తన భాగస్వామి గర్భం దాల్చినట్లు వెల్లడించిన ఇంగ్లండ్‌ ఉమెన్‌ క్రికెటర్‌!

ఇంగ్లండ్ ఉమెన్స్ క్రికెట్ టీం తరఫున మోస్ట్ సక్సెస్‌ఫుల్‌ ప్లేయర్లలో సారా టేలర్ ఒకరు. 2006లో అరంగ్రేటం చేసిన సారా టేలర్ దాదాపు 13 సంవత్సరాలు ఇంగ్లండ్‌ జట్టుకి సేవలు అందించింది. వికెట్ కీపర్ కమ్‌ బ్యాటర్‌గా పేరొందిన సారా 2019లో రిటైర్మెంట్‌ని ప్రకటించింది. ప్రస్తుతం సారా టేలర్, డయానా అనే ఒక మహిళతో రిలేషన్ షిప్‌లో ఉంది. అయితే ఇప్పుడు డయానా గర్భదాల్చడంతో సారా తన ఆనందాన్ని ట్విట్టర్లో పంచుకుంది.

మానసిక సమస్యలతో సారా క్రికెట్ నుంచి వైదొలగిందో.. అప్పటి నుంచి ఆమె జీవితం చాలా కష్టంగా సాగింది. కానీ గత కొంత కాలంగా తన భాగస్వామి డయానాతో రిలేషన్ షిప్ వలన సారా జీవితం కొంచెం మెరుగైంది. అయితే తాజాగా డయానా గర్భవతి అయిన విషయంలో సారా ఆనందానికి అవధులు లేకుండా పోయాయి. సారా టేలర్ ట్విట్టర్ వేదికగా మాట్లాడుతూ.. “అమ్మగా ఉండాలనేది నా పార్ట్నర్ డయానా కల. ఈ ప్రయాణం అంత సులువైనది కాదు. ఇందులో నేను కూడా భాగమైనందుకు చాలా సంతోషంగా ఉంది. నాకు తెలుసు భవిష్యత్తులో డయానా ఒక గొప్ప తల్లి అవుతుంది. 19 వారాల తర్వాత జీవితం చాలా వేరుగా ఉంటుంది” అని చెప్పుకొచ్చింది. ఈ సందర్భంగా ఫ్యాన్స్ నుంచి, సన్నిహితుల నుంచి సారా జంటకు శుభాకాంక్షలు వెల్లువెత్తుతున్నాయి.

సారా టేలర్ తన కెరీర్లో ఇప్పటివరకు 10 టెస్టులు 126 ఒన్డే లు 90 టీ 20 మ్యాచులు ఆడింది. వన్డేల్లో 4056 పరుగులు, టీ 20ల్లో 2177 పరుగులు చేసింది. అంతే కాదు ఇప్పటివరకు తన కెరీర్లో మొత్తం 104 స్టంపింగ్ ల తో పాటు 128 క్యాచ్ లను కూడా అందుకుంది. రిటైర్మెంట్ అనంతరం ఇంగ్లాండ్ మెన్స్ టీం సస్సెక్స్ జట్టు తరపున వికెట్ కీపింగ్ కోచ్ గా బాధ్యతలు చేపట్టి సంచలంగా మారింది. ఒక మహిళా క్రికెటర్ ఇలా మెన్స్ టీం కి కోచ్ గా మారడం ఇదే తొలిసారి. కాగా గతంలో తాను ట్రాన్స్‌జెండర్‌ అనే విషయాన్ని సారా ప్రకటించింది. మొత్తానికి సారా టేలర్ తన పార్ట్నర్ డయానా ప్రెగెన్సీ విషయంలో చాలా సంతోషంగా ఉన్న నేపథ్యంలో మీ అభిప్రాయాలను కామెంట్ రూపంలో తెలియజేయగలరు.

Being a mother has always been my partner’s dream. The journey hasn’t been an easy one but Diana has never given up. I know she will be the best mum and I’m so happy to be a part of it x

19 weeks to go and life will be very different ! 🤍🌈 pic.twitter.com/9bvwK1Yf1e

— Sarah Taylor (@Sarah_Taylor30) February 21, 2023