Asia Cup 2022: భారత్‌-పాక్‌ మ్యాచ్‌.. సత్తా చాటిన పేసర్లు! టీమిండియా చరిత్రలో తొలిసారి

ఇండియా-పాకిస్థాన్‌ క్రికెట్ మ్యాచ్ అంటే గోళ్లు కొరుక్కునే టెన్షనే కాదు.. సరికొత్త రికార్డ్స్ కూడా నమోదవుతుంటాయి. తాజాగా ఆసియాకప్‌లో భాగంగా ఆదివారం పాకిస్థాన్‌తో జరిగిన మ్యాచ్‌లో టీమిండియా పేసర్లు అరుదైన రికార్డును నమోదు చేశారు. టాస్ ఓడి బ్యాటింగ్‌కు దిగిన పాకిస్థాన్ జట్టుకు బౌలర్లు బౌలర్లు చుక్కలు చూపించారు. పరుగులు చేయడానికి అవకాశమే ఇవ్వకుండా ముప్పతిప్పలు పెట్టారు. షార్ట్‌ బాల్స్‌తో పాక్‌ బ్యాటర్ల పనిపట్డారు. దీంతో కేవలం 147 పరుగులకు పాక్‌ చాపచుట్టేసింది. పాక్‌ టీమ్‌లో ఓపెనర్‌ రిజ్వాన్‌ ఒక్కడే 43 పరుగులు చేసి రాణించాడు.

కాగా పాకిస్థాన్‌ పది వికెట్లను కూడా పేసర్లే పడగొట్టడం విశేషం. టీ20ల్లో పదికి పది వికెట్లు టీమిండియా సీమర్లే తీసుకోవడం ఇదే తొలి సారి. అలాగే గతంలో వెస్టిండీస్‌తో టీ20 మ్యాచ్‌లో పదికి పది వికెట్లు స్పిన్నర్లు తీసుకున్న రికార్డు ఉన్నా.. సీమర్లు అన్ని వికెట్లు తీసుకున్న దాఖలాలు లేవు. ఆ లోటును భర్తీ చేస్తూ.. టీమిండియా సీనియర్‌ పేసర్‌ భుమనేశ్వర్‌ కుమార్‌ 4 వికెట్లతో, ఆల్‌రౌండర్‌ హార్దిక్‌ పాండ్యా 3 వికెట్లతో, యంగ్‌ పేసర్‌ అర్షదీప్‌ సింగ్‌ 2, ఆవేష్‌ ఖాన్‌ ఒక వికెట్‌తో చెలరేగి.. పాక్‌ను ఆలౌట్‌ చేశాడు. యుజ్వేంద్ర చాహల్‌ తన నాలుగు ఓవర్ల కోటాను పూర్తి చేసినా, మరో స్పిన్నర్‌ రవీంద్ర జడేజా రెండు ఓవర్లు వేసినా.. ఒక్కటంటే ఒక్క వికెట్‌ కూడా తీయలేకపోయారు. కానీ.. కట్టుదిట్టమైన బౌలింగ్‌తో పాక్‌ బ్యాటర్లను పరుగులు చేయకుండా ఒత్తిడిలోకి నెట్టారు.

ఆసియా కప్‌ ప్రారంభ మ్యాచ్‌లో చిరకాల ప్రత్యర్థి పాకిస్థాన్‌పై మధురమైన విజయంతో పాటు టీమిండియా పేసర్లు తొలిసారి 10కి 10 వికెట్లు తీసుకుని అరుదైన రికార్డు నమోదు చేశారు. ఇక మ్యాచ్ విషయానికి వస్తే.. టాస్‌ ఓడి తొలుత బ్యాటింగ్‌ చేసిన పాకిస్థాన్‌ 19.5 ఓవర్లలో 147 పరుగులుచేసి ఆలౌట్‌ అయింది. ఇక టీమిండియా 19.4 ఓవర్లలో 5 వికెట్లు కోల్పోయి లక్ష్యఛేదించింది. బౌలింగ్‌లో రాణించిన పాండ్యా బ్యాటింగ్‌లను అదరగొట్టాడు. అలాగే విరాట్‌ కోహ్లీ(35), రవీంద్ర జడేజా(35) పరుగులతో రాణించారు. ఈ విజయంతో టీమిండయా పాకిస్థాన్‌పై టీ20 వరల్డ్‌ కప్‌లో ఎదురైన పరాజయానికి బదులు తీర్చుకున్నట్లు అయింది. మరి ఈ మ్యాచ్‌లో టీమిండియా పేసర్లు పదికి పది వికెట్లు తీసుకోవడంపై మీ అభిప్రాయాలను కామెంట్ల రూపంలో తెలియజేయండి.

ఇది కూడా చదవండి: చిరాకు తెప్పించిన రిజ్వాన్‌! ‘గల్లీ క్రికెటర్‌’ ప్రవర్తన అంటూ నెటిజన్లు ఫైర్‌

Indian pacers take all 10 wickets for first time in T20I match

Read @ANI Story | https://t.co/XsKWLJoK47#TeamIndia #cricket #INDvsPAK pic.twitter.com/p0dwD3GvS1

— ANI Digital (@ani_digital) August 29, 2022