follow us:
ఇంగ్లండ్‌ స్టార్‌ ఆల్‌రౌండర్‌ బెన్‌ స్టోక్స్‌ వర్క్‌లోడ్‌ ప్రెజర్‌తో వన్డే ఫార్మాట్‌కు వీడ్కోలు పలికిన తర్వాత వన్డే క్రికెట్ భవిష్యత్తుపై చర్చ మొదలైంది. వన్డే క్రికెట్‌కు భవిష్యత్తు లేదని, టీ20 ఫార్మాటే ప్రపంచ క్రికెట్‌ను ఏలబోతుందని చాలా మంది మాజీ క్రికెటర్లు సైతం అభిప్రాయపడ్డారు. తాజాగా టీమిండియా కెప్టెన్ రోహిత్‌ శర్మ కూడా ప్రస్తుతం ఉన్న మూడు ఫార్మాట్ల(టెస్ట్‌, వన్డే, టీ20) మనుగడపై స్పందించాడు.
‘క్రికెట్ ఆడటం ముఖ్యమని.. అది ఏ ఫార్మాట్‌ అయినా సరే. టెస్టు, వన్డే, టీ20 ఏ ఫార్మాట్‌కు కూడా ఎలాంటి ఢోకా లేదు. గతంలో టెస్టు క్రికెట్ భవిష్యత్తుపై ఆందోళన వ్యక్తం చేశారు. ఇప్పుడు వన్డేలపై చేస్తున్నారు. ఇందంతా నాన్సెస్‌. నాకైతే మూడు ఫార్మాట్లు ఆడాలని ఉంది. ఇంకా కుదిరితే మరో ఫార్మాట్‌ అదనంగా ఉండాలి. నిజానికి నాకు పేరొచ్చిందే వన్డే ఫార్మాట్‌తో..’ అంటూ రోహిత్‌ శర్మ పేర్కొన్నాడు.
వన్డేల్లో మూడు డబుల్‌ సెంచరీలతో రోహిత్‌ శర్మ ఎవరీ అందనంత ఎత్తులో ఉన్నాడు. అలాగే వన్డేల్లో అత్యధిక వ్యక్తిగత స్కోర్‌ 264 కూడా రోహిత్‌ పేరిటే ఉంది. రోహిత్‌ అన్నట్లు వన్డేల్లో ఓపెనర్‌గా వచ్చిన తర్వాతే రోహిత్‌ శర్మ బాగా పాపులర్‌ అయ్యాడు. కాగా.. ప్రస్తుతం టీమిండియా జింబాబ్వే టూర్‌లో ఉంది. ఈ సిరీస్‌కు రోహిత్‌ శర్మ విశ్రాంతిలో ఉన్నాడు. తిరిగి ఆసియా కప్‌లో ఈ నెల 28న పాకిస్థాన్‌తో జరిగే మ్యాచ్‌తో రోహిత్‌ బరిలోకి దిగనున్నాడు. మరి వన్డేల భవిష్యత్తుపై రోహిత్‌ శర్మ వ్యాఖ్యలపై మీ అభిప్రాయాలను కామెంట్ల రూపంలో తెలియజేయండి.
Skipper Rohit Sharma said,”Mera name hi ODI cricket se bana hai (I owe to play ODI cricket). ye sab bekar ki baatein Hain. (All this talk about ODIS being outdated are useless)”. pic.twitter.com/QwPQXyATNa
— Vishal. (@SportyVishal) August 17, 2022
ఇది కూడా చదవండి: వీడియో: రిటైరై మూడేళ్లు దాటినా.. యువీ బ్యాటింగ్‌లో పవర్‌ మాత్రం తగ్గలేదు
