follow us:
సినిమా థియేటర్‌లో విజిల్స్ వేసే ఫ్యాన్స్… సడన్‌గా పొలిటికల్ జెండాలు పట్టుకుని రోడ్ల మీదకి వస్తే ఎలా ఉంటది? ఇప్పుడు తమిళనాడులో ఇదే నడుస్తోంది! మొన్న చూస్తే లారెన్స్ మాస్టర్ ‘నేను వస్తున్నా’ అన్నట్టు ఫ్యాన్స్ మీటింగ్ పెట్టారు. నిన్న చూస్తే ధనుష్ తన యాభైయ్యో సినిమా వేడుకని పొలిటికల్ సభలా మార్చేశారు. ఇక ఇప్పుడు మన ప్రిన్స్ శివకార్తికేయన్ వంతు వచ్చింది! యాభై అడుగుల కటౌట్లు, కర్పూర హారతులు, పాలాభిషేకాలు. ఏంట్రా ఇది? వీళ్లంతా నెక్స్ట్ ఎలక్షన్స్‌లో సీఎం కుర్చీ కోసం కర్చీఫ్ వేస్తున్నారా? లేక దీని వెనుక ఇంకేదైనా పెద్ద స్కెచ్ ఉందా?
ముందుగా ఫ్యాన్స్ ఎందుకు ‘రాజకీయాల్లోకి రండి అన్నా’ అని అరుస్తున్నారో తెలుసా? తమిళనాడు హిస్టరీనే అది. ఎంజీఆర్ దగ్గర్నుంచి జయలలిత, కరుణానిధి, మొన్న విజయ్ కాంత్, నిన్న రజనీ-కమల్, ఇవాళ దళపతి విజయ్ దాకా… అక్కడ యాక్టర్ అంటే నెక్స్ట్ లీడర్ అనే మైండ్‌సెట్ జనాలు ఫిక్స్ అయిపోయారు. అందుకే ఏ హీరో కొంచెం పాపులర్ అయినా, ఫ్యాన్స్ వెంటనే ‘తమిళనాడు కాపాడటానికి వచ్చిన రక్షకుడా’ అంటూ పోస్టర్లు వేసేస్తారు. కానీ… ఇక్కడే అసలు ట్విస్ట్ ఉంది! ఈ హీరోలు ఫ్యాన్స్ మీటింగ్స్ పెట్టడం వెనుక రెండు పెద్ద కారణాలు ఉన్నాయి. మొదటిది మార్కెట్ ప్రొటెక్షన్ అండ్ ప్రమోషన్! ఒకప్పుడు సినిమా వేరు, రాజకీయం వేరు. కానీ ఇప్పుడు తమిళనాడులో పెద్ద సినిమాల బిజినెస్ అంతా పొలిటికల్ బ్యాకింగ్ ఉన్న ప్రొడక్షన్ హౌసెస్ చేతుల్లోనే ఉంది. ఉదాహరణకు రెడ్ జెయింట్ మూవీస్. ఇలాంటి టైమ్‌లో హీరోలు తమ బలాన్ని నిరూపించుకోవాలి. ‘నా వెనుక ఇంత మంది ఫ్యాన్స్ ఉన్నారు, నా సినిమా జోలికి వస్తే థియేటర్లు బద్దలైపోతాయి’ అని ఇండస్ట్రీకి, పాలకులకు ఒక ఇండైరెక్ట్ సిగ్నల్ ఇవ్వడానికే ఈ మీటింగులు. శివకార్తికేయన్ లాంటి హీరోలు ‘అమరన్’ లాంటి పెద్ద సినిమాలతో నెక్స్ట్ లెవెల్ లీగ్‌లోకి వెళ్లేటప్పుడు… ఇలాంటి మాస్ ఇమేజ్ బిల్డప్ చాలా అవసరం!”
ఇక రెండో యాంగిల్… పొలిటికల్ సేఫ్టీ వాల్వ్! తమిళనాడులో దళపతి విజయ్ TVKపార్టీ పెట్టి పాలిటిక్స్‌లోకి వెళ్ళిపోయారు. అంటే నెక్స్ట్ సూపర్ స్టార్ రేస్‌లో ఒక పెద్ద కుర్చీ ఖాళీ అయింది. ఆ కుర్చీలో కూర్చోవడానికి ధనుష్, శివకార్తికేయన్, లారెన్స్ మధ్య గట్టి పోటీ నడుస్తోంది. విజయ్ వదిలేసిన మాస్ ఓటు బ్యాంక్, మాస్ ఫ్యాన్ బేస్‌ని తమ వైపు తిప్పుకోవడానికి వీళ్లంతా ట్రై చేస్తున్నారు. అందుకే స్టేజ్ ఎక్కినప్పుడు ‘నేను లీడర్ ని కాను, మీ ఇంట్లో పిల్లోడిని’ అంటూనే… పొలిటికల్ టచ్ ఉన్న డైలాగులు కొడతారు. ఫ్యాన్స్ ఏమో తమిళనాడు కాబోయే సీఎం అని కటౌట్లు పెడతారు. హీరోలేమో పైకి అయ్యో వద్దండి బాబు అంటారు కానీ, లోపల మాత్రం కాలర్ ఎగరేసుకుంటారు. ఎందుకంటే, ఈ క్రేజ్ ఉంటేనే థియేటర్ల దగ్గర కలెక్షన్ల వర్షం కురుస్తుంది. సినిమా హిట్ అయితే పాలిటిక్స్ మాట్లాడొచ్చు, ఫ్లాప్ అయితే ‘నేను ఎప్పటికీ మీ నటుడినే’ అని సేఫ్ గేమ్ ఆడొచ్చు. ఎంత స్మార్ట్ ప్లాన్ కదా!”
ఇదన్నమాట కథ! లారెన్స్ సేవా కార్యక్రమాల వెనుక, ధనుష్ స్పీచుల వెనుక, శివకార్తికేయన్ సైలెంట్ ప్రమోషన్ల వెనుక ఉన్న పక్కా మాస్ కమర్షియల్ అండ్ పొలిటికల్ కాలిక్యులేషన్ ఇది. తమిళనాడులో సినిమా అనేది కేవలం ఎంటర్‌టైన్‌మెంట్ కాదు… అది పవర్! ఆ పవర్ కోసం ఈ కటౌట్లు, ఈ మీటింగులు. మరి వీళ్లలో నిజంగా విజయ్ లాగా జెండా ఎత్తే మొనగాడు ఎవడో, కేవలం సినిమా కలెక్షన్ల కోసం బిల్డప్ ఇచ్చేది ఎవడో కాలమే సమాధానం చెప్పాలి
