follow us:
వెస్టిండీస్ ఆల్ రౌండర్ జేసన్ హోల్డర్ అద్భుత ప్రదర్శన చేశాడు. ఇంగ్లాండ్ తో జరుగుతున్న 5 మ్యాచ్ లు టీ20 సిరీస్ లో భాగంగా చివరి టీ20లో అఖ‌రి ఓవర్లో వరుసగా నాలుగు బంతుల్లో నాలుగు వికెట్లు పడగొట్టి విండీస్‌కు అద్భుత‌మైన విజ‌యాన్ని అందించాడు. దీంతో కరీబియన్ జట్టు 3-2 తేడాతో సిరీస్ కైవసం చేసుకుంది. ప్రస్తుతం ఐసీసీ టీ20 ర్యాంకింగ్స్ లో ఇంగ్లాండ్ మొదటి స్థానంలో ఉండగా, వెస్టిండీస్ పదవ స్థానంలో ఉంది.
వెస్టిండీస్ నిర్దేశించిన180 ప‌రుగ‌ల ల‌క్ష్యంతో బ‌రిలోకి దిగిన ఇంగ్లాండ్ జట్టు 162 పరుగులకు ఆలౌటైంది. వెస్టిండీస్ బౌల‌ర్లలో హోల్డర్(5), అకేల్ హోసేన్(4) వికెట్లు పడగొట్టి ఇంగ్లాండ్ ప‌త‌నాన్ని శాసించారు. ఆదివారం రాత్రి జరిగిన ఈ మ్యాచ్ లో తొలుత వెస్టిండీస్ 20 ఓవర్లలో 179/4 స్కోర్ చేయగా.. అనంతరం ఇంగ్లాండ్ 19 ఓవర్లకు 160/6 స్కోర్ తో నిలిచింది. అయితే, ఆఖరి ఓవర్లో విజయానికి 20 పరుగులు చేయాల్సి ఉండగా చివరి నాలుగు వికెట్లు కోల్పోయి ఓటమిపాలైంది. జాసన్ హోల్డర్ అఖ‌రి ఓవర్లో వరుసగా నాలుగు బంతుల్లో నాలుగు వికెట్లు పడగొట్టాడు. దీంతో విండీస్ తరఫున టీ20ల్లో హ్యాట్రిక్ సాధించిన తొలి బౌలర్ రికార్డులకెక్కాడు. కాగా, టీ20ల్లో వరుసగా నాలుగు బంతుల్లో నాలుగు వికెట్లు తీసిన నాలుగో ఆటగాడిగా చేరాడు. ఇంతకుముందు శ్రీలంక పేసర్ లసిత్ మలింగా, ఐర్లాండ్ బౌలర్ కర్టిస్ కాంఫర్, అఫ్గాన్ స్పిన్నర్ రషీడ్ ఖాన్ ఈ ఘనత సాధించారు.
The 1st West Indian to take a T20I hat-trick! Jason Holder’s performance takes our #MastercardPricelessMoment. #WIvENG pic.twitter.com/VwTp1qcYlV
— Windies Cricket (@windiescricket) January 31, 2022
Updating our “dem West Indies boys” pic 📸 #WIvENG #MaroonMagic pic.twitter.com/Ew2tY7cuBz
— Windies Cricket (@windiescricket) January 31, 2022
