follow us:
కేఎల్ రాహుల్.. వికెట్ కీపర్ కమ్ బ్యాట్స్ మన్. అద్భుతమైన ఆటగాడు. టీమిండియా తరఫున బ్యాటర్ గా, వికెట్ కీపర్ గా ఎన్నో మంచి మంచి ఇన్నింగ్సులు ఆడాడు. అలాంటి రాహుల్.. కొన్నాళ్ల నుంచి ఫామ్ కోల్పోయాడు. సరైనా ఫెర్ఫార్మెన్స్ ఒక్కటంటే ఒక్కటి కూడా చేయట్లేదు. ప్రస్తుతం జరుగుతున్న ఆసియాకప్ లోనూ అంతంత మాత్రంగానే రాణించాడు. ఇంకా చెప్పాలంటే పూర్తిగా నిరాశపరిచాడు. ఈ క్రమంలోనే రాహుల్ పెళ్లి వార్త బయటకొచ్చేసరికి.. ఫ్యాన్స్ సెటైర్స్ వేస్తున్నారు.
ఇక వివరాల్లోకి వెళ్తే.. 2013 ఐపీఎల్ సీజన్ తో అందరికీ పరిచయమైన కేఎల్ రాహుల్, ఆ తర్వాతి ఏడాదే టీమిండియా తరఫున టెస్టు అరంగేట్రం చేశాడు. అనంతరం రెండేళ్లకు టీ 20, వన్డే జట్టులో చోటు సంపాదించాడు. ఓపెనర్స్ గా రోహిత్-ధావన్ అప్పటికే సెటిలైపోవడంతో రాహుల్ అప్పుడప్పుడు ఓపెనింగ్, కొన్నిసార్లు మిడిలార్డర్ లో ఆడేవాడు. అలా జట్టులోకి వస్తూ పోతూనే ఉండేవాడు. ఇలా భారత జట్టు తరఫున నామమాత్రంగా ఆడే కేఎల్ రాహుల్.. ఐపీఎల్ లో మాత్రం ప్రతి సీజన్ లోనూ ఆరెంజ్ క్యాప్ కోసమా అన్నట్లు ఆడేవాడు. అత్యధిక స్కోరు చేసిన టాప్-3 బ్యాటర్లలో కచ్చితంగా ఉండేవాడు.
ఇక ప్రస్తుతం ఆసియాకప్ లో ఆడుతున్న రాహుల్.. స్థాయికి తగ్గ ఇన్నింగ్సులు ఆడలేకపోతున్నాడు. పాకిస్థాన్ తో లీగ్ మ్యాచులో డకౌట్ అయ్యాడు. హాంకాంగ్ తో మ్యాచులో 39 బంతుల్లో 36 పరుగులు మాత్రమే చేశాడు. పాక్ తో మళ్లీ జరిగిన సూపర్ 4 మ్యాచులో 20 బంతుల్లో 28 పరుగులు చేశాడు. ఇలా ప్రతి మ్యాచులోనూ వచ్చిన అవకాశాన్ని సద్వినియోగం చేసుకోలేకపోతున్నాడు. దీంతో రాహుల్ బ్యాటింగ్ తీరుపై సెటైర్స్ పడుతున్నాయి. ఐపీఎల్ లో తప్ప మరెక్కడా ఆడవా అని నెటిజన్స్ కామెంట్స్ చేస్తున్నారు.
ఈ క్రమంలోనే కేఎల్ రాహుల్ పెళ్లి గురించి వార్త బయటకొచ్చింది. గత కొన్నేళ్ల నుంచి రిలేషన్ లో ఉన్న హీరోయిన్ అతియాశెట్టితో.. వచ్చే జనవరిలో ఏడడుగులు వేయనున్నాడని సమాచారం. త్వరలో టీ20 ప్రపంచకప్ ఆడనున్న రాహుల్.. ఆ తర్వాత పెళ్లి పనుల్లో మునిగిపోతాడు. దీంతో సుఖంగా ఉండు బ్రో, మళ్లీ జట్టులోకి రాకు అని నెటిజన్స్ అంటున్నారు. మరి రాహుల్ పెళ్లి, నెటిజన్స్ వ్యాఖ్యల గురించి మీ అభిప్రాయాన్ని కామెంట్స్ లో పోస్ట్ చేయండి.
ఇదీ చదవండి: కేఎల్ రాహుల్ బ్యాటింగ్ టీమిండియా కొంపముంచబోతుందా?
