ప్రకాశ్ రాజ్ గెలవాలి, నేను ఎదుర్కొన్న సమస్యలను బయటపెడతాా

ఫిల్మ్ డెస్క్- పూనమ్ కౌర్.. ఇప్పుడు పవన్ కళ్యాణ్ వర్సెస్ పోసాని కృష్ణమురళి ఎపిసోడ్ లో సెన్సేషన్ అవుతున్న పేరు. అవును పరోక్షంగా పూనమ్ కౌర్ ను ఉద్దేశిస్తూ, ఈ హీరోయిన్ ను శారీరకంగా వాడుకుని, కడుపు చేసి, ఆ తరువాత బెదిరించి అబార్షన్ చేయించారని పోసాని ఆరోపించారు. దీంతో అది పూనమ్ కౌరే అని పెద్ద ఎత్తున రాజకీయవర్గాలతో పాటు సినిమా వర్గాల్లో చర్చ మొదలైంది.

ఐతే ఈ అంశంపై ఇప్పటివరకు పూనమ్ కౌర్ డారెక్ట్ గా స్పందించలేదు. కానీ ఖచ్చితంగా దీనిపై స్పందిస్తానని చెబుతోంది పూనమ్. ఐతే అది ఎప్పుడో తెలుసా.. మూవీ ఆర్టిస్ట్స్ అసోషియేషన్ ఎన్నికల తరువాత. ‘మా’ ఎన్నికల్లో ప్రకాశ్‌ రాజ్ గెలవాలని తాను కోరుకుంటున్నట్టు పూనమ్‌ కౌర్‌ చెప్పారు. అప్పుడే ఇంతకాలం తాను ఎదుర్కొన్న సమస్యల్ని చెప్పగలిగే అవకాశం ఉంటుందని ఆమె అన్నారు. ఈ మేరకు ప్రకాశ్‌ రాజ్‌ తో తాను దిగిన ఫొటోని షెర్ చేస్తూ పూనమ్ కౌర్ ఓ ట్వీట్‌ పోస్ట్ చేసింది.

ట్వీట్ లో పూనమ్ కౌర్ ఏం చెప్పిందంటే.. ‘మా’ ఎన్నికల్లో ప్రకాశ్‌రాజ్‌ సర్‌ గెలవాలని కోరుకుంటున్నా.. ఆయన విజయం సాధిస్తే ఇంతకాలం నేను ఎదుర్కొన్న సమస్యల్ని బయటపెడతా.. ఆయన చిల్లర రాజకీయాలు చేయరు.. అని చెప్పుకొచ్చింది. పూనమ్‌ కౌర్ ప్రకాశ్ రాజ్ తో కలిసి నాగార్జున గగనం సినిమాలో నటించింది. వీరిద్దరి మధ్య మంచి పరిచయం ఉందని తెలుస్తోంది.

ఇక ప్రకాశ్‌రాజ్‌ ‘మా’ ఎన్నికల్లో అధ్యక్ష అభ్యర్థిగా పోటీ చేస్తున్నారు. మరోవైపు మంచు విష్ణు, సీవీఎల్ నరసింహా రావు సైతం మా అధ్యక్ష్య బరిలో ఉన్నారు. బండ్ల గణేశ్ ప్రధాన కార్యదర్శి పదవికి నామినేషన్ వేసి, చివరి నిమిషంలో నామినేషన్ ను విత్ డ్రా చేసుకున్నారు. ఈనెల 10న మా ఎన్నికలు జరగబోతున్నాయి. మరి ఈ ఎన్నికల్లో ప్రకాశ్ రాజ్ గెలిస్తే పూనమ్ కౌర్ ఏంచెప్పబోతోందోనని ఇండస్ట్రీ వర్గాల్లో ఆసక్తి నెలకొంది.

Want #prakashraj sir to win #maaelections , if he does I will put up the issues I have faced and kept quiet for the longest time , he is the only one who is apolitical and doesn’t get involved in petty politics ,with all due respect to elders will adhere to what they say .Jaihind pic.twitter.com/1lwJDwlLfs

— पूनम कौर ❤️ poonam kaur (@poonamkaurlal) October 1, 2021