జట్లలో అత్యుత్తమ పేస్ అటాక్ కలిగిన టీమ్స్​లో పాకిస్థాన్ పేరు ముందు వరుసలో ఉంటుంది. ఎలాగైతే భారత్​ను బ్యాటింగ్​కు కార్ఖానాగా పిలుస్తారో.. అలాగే పాక్​ను బౌలర్లకు కర్మాగారంగా చెబుతారు.

పాకిస్థాన్​ నిత్యం నాణ్యమైన పేసర్లను ఇంటర్నేషనల్ క్రికెట్​కు అందిస్తూ వస్తోంది. దాయాది జట్టు​ నుంచి వచ్చిన అలాంటి పేసర్లలో ఒకడు షోయబ్ అక్తర్. సంప్రదాయ పేస్ బౌలర్లకు భిన్నమైన బౌలింగ్ శైలితో బాల్స్​ సంధించేవాడీ రావల్పిండి ఎక్స్​ప్రెస్. అతడి పేస్​ను ఎదుర్కోవాలంటే మహా మహా బ్యాట్స్​మెన్ కూడా గజగజలాడేవారు. బౌన్సర్లు, యార్కర్లతో బ్యాట్స్​మెన్​ను క్రీజులో కుదురుకోనివ్వకుండా చేయడంలో అక్తర్ సిద్ధహస్తుడు. ఒంటిచేత్తో పాక్​కు ఎన్నో విజయాలు అందించాడు. రిటైర్మెంట్ తర్వాత కామెంట్రీ చెబుతూ.. మ్యాచ్​లకు సంబంధించిన విశ్లేషణ వీడియోలు చేస్తున్నాడు అక్తర్. యూట్యూబ్​లో అతడి ఛానల్​కు లక్షల మంది సబ్​స్క్రైబర్లు ఉన్నారు. అలాంటి అక్తర్ తాజాగా తన కూతురు అయ్​లీన్ షేక్​తో కలసి దిగిన ఒక ఫొటోను నెట్టింట షేర్ చేశాడు. అయ్​లీన్​తో కలసి ఆయన దిగిన ఫొటో ఇప్పుడు నెట్టింట వైరల్ అవుతోంది. హీరోయిన్లకు ఏమాత్రం తీసిపోని అందంతో ఉన్న అయ్​లీన్​ ఫొటోను క్రికెట్ ఫ్యాన్స్​ సోషల్ మీడియాలో తెగ షేర్ చేస్తున్నారు.

Shoaib Akhtar uploads picture with his daughter@shoaib100mph #ShoaibAkhtar pic.twitter.com/Cf6p22BzIb

— Cricket Pakistan (@cricketpakcompk) June 15, 2023