follow us:
ఆప్ఘన్ లెగ్ స్పిన్నర్ రషీద్ ఖాన్ ప్రపంచ రికార్డు సృష్టించాడు. అంతర్జాతీయ క్రికెట్‌లో ఒకే ఒక్కడిగా నిలిచాడు. న్యూజిలాండ్ ఆటగాడు టీమ్ సౌధీని వెనక్కి నెట్టేశాడు. పూర్తి వివరాలు ఇలా ఉన్నాయి.
ఆఫ్ఘనిస్తాన్ జట్టు లెగ్ స్పిన్నర్ రషీద్ ఖాన్ గుజరాత్ టైటాన్స్ జట్టులో కీలక ఆటగాడిగా అందరికీ సుపరిచితం. అద్భుతమైన స్పెల్‌తో ప్రత్యర్ధి బ్యాటర్లను ముప్పుతిప్పలు పెట్టగలడు. ఇప్పుుడు అంతర్జాతీయ టీ20 క్రికెట్‌లో అరుదైన ప్రపంచ రికార్డు నెలకొల్పాడు. యూఏఈతో నిన్న జరిగిన మ్యాచ్‌లో మూడు వికెట్లు తీసిన రషీద్ ఖాన్ ప్రపంచ రికార్డు బ్రేక్ చేశాడు. ఇప్పటి వరకూ ఈ రికార్డు న్యూజిలాండ్ బౌలర్ టీమ్ సౌధీ పేరిట ఉంది. టీమ్ సౌథీ అంతర్జాతీయ టీ20లో 126 మ్యాచ్‌లు ఆడి 164 వికెట్లు తీయగా, రషీద్ ఖాన్ కేవలం 98 మ్యాచ్‌లలోనే 165 వికెట్లు తీసి రికార్డు బ్రేక్ చేశాడు.
అంతర్జాతీయ టీ20లో అత్యధిక వికెట్లు తీసిన బౌలర్లు
రషీద్ ఖాన్-ఆఫ్గనిస్తాన్ 165 వికెట్లు
టీమ్ సౌథీ-న్యూజిలాండ్ 164 వికెట్లు
ఇష్ సోథి-న్యూజిలాండ్ 150 వికెట్లు
షకీబ్ అల్ హసన్-బంగ్లాదేశ్ 149 వికెట్లు
ముస్తఫీజుర్ రెహమాన్-142 వికెట్లు
యూఏఈతో జరిగిన టీ20 మ్యాచ్‌లో ఆప్ఘనిస్తాన్ 38 పరుగుల తేడాతో విజయం సాధించింది. ముందుగా బ్యాటింగ్ చేసిన ఆప్ఘనిస్తాన్ జట్టు నిర్ణీత 20 ఓవర్లలో 4 వికెట్ల నష్టానికి 188 పరుగులు చేయగా యూఏఈ 8 వికెట్లు కోల్పోయి కేవలం 150 పరుగులే చేయగలిగింది. అంతర్జాతీయ టీ20లో అత్యధిక వికెట్లు తీసినవారిలో రషీద్ ఖాన్, టీమ్ సౌథీ తరువాత ఇష్ సోథి, షకీబ్ అల్ హసన్, ముస్తఫీజుర్ రెహమాన్ ఉన్నారు.
